Бүген Күбәк урта мәктәбе базасында мөгәллимебез Садриева А Р. "Ел укытучысы" республикакүләм профессиональ конкурсының муниципаль этабында ачык дәрес күрсәтте.

Инвалидлар декадасы кысаларында «Үзәк китапханә», «Үзәк балалар китапханәсе» хезмәткәрләре, «Гаилә һәм балалар» бүлекчәсе белгечләре белән берлектә, «Маяк» халыкка социаль хезмәт күрсәтү үзәге дәүләт автоном социаль хезмәт күрсәтү учреждениесе «Түбән Табын авылы сәламәтлек мөмкинлекләре чикләнгән балалар өчен интернат-мәктәбе» укучылары өчен Яңа ел алдыннан "Тиздән Яңа ел!" дип исемләнгән күңелле уеннар оештырдылар. Бәйрәм кунаклары Кыш Бабай, Кар Кызы һәм ике клоун Клепик һәм Клепик иде. Балалар бик теләп конкурсларда катнаштылар, әйлән-бәйлән әйләнделәр.
Интернатта мәрхәмәтлек һәм җылылык рухы хөкем сөрә.
Без балаларга әкият бүләк итәргә тырыштык, чөнки Яңа ел – үзенчәлекле бәйрәм, могҗизага ышанып кына калмыйча, аны үзең дә булдырасы килә, - ди китапханә хезмәткәрләре

Мәрхәмәтлелек декадасы кысаларында әхлакый сыйфатларны формалаштыру максаты белән психолог кече яшьтәге мәктәп укучылары белән "Син һәм мин, бергә без-бер гаилә!"исеме астында әхлакый сәгать уздырды.Балалар дуслык кагыйдәләрен искә төшереп,"Дуслык елмаюдан башлана"уенын уйнадылар. "Кар бөртекләре " дигән иҗади күнегүне мавыктыргыч һәм кызыклы итеп башкардылар.

2021 елның 3 декабреннән 10 декабренә кадәр Халыкара коррупциягә каршы көрәш көне кысаларында мәктәп укучылары арасында коррупциягә каршы юнәлешле «Бергә – коррупциягә каршы» дигән рәсем һәм плакатлар конкурсы үткәрелде.Конкурс укучыларның коррупциягә каршы дөньяга карашын формалаштыру, укучыларда коррупциягә тискәре караш тәрбияләү, коррупциягә каршы үз-үзеңне тоту күнекмәләрен үстерү, укучыларның иҗади сәләтләрен үстерү максатыннан үткәрелде. Конкурс комиссиясе рәсемнәр һәм плакатларны теманың ачылу дәрәҗәсе, агитация (пропаганда) көче (плакат өчен), эшнең оригинальлеге, плакатның эстетик (сәнгати) дәрәҗәләренә карап бәяләде.
Әлеге конкурс,Түбән Табын авыл җирлеге башлыгы Кыяметдинов Р. Ш. белән берлектә үткәрелде. Башлык җиңүчеләргә истәлекле бүләкләр тапшырды,киләчәктә дә төрле чараларда актив булырга өндәде.

Туган телләр һәм халыклар бердәмлеге елы кысаларында, 8 нче декабрь көнне татар теле һәм әдәбияты укытучыларының “Аулак өй” муниципаль проектының чираттагы утырышы “Сәламәтлек мөмкинлекләре чикләнгән балалар өчен Түбән Табын интернат-мәктәбе”ндә уздырылды. “Аулак өй”нең темасы- “Капка төбендә кичке уеннар”. Бу чара яшь буынга татар халкының тарихы, гореф-гадәтләре, традицияләре, көнкүреш һәм тел үзенчәлекләре халык уеннарында чагылуын күрсәтте. Килгән кунакларыбыз татар орнаментларын кулланып башмак бизәү  серләренә төшенделәр һәм бизәп карадылар. Туган телебезне, гореф-гадәтләребезне саклыйк, киләчәк буыннарга да тапшырыйк!

1 декабрь-Бөтендөнья СПИДка каршы көрәш көне. Шушы көн уңаеннан "Мизгел" яшьләр үзәге "   "СПИДка юк!ВИЧ-инспекцияне профилактикалауга һәм сәламәт яшәү рәвешен популярлаштыруга юнәлдерелгән онлайн рэсем конкурсы игълан итте.  Түбән Табын мәктәбе интернатында тәрбияләнүчеләр дә әлеге конкурстан  читтә калмады. Укучылар үзләренең рәсемнәрен җибәрделәр һәм җиңүчеләр булдылар

Бүген «ГазпромТрансгазКазан» белән берлектә оештырыла торган «Яшәү чыганагы — газ!» дип исемләнгән бәйгегә йомгак ясадылар һәм бәйгенең җиңүчеләрен тәбрикләделәр.Әлеге конкурска безнең мәктәп укучылары да катнашып,сертификатка ия булдылар.

Наркотикларга каршы айлык кысаларында тәрбиячеләр "Куркыныч шаярулар" дигән мәгълүмати сәгате үткәрделәр. Укучыларны начар гадәтләргә юк дип әйтергә кирәклеген өндәп алар белән көрәшергә, кисәтергә дә кирәклеген искәртеп уздылар. Чара ахырында балалар "Үзләренә тормыш бүләк ит" дигән китап күргәзмәсе белән таныштылар,  зарарлы гадәтләр һәм шулай ук сәламәт яшәү рәвеше турында материал тәкъдим ителде.

Бүген, 6 декабрьдә, Түбән Табын интернат мәктәбе спорт залында  «Хезмәткә һәм оборонага әзер» Бөтенроссия физкультура-спорт комплексы фестивале узды.Әлеге чарага  Мөслим районының 1-9 сыйныф укучылары катнашты. Фестивальне ачу тантанасында мәктәп директоры Хәбибуллин И. Р., яшьләр эшләре һәм спорт бүлеге җитәкчесе Яббаров И. Р. һәм мәгариф бүлеге җитәкчесе урынбасары, хөкемдар Фәттахов Р. К. чыгыш ясадылар.
 Фестивальдә катнашучыларны төрле спорт сынаулары көтә иде. Ә барысы да төгәл теркәлсен һәм ярышлар беркетмәсенә кертелсен өчен, ГТО фестивалендә һәр этапта судьялар командасы вәкилләре эшләде. Ярышлар эмоциональ узды, балалар бер-берсен, ә рекордка баручыларны алкышлар белән каршы алдылар. Егетләр дә, кызлар да сынауларны лаеклы үтәделәр.
Чара ахырында балаларны мәгариф бүлеге җитәкчесе Хәбибуллина Л. Я. уңышлары белән котлап, җиңүчеләрне тәбрикләде.

Мәрхәмәтлелек декадасы кысаларында үзәк балалар китапханәсе хезмәткәрләре " Эх күңелле балачак! Уйнап-биеп, усэр чәк!" дип исемләнгән чара белән бездә булып киттеләр. Анда балалар төрле башваткычлар, табышмаклар чиштеләр, хәрәкәтле уеннар уйнадылар. Чара ахырында һәр бала татлы күчтәнәч белән бүләкләнде.