Уку елының беренче яртысын зур уңышлар белән тәмамладык. Укучыларыбыз Республика һәм Бөтенроссия олимпиадаларының муниципаль этабында 28 призлы урын яуладылар. Шуларның 3 се - җиңүче.  Мөхәмәдиева Азалия тормыш иминлеге нигезләре фәненнән( укчытучысы Әхмәтов Р.Ә.), биологиядән (укытучысы Мөбәрәкова Д.Ф.), Гиздәтуллина Алсу җәмгыять белеменнән (укытучысы Хәкимова Г.Ш.) җиңү яуладылар. Бу укучыларга республика этабында да сынатмыйча, зур уңышларга ирешүләрен телибез. Олимпиада призерлары һәм җиңүчеләрен әзерләгән укытучыларга зур рәхмәтләребезне җиткерәбез. 

Чыршы, чыршы, без сине

Сагынып көттек ел буе. 

Син тагын да матуррак

Бизәлгәнсең бу юлы.

Көтеп алынган Яңа ел бәйрәме җитте. Бәйрәмгә мәктәпкәчә яшьтәге балалар төркеме, барлык  класс укучылары стена газеталары, рәсемнәр ясады, концерт номерлары, чыгышлар әзерләде.Мәктәп директоры Мөбәрәков И.М. уку алдынгыларын һәм олимпиада призерларын бүләкләде. Кыш Бабай белән Кар Кызын озатып, Яңа 2023 нче елны каршы алдык. Илебезгә тынычлык, иминлек, бәхет-шатлыклар, зур уңышлар алып килсен Яңа ел!

Күбәк урта мәктәбе базасында "Ел укучысы" конкурсының зона этабы узды. Әлеге конкурста 4 нче сыйныф укучысы Шамс Айдан катнашып, уңышлы чыгыш ясады.Укытучысы Мөхәмәдиева А.Ф.

"Бәхетле балачак" исемле сәнгатьле сөйләүчеләр конкурсында 4 нче сыйныф укучысы Шамс Айгиз 1 урын яулады. Афәрин! Укытучысы Мөхәмәдиева А.Ф. Котлыйбыз!

Татар теленнән республика олимпиадасының муниципаль этабында 5 нче сыйныф укучысы Мөбәрәкова Лилияна, 6 сыйныфтан Бәдретдинов Эмиль, 8 нчы сыйныф укучылары Гиздәтуллина Алсу, Хәйдәрова Алия, 9 нчы сыйныф укучылары Мөхәмәдиева Азалия, Яруллина Роза, Насыбуллин Азат; татар әдәбиятыннан Мөхәмәдиева Азалия, Яруллина Роза, Гиздәтуллина Алсу призер булдылар. Укытучылары Шамсова Р.Д., Хәкимова Г.Ш. Афәрин! Котлыйбыз!

"Солдат булып тумыйлар" конкурсында 3 нче класс укучысы Латипов Данир шигырь номинациясендә, 4 нче класс укучысы Шамс Айдан рәсем номинациясендә 3 нче урынга лаек булды. Укытучылары Шәймәрдәнова Р.Г., Мөхәмәдиева А.Ф. Котлыйбыз!

Бүген мәктәптә контракт нигезендә Сахалин өлкәсенең Итуруп утравында хезмәт итүче, Украинада махсус операциядә катнашкан Хәкимов Рифат белән очрашу булды. Ул укучыларга хәрби хезмәт һәм  аңа физик әзерлек кирәклеге турында  сөйләде, укучыларны, укытучыларны кызыксындырган сорауларга җавап бирде. Укытучылар Рифат мәктәптә укыган чордагы истәлекләре белән уртаклаштылар. 

Бөтенроссия олимпиадаларының муниципаль этабында җәмгыять белеме фәненнән 8 нче сыйныф укучысы Гиздәтуллина Алсу җиңүче, 9нчы сыйныф укучысы Насыбуллин Азат призер булды. Укытучылары Хәкимова Г.Ш., Бәдретдинова Г.М. Котлыйбыз! Уңышларыгыз дәвамлы булсын!

Оста куллар  түгәрәгендә укучылар агачтан төрле әйберләр ясау белән шөгыльләнәләр.  Түгәрәк җитәкчесе Мөбәрәков И.М.