29-30 нчы декабрь көннәрендә, балалар бакчасы хезмәткәрләре, Кыш бабай, Кар кызы һәм башка маскалар булып киенеп, хезмәткәрләребезнең балаларын өйләренә барып яңа ел белән котлап кайттылар! 

Балачакның иң матур көтеп алган бәйрәме - ул яңа ел. Бу беркем өчен дә сер түгел. Балачакта, яңа ел бәйрәме, тылсымлы кебек тоела. 

25 - 26 нчы декабрь көннәрендә  төркемнәрдә яңа ел бәйрәмнәре үтте. Балалар бакчасы хезмәткәрләре, балаларның бәйрәмнәренә, бераз гына булсада, тылсым өстәргә тырышты. Бәйрәмгә бик күп кунаклар килгән иде: солтан, убырлы карчык, кар бабай, шүрәле, кыш бабай, кар кызы һәм башкалар.

28 нче октябрь бакчабыз өчен истәлекле көн булып калды,чөнки буген уртанчы һәм мәктәпкә әзерлек төркеме балалары әниләр көне бәйрәме уңаеннан, иң кадерле кешеләрен - әниләрен бәйрәмгә җыйды.Җыр-бию, кызыклы уеннар белән әзерләнгән бәйрәм концерты әниләрне сөендерде, чын күңелдән әйтелгән нәфис сүзләр матур теләк булып барып иреште. Бәйрәм ахырында балалар үз тырышлыгы белән ясаган бүләкләрен әниләренә тапшырдылар.Бәйрәмне куюда музыка җитәкчесе һәм төркемнәрнең тәрбияче апалары тырышлык куйды. 

26 нчы ноябрь көнне бакчабызда район һәм авыллар балалар бакчалары мөдирләре семинары узды. "Карлыгач" балалар бакчасы ФГОС (федеральный государственный образовательный стандарт) программасы буенча эксперементаль площадка булып торганлыктан, бакча мөдире барлык эш планнары һәм аның тәртибе турында тирәнтен таныштырды.Сорауларга җавап бирде.

Октябрь ае бакчабызда  актив әзерлек белән башланып китте. Балалар, әти - әниләре белән бердәмлектә, табигый материаллардан "Көзге матурлык" дип исемләнгән күргәзмә әзерләде.Күргәзмә Көз Сылуны каршы алуга әзер иде. Барлык төркемнәрдә дә көзге иртәләр узды. Әзерләнгән бәйрәм эчтәлегендә һәр балага уен- бирем,табышмак җитәрлек булды.Тәрбиячеләр дә читтә калмады, кызыклы әкияти геройларны оста итеп башкардылар. Бәйрәм барышыннда, "Көзге матурлык" оста куллар күргәзмәсенә нәтиҗә ясалды.Ахырда, килгән кунаклар, әкияттәгедәй серле дөнья итеп бизәлгән залда гаилә фотографияләренә төште. 

Буген бакчабызның мәктәпкә әзерлек төркеме балалары, Мөслим муниципаль районында хәрби хезмәткә чакырылучылар көне уңаеннан, Мизгел яшьләр узәгендә концерт номерлары күрсәтте.Хәрби хезмәткә баручы егетләребезгә уңышлар теләнде.

"Карлыгач" балалар бакчасы коллективы, "Кояшкай" балалар бакчасы белән бердәмлектә, оешма- предприятиеләрнең смотр конкурсында катнашты.Моңлы җырлар, күңелле биюләр, уен- көлке белән сәхнәләштерелгән скетчлар тамашачының көчле алкышларына лаек булды.Финалны көтеп калабыз!

17 нче октябрь көнне,Мөслим районының гимназиясендә, Мөслим муниципаль районы мәгариф хезмәткәрләре профсоюз оешмалары Советының VII отчет-сайлау конференциясе үтте. Конференциядә  бакчабызның профсоюз председателе Бадертдинова Гөлназ Илгизәр кызы катнашты.

Варяш-Баш авылы балалар бакчасында узган, район балалар бакчалары мөдирләре семинарында, Шаяхметова З.В. һәм Бәдертдинова Г.И. уңышлы чыгыш ясады.