Бәйрәмнәр бездә җитәрлек. 

Үзе бәйрәм — балачак!

Балачакның шат еллары

Мәңге истә калачак!

Әйе, балачак кеше гомеренең иң матур чагы. Ә 1 июнь - бөтен дөнья балаларны саклау көне! Шушы уңайдан, бакчабызда бәйрәм гөрләп узды. Балалар янына кунакка әкият геройлары килде, төрле уеннар уйнатылды. Җыр - биюләр белән аралашып барган бәйрәм бик күңелле булды.

28 нче май көнне бакчабызның 1 нче мәктәпкә әзерлек төркеме балалары, яратып йөргән бакчалары белән хушлашу кичәсе уздырды. 

Бүген бакчабызның, гимназиядә урнашкан, мәктәпкә хәзерлек төркемендә чыгарылыш иртәсе гөрләп узды. Төркемдәге барлык 27 бала да  1 нче сыйныфка укырга керәләр. Аларга сәламәтлек, бәхет, 4 һәм 5 билгеләренә генә укуларын теләп калабыз! 

Бакчабызның мәктәпкә әзерлек төркеме балалары,  " Охрана и условия труда в процессе трудовой и учебно - воспитательной деятельности" дип исемләнгән II Республика күләм рәсем конкурсының муниципаль этабында катнашты.

18 май көнне, район мәдәният сараенда, Бөек Җиңүнең 70 еллыгына багышланган концерт булып узды. Безнең хезмәткәрләребез дә читтә калмады. Алар "Радуга" һәм "Кытай кызлары" биюләре белән чыгыш ясадылар.

Сугыштан соң бик күп сулар акты,

70 тапкыр җиргә ямьле яз килде,

70 тапкыр язгы май кояшы

Назлы, җылы нурларын сипте!

Әйе, чыннын да нәкъ менә 70 ел элек 9 май көнендә шушы матур яз ае алып килә безгә Бөек Җиңү бәйрәмен!  Менә шушы матур бәйрәмгә багышланган иртәгә без бүген узебезнең Мөслим җирлегендәге сугыш ветераннарын кунакка чакырдык. Балаларыбыз аларга үзләренең концерт номерларын күрсәттеләр, ә ветераннарыбыз балаларга үзләренең якты теләкләрен теләделәр. 

Бакчабызның мәктәпкә хәзерлек һәм уртанчылар төркеме балалары, район үзәгендә урнашкан "Туган як" музеена экскурсиягә бардылар. Музейның фәнни хезмәткәре Р. И. Тимкин балаларны анда булган экспонатлар белән таныштырды.

29 апрель көнне бакчабызда, район шифаханәсенең балалар табиблары, чираттагы еллык тикшерүләрен үткәрделәр.

Бакчабызда татарның бөек шагыйре Габдулла Тукай иҗатына багышланган иртә булып узды. Балаларыбыз бөек шагыйрьнең әсәрләрен сәхнәләштерделәр, шигырьләрен сөйләделәр. Балалар янына кунакка Тукай әкиятләреннән Су анасы белән Шүрәле дә килгән иде. Соңыннан балалар Г. Тукай әсәрләреннән ясалган мультфильмнар карадылар.

Габдулла Тукайның туган көне уңаеннан балалар бакчасында рәсем конкурсы оештырылды. Мәктәпкә хәзерлек һәм уртанчы төркем балалары, әти - әниләре ярдәме белән, бөек шагыйрьнең әсәрләренә рәсемнәр ясап алып килделәр. Конкурсның җиңүчеләре диплом белән бүләкләнде.