Гимназиянең 9А сыйныфы укучысы Сөнгәтуллина Җәннәт "Звёздный билет" яшь шигырь сөйләүчеләр бәйгесенең шәһәр этабында II урынга лаек булды. Җәннәтне һәм җитәкчесе Светлана Федоровнаны җиңүләре белән котлыйбыз! Афәрин!

Татар теле һәм әдәбияты фәннәр атналыгын йомгаклап, башлангыч сыйныф укучылары арасында театр бәйгесе үткәрелде. Укучылар бөек татар язучыларының әсәрләреннән өзекләр сәхнәләштерделәр. Афәрин! Балалар әлеге чарадан яхшы кәеф белән таралыштылар.
    
  
  

21 нче февраль Халыкара туган тел көнендә 362 нче номерлы балалар бакчасында гимназиябез активистлары белән берлектә тәрбияви чара үткәрелде. Төп максат: балаларга туган телдә сөйләшә белүнең мөһимлеген күрсәтү.
Гимназия активистлары "Россиянең туган телләре" дип исемләнгән уен үткәрделәр. Балалар төрле милләтнең традицион уеннарында рәхәтләнеп уйнадылар, шигырьләр сөйләделәр, биеделәр, биремнәр башкардылар һәм барысы бергә татар халкының "Туган тел" җырын башкардылар.

Видеога сылтама: https://vk.com/club216931602?z=video-216931602_456239371%2F2369a5be75f2c592b2%2Fpl_wall_-216931602

Гимназиябездә Ватанны саклаучылар көне уңаеннан, патриотик акция уздырылды. "Яклаучыларыбызны кайгыртып" акциясе  түбәндәге юнәлешләр буенча оештырылды:
- үлән чәйләре җыю;
- башлангыч сыйныф укучыларыннан котлау открыткалары булдыру;
- махсус хәрби операциядә катнашучы солдатларыбызга гуманитар ярдәм күрсәтү.

Барлык җыелган гуманитар ярдәм 1234 полкның икенче батальонында хезмәт итүче солдатларыбызга җибәрелде. Акциядә катнашкан барлык укучыларга, укытучыларга һәм әти- әниләргә рәхмәтебезне җиткерәбез!

Видеога сылтама: https://vk.com/club216931602?z=video-216931602_456239365%2F51f932ca0abd51a6c9%2Fpl_wall_-216931602

Туган тел көне - безне берләштерүче мәдәният, гореф- гадәтләр һәм тел байлыгын искә алу көне. 
Татар теле - аралашу чарасы гына түгел, ул безнең тарихыбызга, мәдәниятебезгә ачкыч. Туган телебез буыннан-буынга тапшырыла торган әйтемнәргә, мәкальләргә һәм фольклорга бай. 
Халыкара туган тел көне уңаеннан, укучылар белән төрле чаралар, "Иң кадерле тел - туган тел" дип исемләнгән интерактив- лингвистик уен үткәрелде.
Татар теле яшәсен һәм үссен өчен аны бергәләп сакларга кирәк! Ул һәрберебезнең йөрәгендә яңгырасын! Хөрмәтлибез, саклыйбыз, үстерәбез!

Видеога сылтама: https://vk.com/club216931602?z=video-216931602_456239369%2F590577959c56e7c881%2Fpl_wall_-216931602

Хәрби- патриотик айлык кысаларында гимназиядә тәрбияви чаралар уздырыла башлады. Бу чаралар барысы да - патриотик аң, гражданлык позициясе тәрбияләүгә беренче адымнар.

20 нче февраль көнне үткәрелгән “Россия - минем горизонтларым” сыйныфтан тыш эшчәнлек курсы кысаларында "Индустриаль Россия: авыр сәнәгать, машина төзелеше" темасына сөйләшүләр алып барылды. Видеоөзекләрдән укучылар авыр сәнәгатьнең машиналар, автомобильләр һәм самолётлар гына түгеллеген белделәр. Бу безнең тормышыбыз өчен мөһим булган бар нәрсәне: биналарны, күперләрне, юлларны һәм инфраструктураны булдыручы һәм төзүче тармаклар. Аңа файдалы казылмалар чыгару, машина төзелеше, металлургия, химия промышленносте да керә.

Татар теле һәм әдәбияты фәннәр атналыгында 7 нче һәм 8 нче сыйныф укучылары арасында "Халыкара туган телләр" көненә багышлап "Нәрсә? Кайда? Кайчан?" уены үткәрелде. Брейн- ринг барышында укучылар татар әдәбияты белән бәйле булган сорауларга җаваплар бирделәр: мәкальләр, язучылар иҗаты, татар халык мирасы, фольклор. Барлык командалар үзләренең җитезлекләрен, татар әдәбияты буенча белемнәрен күрсәттеләр. Ә инде 8Б сыйныфы укучылары җиңүче исеменә лаек булдылар. Уенны югары дәрәҗәдә оештырган өчен татар теле һәм әдәбияты укытучысы Гөлназ Мазитовнага зур рәхмәт!

Гимназиябез укучылары Галиева Эльвина (4В) һәм Шәрәфетдинов Раян (5А) "ШАЯН ТВ" балалар каналында кунакта булып кайттылар. Алар Казан Мэриясе тарафыннан үткәрелүче "Гәүһәр" проекты белән бәйле булган кызыклы сорауларга җаваплар бирделәр, фикерләре белән бүлештеләр. Афәрин, укучылар!

 18 нче февраль көнне гимназиядә кызыклы һәм файдалы очрашу узды. 7 нче һәм 8 нче сыйныф укучылары Татарстан Республикасы дәүләт идарәсенең Цифрлы үсеш, мәгълүмати технологияләр һәм элемтә министры урынбасары Булат Габдрахманов һәм "Группа Астра" департаментының өлкән инженеры Алмаз Тагиров белән аралашу өчен уникаль мөмкинлек алдылар. 
Сөйләшү барышында укучылар мәгълүмати технологияләр һәм операция системалары турында белемнәрен ныгыттылар. Министр урынбасары Булат Габдрахманов операция системаларының әһәмияте һәм илебезнең куркынычсызлыгын тәэмин итүдә аларның роле турында сөйләде.
Алмаз Тагиров укучыларга беренче компьютерлар һәм Юрий Гагаринның нинди җайланмада очуы турында сөйләде, бу очыш өчен исәп- хисаплар Казанда үткәрелүен искәртте. Дәрес ахырында килгән кунакларыбыз укучыларны технологияләр дөньясына тагын да тирәнрәк чуму өчен ИТ-паркка килергә чакырды. Әлеге очрашу укучылар өчен үз белемнәрен киңәйтергә, ИТ-өлкә һәм операция системалары белән танышу өчен зур мөмкинлек булды.