01.07.23 көнне 9 нчы сыйныф укучылары, имтиханнарын уңышлы тапшырып, кулларына аттестат алды. Алар тормышның беренче баскычын уздылар. Бу - алар өчен беренче үр. Укучылар! Сезне кулыгызга аттестат алуыгыз белән котлыйбыз. Сәламәт булыгыз! Киләчәгегез якты һәм матур булсын! Яңа үрләр яуларга әзер булыгыз! "Соңгы кыңгырау" бәйрәмендә алган йолдызларыгыз сезгә юл күрсәтеп барсын!/Дорогие наши 9-классники! 9 лет назад вы пришли в школу с широко раскрытыми глазами, ожидая чуда. Девять лет назад первый звонок собрал вас вместе в нашей школе и позвал в дорогу. Дорога ваша была нелегкой, с ухабами, резкими поворотами, можно сказать «гонки на выживание».  Самое важное испытание в этом году – экзамены. Каждый по-разному их перенес: кто-то с должным спокойствием, кто-то менее спокойно. Волновались и вы, волновались и родители, переживали за вас и учителя, но все волнения уже позади. Первый тайм, как говорят, вы уже отыграли. В добрый путь, дорогие ребята! И пусть завтрашний день несет с собой только добрые перемены!

Җәйге каникулга эш планы нигезендә "Спорт көне" нә багышлап, мәктәпнең спорт клубы җитәкчесе Гайров Ильяс З. волейбол буенча студент егетләр белән спорт клубына йөрүче укучылар арасында иптәшләрчә матч оештырды. Дуслык җиңде. Егетләргә һәм Ильяс Зинуровичка сәламәтлек телибез.

26.06.23 Мөслимдә "Чыгарылыш - 2023". Күбәк урта мәктәбенең күңелендә бәйрәм хисе ташып торган; зур тормышка, олы дөньяга беренче адымнарын ясарга әзерләнүче; зур өмет – хыяллар белән янучы; спортта да, сәнгатьтә дә, укуда да алдынгылар рәтендә атлаучы; һәрвакытта да ниндидер яңалык эзләүче һәм шул ук вакытта шаян да, кирәк чакта җитди һәм эшлекле дә булган ​ һәркемгә көндәш булырдай чыгарылыш сыйныф укучысы Биктимеров Зирәк Расил улы. Аның үз йолдызлыгы. Һәм ул йолдызлыкта ул гына түгел. Аның​ белән һәрвакыт янәшәдә Зирәкне егетләрчә олы тормыш юлына әзерләгән, авырлыкларны җиңәргә, югалып калмаска өйрәткән, тормыш тәҗрибәсе биргән сыйныф җитәкчесе Маликов Илнур Иншат улы.

"Салават купере" мәктәп яны лагерена йөрүче укучылар Рәсәйкүләм “Бер минут тынлык” акциясенә кушылдылар. Ил тарихына иң кайгылы көннәрнең берсе булып кереп калган, кара хәрефләр белән язылган 22 июньне Хәтер һәм кайгы көне буларак билгеләп үтәбез. Нәкъ шул көнне, 1941 елның 22 июнь таңында, фашист Германиясе илебезгә бәреп кергән. 1418 көн һәм төн дәвам иткән канкойгыч сугышта СССР 27 миллионлап кешесен югалткан. Хәтер һәм кайгы көнендә күп кенә илләрдә дәүләт флаглары төшерелә, сугыш корбаны булучылар искә алына. Шул вакыйга уңаеннан, "Салават купере" мәктәп яны лагеренда “Бер минут тынлык” акциясе узды. Педагог-оештыручы Валиева Гөлнара балаларга якташларыбызның Бөек Ватан сугышы вакытында курсәткән батырлыклары турында сөйләде. Балалар сугыш геройлары турында белделәр һәм сугышта һәлак булганнарны баш иеп, бер минут тынлык белән искә алдылар.

Тәрбия эшләре буенча директор урынбасары Гарифуллина Д.Р. Бөгелмә шәһәрендә “Алдынгылар хәрәкәте” Россия балалар һәм яшьләр хәрәкәте эшчәнлеген оештыру" темасына төбәк семинарында катнаша. Семинар 22.06.23-23.06.23 көннәрендә узачак.

"Салават күпере" мәктәп яны лагеренда “Кыюрак! Көчлерәк! Җитезрәк!” спорт уены үткәрелде.

"Салават күпере" мәктәп яны лагеренда ”Хәзинә эзләүчеләр” дип исемләнгән квест-уены үткәрелде. Уен башында командаларга маршрут карталары тапшырылды. Балалар маршрут картасында күрсәтелгән станцияләрдә туктап яшерелгән фишкаларны эзләп таптылар һәм төрле биремнәрне үтәделәр. Уен һәр катнашучыга үз белемнәрен, сәләтләрен күрсәтергә мөмкинлек бирде. Балаларны берләштерергә ярдәм итте

 "Салават күпере" мәктәп яны лагеренда "Сабантуй" бәйрәме узды. Балалар “Капчыкларда йөгерү”, “Чүлмәк вату”, “Кашыкка йомырка салып йөгерү” һәм башка күңелле уен-бәйгеләрдә көч сынаштылар.  Сабантуй бәйрәме уңаеннан авылыбыз эшмәкәре Гөлназ Рәхимова балаларны туңдырма белән сыйлады.  Бу могҗизалы бәйрәм балаларга бик күп шатлык һәм уңай энергия өстәде.