ЮИД төркеме бүген беренче сыйныф укучыларына юл йөрү кагыйдәләрен аңлатты, мөктәптән кайсы маршрут белән кайтырга икәнен күрсәтте
 

Юл йөрү кагыйдәләрен искә алу, аларны дөрес куллану турында сыйныф сәгате үтте. 7 сыйныфларның сыйныф җитәкчеләре Татьяна Витальевна укучыларга юл билгеләрен,өйгә кайтуның куркыныч маршрутын искә төшерде. 

Атналык линейкада мәктәптә эшләп килүче төркемнәр һәм аларның командирлары белән танышу булды. ЮИД, ДЮП һәи Юнармия төркемнәре үзләренең эшчәнлеге, максатлары, бурычлары турында тулы мәгълүмат бирде.

Волонтерлар эшләрен башлап җибәрде. Алар бу эшнең нидән гыйбәрәт, кай ягы кызыклы икәнен төшенде. Алга бурыч һәм максатлар куеп шуларга ирешү өстендә көчне кызганмыйча эшләргә сүз бирде.
 

ЮИД төркеме "Тургай" балалар бакчасында кунакта. Нәниләргә юл хәрәкәте иминлеге, юл билгеләре, юлны дөрес итеп чыгу турында 4нчеләр мавыгып сөйләде һәм аларга үзләренең биюләрен һәм театральләштерелгән тамашасын күрсәттеләр.

Район үзәк мәдәният йортында бүген мәктәпләрдә эшләп килүче юл хәрәкәтенең яшь инспекторлары очрашты. Безнең мәктәптән 4нче сыйныф укучылары катнашты. Алар арасында көчле сынау башланды. Һәрбер команда үзенең осталыгын, сәхнәдә үз-үзен тотышын, җыр-биюгә сәләтен күрсәтергә тиеш иде. Нәтиҗәдә, кычганычка каршы, безнең команда көчлеләр исемлегенә керә алмады, әмма катнашу үзе бәхет дигән рухта калды.

Бүген укучыларга "Интернет челтәрендә куркынычсызлык" темасына информатика укытучысы Владимир Григорьевич сыйныф сәгате үткәрде. Монда интернет челтәрендә үз-үзеңне тоту кагыйдәләре, саклану чаралары турында сөйләнелде.

Бүген мәктәптә ата-аналар җыелышы үтте. Монда авыл фельдшеры Закирова Гөлия Ислам кызы гриппка каршы прививка ясату турында чыгыш ясады. Шулай ук Яңа Чишмә һәм Чирмешән районнары буенча өлкән инспектор, эчке эшләр капитаны Гуссамутдинов Илнур Шәүкәт улы янгыннан саклану чараларын санап чыкты, ата-аналарга балаларына  аеруча  зур игътибар бирергә киңәш итте. Мәктәп дирекциясе яңа уку елына планнар, яңа законнар турында сөйләде. 

Бүген 5нче сыйныф укучыларын варисларга кабул итү җыены булды. Балалар "Варислар кануннарын" төгәл үтәргә, тырышып укырга, өлкәннәрне хөрмәт итәргә,  кечеләргә ярдәм итәргә сүз бирделәр.

Без варисың синең, Татарстан

Улларыңа лаек алмашлар.

Яшел,ак,кызыл төсләрне алган

Галстуклы безнең нык сафлар.