Тәрбияче балалар белән рус теленнән "Осень" темасы буенча яшелчәләрнең исемнәрен әйттерә.Балалар рус һәм татар телендә дөрес итеп яшелчә исемнәрен беләләр.Хезмәт сөючәнлек тәрбияләнә,әдәплелек тәрбияләнде.

Тәрбияче балаларны бизиборд белән таныштырды.Балалар шнур бәйләргә,йозак ачарга ,телефоннан шалтыратырга өйрәнделәр.Бизиборд ярдәмендә бала бик күп шөгыльләр өйрәнә.

Зурлар төркемендә саннарны тану күнегүләре өстендә эш алып барылды.Балалар саннарны рус телендә һәм татар телендә бик яхшы беләләр.Зирәклек,тапкырлык тәрбияләнә.Математик күнегүләр ныгытылды.

Балалар белән "Шалкан" әкиятен сөйләргә өйрәндек.Алар әкияттәге геройларның эзлеклелеген өйрәнделәр.Сөйләм теле нтытылды.Сүзләрне дөрес әйтү өстендә эшләнелде.

Балалар рәсемнәр буярга бик яраталар.Мондый шөгыльләр төсләрне аерырга өйрәтә,пөхтәлек тәрбияләнә,чиста эшләү күнегүләре барлыкка килә.

Тәрбияче балалар белән юл йөрү кагыйдәләрен төгәл үтәү турында меоприятие үткәрде.Балалар шоферлар,җәяүлеләр булдылар.Светофорның яшел төсе янгач кына кузгалырга кирәклеген хәтерләрендә калдырдылар.Җәяүле дә,шофер да игътибарлы булырга тиеш.Юл йөрү кагыйдәләрен һәрвакыт төгәл үтәргә кирәк-дигән нәтиҗә чыгардылар.

Балалар җырларга бик яраталар.Музыка тавышы ишетүгә бии башлыйлар.Бүген тәрбияче "Яфрак бәйрәме"җырын өйрәтте.Балалар сүзләрне дөрес әйтергә,авазларны ачык итеп әйтергә өйрәнделәр.

Тәрбияче балалар белән "Көзге бал" бәйрәменә шигырьләр сөйләтте, җырлар җырлатты.Балаларның сәнгатьле сөйләм телен үстерү өстендә эш алып барылды.Көзге табигатьнең матурлыгына соклану хисе тәрбияләнде.

Бүген балалар белән "Әбиемнең серле сандыгы" темасына сөйләштек.Сандык эченнән татар кызлары һәм егетләренең киемнәрен карап танышып бардык.Борынгы киемнәрне күреп балалар бик сөенделәр.Татар милли гореф-гадәтләрен белүләренә ирештек.Кием исемнәрен исләрендә калдыруларын ныгыттык.

Бүген балалар белән рәсем дәресендә "Минем гаиләм" темасына сөйләштек.Балалар үзләренең әти-әниләрен бик яратуларын әйттеләр.Кеше фигурасын ясау күнегүләрен ныгытылды.