5 класста әфганчыларга багышланган тормыш дәресе үтте. Укучылар Хәтер китабы белән һәм И.Фарраховның хатлары, шәхси әйберләре белән таныштылар. Класс җитәкчесе Фаррахова Р.Г.

Патриотик айлык кысаларында мәктәбебез укучылары һәм укытучылары әфганчы авылдашларыбыз каберенә зыярәт кылдылар. Каберлек яннарын кардан арындырдылар.

6 нчы класста "Әфган яралары" дигән темага тормыш дәресе үтте. Укучылар музейга кереп, авылыбыз әфганчыларына багышланган почмак белән таныштылар. Аннан соң Әфганстанда һәлак булган авылдашыбыз Илфар Фарраховның хатларына нигезләнеп ясалган фильм карадылар. Класс җитәкчесе Мөбәрәкова Д.Ф.

Татар мәктәпләрендә белем алучы укучылар арасында узган татар теле буенча республика олимпиадасында мәктәбебезнең 5 нче сыйныф укучысы Мөбәрәкова Лилияна призер булды. Укытучысы Шамсова Р.Д.. Котлыйбыз!!!

Мәктәбебез "Чаңгы юлы-2023" ярышына кушылды. 1-4, 5-9 нчы класслар арасында егет-кызларыбыз көч сынашты.Иң җитез чаңгычыларыбыз: башлангыч класслар арасында- Латипов Данир (1 урын), Мөбәрәков Ранил (2 урын), Хасанов Ислам (3 урын), Искужина София (1 урын), Шайхразиева Ирада (2 урын), Хабирова Азалия (3 урын). 5-9 нчы класслар арасында - Нуриева Лиана(1урын), Яруллина Роза (2 урын), Нуриева Аделина(3 урын), Закиров Солтан (1урын), Емельянов Артур (2 урын), Закиров Илнар (3 урын). Котлыйбыз!

5-6 сыйныф укучылары Венера апа Шакиряновага шефлыкка бардылар.Җитәкчеләре Фаррахова Р.Г., Мөбәрәкова Д.Ф.

7-8 нче сыйныфларда "Мөслим егете.Мөслим кызы" проекты кысаларында "Олимпия талисманнары" темасына тәрбия сәгате үтте. Укучылар талисман тарихы турында видеофильм  карадылар, уеннар уйнадылар.

Хәрби патриотик айлык кысаларында үзенең Ватан алдында хәрби бурычын үтәп кайткан авылыбыз егете, мәктәбебез укучысы Вәлиев Айрат белән очрашу булды. Айрат укучыларны үзенең солдат тормышы белән таныштырды. Чарада мәктәп директорыбыз Илдар Мәгъфүрҗанович та үзенең хәрби хезмәттәге истәлекләре белән уртаклашты.Укучылар үзләрен кызыксындырган сорауларга җавап алдылар. 

6 нчы сыйныфта ата-аналар җыелышы үтте. Әниләр рус теленнән ачык дәрес карадылар. Класс җитәкчесе Мөбәрәкова Д.Ф. "Тәрбия бирүдә әти-әниләрнең роле" дигән темага чыгыш ясады. Әниләр анкета сорауларына җавап бирделәр. "Балам тәрбияле булсын өчен мин нәрсә эшли алам?" дигән сорауга бергәләп җавап эзләделәр. Фән укытучылары балаларның белем дәрәҗәсе турында чыгышлар ясады.

"Мөслим егете. Мөслим кызы" проекты кысаларында 9 нчы сыйныфта "Сәламәтлек-иң зур байлык" темасына тәрбия сәгате үтте. Укучылар төркемнәрдә сәламәт яшәү рәвеше кагыйдәләре буенча проект эшләделәр. Сыйныф җитәкчесе Бәдретдинова Г.М.