Өлкән сыйныф укучыларының нинди дә булса эшчәнлек төренә яки мәктәп фәненә карата кызыксынуыннан булачак һөнәр сайлау тора. Укучыларга булачак олы тормышта нинди эшчәнлек алып баруын яхшырак аңларга ярдәм итү өчен, 9 нчы сыйныфта психолог балалар белән "Профиль"(укучыларның мәнфәгатьләре картасы") методикасын үткәрде. Балалар зур кызыксыну белән инструкцияне үтәделәр һәм сораулар бирделәр.

Хокукый белемнәр һәм хокук бозуларны профилактикалау айлыгы кысаларында 5-9 сыйныфларда «Тормышка хокук»дигән сыйныф сәгатьләре узды.
 Сыйныф сәгате барышында балалар «Кеше хокуклары», «Бала хокуклары», «Нәрсә ул закон» төшенчәләре буенча белемнәрен гомумиләштерделәр, шулай ук кеше хокуклары декларациясенең, административ һәм Җинаять кодексының кайбер маддәләренең эчтәлеге белән таныштылар. Сыйныф сәгатьләре барышында укучылар дискуссиядә актив катнаштылар, үз фикерләрен белдерделәр, балигъ булмаган балаларның хокукка каршы гамәлләр кылган төрле ситуацияләрне анализладылар. 
 Сыйныф сәгатьләре ахырында балалар «Рөхсәт ителә - тыела " уенында актив катнаштылар һәм «Бәла булмасын өчен" белешмәлеге алдылар.

Хокук бозуны кисәтү айлыгы кысаларында мәктәптә төрле чаралар үткәрелүен дәвам итә. Балалар, педагоглар арасында «Суд бара»дигән хокукый уен бик күп уңай фикерләр алды.  Төп геройлар- балалар үзләре иде. Үзешчән артистлар әкият персонажлары үрнәгендә урлашу кебек хокук бозу очракларының нәтиҗәләрен ачык һәм матур итеп күрсәтте.

Хокук бозуны кисәтү айлыгы кысаларында башлангыч сыйныф укучылары психолог белән берлектә мультфильмнар карадылар һәм төрле хокук бозуларның нәтиҗәләре турында фикер алыштылар.

Туган телләр һәм халыклар бердәмлеге елы,"Мөслим кызы, Мөслим егете" муниципаль проекты кысаларында Тубән Табын интернат мәктәбенең 3 нче сыйныф укучылары  Кәрим Тинчурин исемендәге драма һәм комедия театрының күренекле артисты ,якташыбыз Зөфәр абый Харисовның абыйсы Җәүдәт абыйда кунакта булдылар. Җәүдәт абый балаларга Зөфәр абыйның бала-чагы турында сөйләде, истәлекле гаилә фотоларын күрсәтте.  Укучылар үзләрен кызыксындырган сорауларын бирделәр. Әнгәмә бик тә кызыклы  булды.

16 нчы ноябрь көнне безнең мәктәпкә Татарстан Республикасы буенча  Россия гадәттән тыш хәлләр министрлыгының 123 нче янгынга каршы ПС 4 15 ПСО ФПС ГПС ГУ бүлек командиры-Мирхазиянов Рамиль Х. килде. Ул 1-9 сыйныф укучылары арасында Тормыш иминлеге һәм янгын куркынычсызлыгы нигезләре буенча ачык дәрес үткәрде. Янгын сагы хезмәткәре балаларга янгын һәм гадәттән тыш хәлләрне булдырмау өчен нинди куркынычсызлык кагыйдәләрен үтәргә кирәклеге һәм янгын һәм гадәттән тыш хәлләр очрагында үзеңне ничек тотарга кирәклеге турында сөйләде. Балаларга шулай ук ашыгыч хезмәтләрне чакыру телефон номерларын да искә төшерелде. Һәм, әлбәттә инде, янгын сүндерүченең героик һөнәре, аларның авыр хезмәт көннәре турында сөйләнелде. Тик бу очрашу сөйләү белән генә тәмамланмады: малайлар һәм кызларга хәрби кием-салым һәм янгын сүндерүченең кирәк-яракларын карау гына түгел, үзләрен чын янгын сүндерүче итеп тою да насыйп булды. Әңгәмә барышында укучыларның барлык сорауларына да тулы җаваплар бирелде. Балалар рәхмәт әйттеләр.

Кече мәктәп яшендәге балаларны адаптацияләүнең мультикомпонентлы "Кораб" программасын тормышка ашыру максатында, 10-12 ноябрьдә психолог Гильфанова Г. Г. һәм Әхмәтова Г. В. "Кораб" кече мәктәп яшендәге балаларны адаптацияләүнең мультикомпонентлы программасын интеграцияләү " дигән семинар-практикумда катнаштылар.

Туган телләр хәм халыклар бердәмлеге елы уңаеннан укучылар  "Татарстан" дәүләт телерадиокомпаниясе әзерләгән фильм циклын карауны дәвам итәләр. Бүген, татар китапларын нәшер итүгә үзеннән күп көч куйган шәхес "Харитонов бабай ядкарләре" исемле документаль фильм белән якыннан таныштылар.

08.11.-12.11.21. аралыгында безнең мәктәптә, балигъ булмаганнарның хокук бозуларын, җинаятьләрен, күзәтүчесезлеген һәм девиант тотышын профилактикалау айлыгы кысаларында, «Мин һәм Закон» дигән рәсем конкурсы узды. Укучылар үз эшләрендә хәзерге җәмгыятьне ничек күрүләрен һәм яшүсмерләр буынының закон төшенчәсенә һәм үтәлешенә ничек каравын күрсәттеләр.
Иң актив катнашучылар кызыксындыру призлары , ә җиңүчеләр сувенирлар  белән бүләкләнде.

Башлангыч һәм урта звенога күчү, гадәттәгечә, педагогик яктан катлаулы мәктәп проблемаларының берсе булып санала, бишенче сыйныфта адаптация чорында – мәктәптә белем бирүнең иң авыр чорларының берсе. Бу чорда балаларның хәле, педагогик күзлектән караганда, түбән оешканлык, уку – укыту таркаулык һәм дисциплиналылык, уку һәм нәтиҗәләр белән кызыксынуның түбән булуы, психологик яктан үз-үзеңә бәя төшү, ситуатив борчуның югары дәрәҗәсе белән характерлана. Бу чорда балалар артыннан күзәтү кирәк. Шул уңайдан, 5 нче сыйныф укучылары белән балаларның яңа шартларга яраклаштыру буенча анкеталау үткәрелде.