"Мөслим егете, Мөслим кызы"муниципаль проекты кысаларында 3 нче сыйныф укучылары өчен тәрбияче Фархутдинова Г.В. "Баян"дигән темага әңгәмә үткәрде. Әңгәмә барышында педагог балалар белән баян өчен әсәрләр язган композиторларның иҗаты, жанрлары турында фикер алыштылар.
Проект кысаларында тәрбияче Баян уен коралының барлыкка килү  тарихын да бәян итте. Балалар зур кызыксыну белән тәрбияченең уенын һәм әңгәмәсен тыңладылар, баянда әсәрләрне башкаруның алымнарына гаҗәпләнделәр.Әңгәмә бердәм сулышта узды һәм яшь тыңлаучыларда зур кызыксыну уятты.

Актив гражданлык позициясе тәрбияләү, патриотизм, укучыларның илнең дәүләт төзелеше турында белемнәрен тирәнәйтү һәм аларның иҗади активлыгын арттыру максатыннан 8 февраль көнне Түбән Табынның мөмкинлекләре чикле балалар өчен интернат – мәктәбендә, Татарстан Республикасы Конституциясе кабул ителүгә 30 ел тулу уңаеннан  «Мин гражданин! Минем хокукларым һәм вазыйфаларым» темасына багышлап, Мөслим муниципаль районы Түбән Табын авыл җирлеге Советы башлыгы, 7 нче округ депутаты Кыяметдинова Р. Ш. катнашында парламент дәресе уздырылды.
Дәрес бик кызыклы һәм мавыктыргыч үтте. Парламент дәресе барышында Татарстанда парламентаризм тарихы һәм үсеше турында кызыклы сөйләшү алып барылды. Дәреснең максаты-укучыларның Россиядә закон чыгару хакимиятенең роле һәм урыны, аның функцияләре, законнар кабул итү механизмнары турында белемнәрен тирәнәйтү; укучыларның сәяси культурасын һәм актив гражданлык позициясен формалаштыруга ярдәм итү.

"Мөслим егете,Мөслим кызы"проекты кысаларында укучылар онлайн рәвештә,районыбызның Туган як музеена сәяхәт кылдылар. Музей хезмәткәре Тимкин Равиль Ильдар улы укучыларны районыбыз тарихы белән таныштырды.

Туган илен саклауга үз өлешен керткән ир – егетләргә хөрмәт тәрбияләү , батырларны барлау, яшь буынны, бабалары, әтиләре, абыйларының хәрби хезмәте белән таныштыру, патриотик хис тәрбияләү, хәрби хезмәт вакытында батырлык күрсәткән ир егетләрнең исемен мәңгеләштерү максатыннан, укучылар белән “Минем гаилә солдаты” исеме астында тәрбия сәгате уздырылды. Укучылар әтиләре фотолары ярдәмендә ясалган видеофильм карадылар,  үз гаиләләре солдаты тарихы белән таныштырдылар.

Бу көннәрдә  күп кар явуы өлкән яшьтәгеләр өчен авыр сынау булды. Кайсебер өлкәннәргә  хәрәкәт итүе дә кыен, ә шушы көннәрдә булган кар явудан соң, өйләреннән чыгу да кыенлашты. Ярдәм итү йөзеннән мәктәп  волонтерлары "Кар десанты" акциясе оештырдылар, аның кысаларында ялгыз пенсионерларга йорт яны территорияләрендә кар чистартуда ярдәм иттеләр. Укучылар көрәкләр белән коралланып, кышкы мәшәкатьләрне намус белән башкарып чыктылар.
 Акциянең максаты-яшь буында игелекле гамәлләр кылырга омтылу, җәмгыятьтә өлкәннәргә карата бердәмлек һәм хөрмәт хисләре тәрбияләү. Ел әйләнәсендә укучылар әлеге категориядә яшәүчеләргә өй эшләрендә адреслы ярдәм күрсәтәләр.
 Шәхси йортларда яшәүче ялгыз өлкәннәр өчен мондый ярдәм бәяләп бетергесез.

Бүген, хәрби - патриотик тәрбия бирү айлыгы кысаларында укучылар белән " Хәрби техника" исеме астында интелектуаль уен үткәрелде.
Әлеге уенның төп максаты- укучыларга Ватан төшенчәсен искәртеп узу,  хәрби техника турында белемнәрне ныгыту. 
Чара барышында балалар сугыш елларының хәрби техникалары белән танышып,искә төшереп уздылар , табышмаклар чиштеләр, бирелгән хәрефләрдән сүзләр төзеделәр. Яшь артистларыбыз исә, "Катюша" җырын башкарып , вальс биеделәр. Викторина ахыры  хәрби машиналар  ясау белән тәмамланды.

Хәрби-патриотик тәрбия айлыгы кысаларында бүген мәктәптә «Сталинград! Бөек батырлык кылган шәһәр!" исеме астында тәрбиячеләр тарафыннан тәрбия сәгате уздырылды.
Чараның максаты:  Сталинград сугышының әһәмиятен укучыларга җиткерү, сугышта һәлак булганнарны искә алу, илебез тарихын барлау.

Хокук бозуларны кисзтү айлыгы кысаларында психолог педагоглар өчен "Ни өчен балалар урлашалар?" исеме астында әңгәмә-бәхәс оештырды. . Фикер алышу барышында педагоглар урлау очракларында балалар белән үзеңне ничек тотарга кирәклеге. урлашуның сәбәпләрен алдан күрә белү. фактлары турында  киңәшләр алдылар.

Инде традициягә әйләнгәнчә,һәр елны гыйнвар ахырында мәктәптә чыгарылыш сыйныф укучылары белән очрашу кичәсе уза. Быел ул илдә эпедемиологик вәзгыятьне күздә тотып ZOOM платформасы аша уздырылды . 
Әлеге чараның максаты-укучыларда гореф-гадәтләргә карата кызыксыну уяту,аларда җаваплылык һәм бурыч хисе булдыру. Мәктәп традицияләрен саклау, рухи – әхлакый тәрбия бирү эшен оештыру, мәктәп һәм чыгарылыш сыйныф укучылары арасында дәвамчанлыкны тәэмин итү, укучыларга һөнәри юнәлеш бирү.

Патриотик хис тәрбияләү максатыннан,укучылар белән "Блокадалы икмәк" акциясе кысаларында  әңгәмә үткәрелде. Укучыларга халкыбызның героик үткәне, Бөек Ленинград шәһәре һәм аның фашизм белән көрәшкән халкы, сугыш елларындагы  авыр язмыш турында бәян ителде.