Электронное образование Республики Татарстан

21 нче февраль — Халыкара туган тел көне! / 21 февраля — Международный день родного языка

Бүген – Халыкара туган тел көне. Туган теле белән горурланган һәркемне әлеге зур бәйрәм белән тәбрик итәбез!
Дөньяда 7000 гә якын тел бар. Шуларның 83е киң таралган. Ә 383 тел бөтенләй юкка чыгарга мөмкин. Мәсәлән, Африка урманнарында яшәүче ючи кабиләсе телендә 5 кеше генә сөйләшә.
Һәр халыкның туган теле – аның мәдәнияте, тарихи көзгесе. Татар теле – ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу – туган телебез белән горурланырлык мөһим фактор.

Балаларны юл йөрү кагыйдәләренә өйрәтү исә, бүгенге көннең иң актуаль проблемаларының берсе булып кала бирә. Чөнки республикабызда автотранспорт саны, юлларда машина хәрәкәте көннән-көн арта бара. Шуның нәтиҗәсендә балаларның юл-транспорт һәлакәтенә юлыгу куркынычы да көчәя. Шуңа күрә балаларның урамда һәм юлда үзләрен дөрес тоту кагыйдәләрен өйрәнү, кабатлау максат итеп куела. Бүген без юл йөрү кагыйдәләрен искә төшердек.

Дәрестән тыш эшчәнлек һәм "Туган якны өйрәнәбез" мәктәп проектын гамәлгә ашыру кысаларында 7-8 нче класс  укучылары белән  Мөслимгә экскурсиягә бардык. Укучылар "Мизгел" яшьләр үзәгендә булып, тәмәке тартуның сәламәтлеккә зарары турында әңгәмәдә катнаштылар, соңыннан кино карадылар. "Мизгел" яшьләр үзәге җитәкчесе Мансур Набиевка һәм белгечләренә бик зур рәхмәт.