2023 нче ел- Россиядә Укытучы һәм остаз елы, Татарстанда Милли мәдәниятләр һәм гореф-гадәтләр елы дип игълан ителде. Шул уңайдан, безнең укучылар район мәдәният йортында Пушкин картасы буенча  Актаныш районы "Агыйдел" дәүләт җыр һәм бию ансамбле чыгышын карадылар. Чарада 7-9 класс укучылары катнашты. 

2023 нче ел - милли мәдәниятләр һәм гореф-гадәтләр елы уңаеннан, барлык классларда да "Гаилә кыйммәтләре һәм традицияләре" темасына мөһим сөйләшүләр үтте.

"Тамчылар" вокаль ансамбле "Созвездие-Йолдызлык 2023" районкүләм эстрада фестиваленең "Вокаль ансамбльләр" номинациясендә 2 урын яулады. Җитәкчеләре Бәдретдинова Г.М., Мөбәрәкова Д.Ф. Афәрин, котлыйбыз!

Мәктәпкәчә яшьтәге балалар төркемендә тәрбияләнүчеләр әтиләрен Ватанны саклаучылар көне белән котлап, видеотәбрикләүләр җибәрделәр. Тәрбияче Вәлиева Г.А.

 8 нче сыйныф укучысы Хәйдәрова Алия татар әдәбияты һәм сәнгате өлкәсендә Муса Җәлил исемендәге республика премиясенә ия булган шәхесләребез иҗаты буенча I төбәкара фәнни-гамәли конференциядә катнашып, 2 урынга лаек булды. Фәнни җитәкчесе Шамсова Р.Д. Афәрин! Котлыйбыз!

21 февраль- туган телләр көне. Бу көнне мәктәптә тәнәфесләрдә татар теле турында җырлар, шигырьләр яңгырады. Дәресләргә кергәндә укучыларны ишекләргә язып эленгән  тел турында татар халык мәкальләре каршы алды. Татар теле һәм әдәбияты укытучысы Шамсова Р.Д. укучылар белән "Йолдызлы сәгать" уены үткәрде. Чара укучылар өчен кызыклы һәм файдалы булды.

Барлык классларда да Ватанны саклаучылар темасына мөһим сөйләшүләр үтте.

"Яшьлек" спорт комплексы залында "Мәктәп волейбол лигасы" республика проекты кысаларында егетләр арасында волейбол буенча район ярышлары узды. Турнирда районның гомуми белем бирү мәктәпләреннән 12 команда катнашты. Безнең мәктәпнең егетләр командасы 3 урынны яулады. Җитәкчеләре Әхмәтов Р.Ә. Котлыйбыз!