Математика фәненә кызыксыну, игътибарлык, җитезлек тәрбияләү; фикерләү тизлеген,  математика фәне буенча белемнәрне тирәнәйтү һәм ныгыту максатыннан, тәнәфестә һәм дәрестән тыш  вакытларда  укучылар белән бер минутка исәпләү, тапкырлау һәм бүлү күнегүләре үткәрелә.  Укытучы Суфиахметов И.В.

1-3 классларда ата-аналар җыелышы үткәрелде. Класс җитәкчесе Шәймәрдәнова Р.Г. математикадан ачык дәрес күрсәтте. 

9 нчы сыйныфта ата-аналар җыелышы үткәрелде. Әниләр географиядән (укытучы Мөбәрәков И.М.) ачык дәрес карадылар. Укучыларның имтиханнарга әзерлеге турында сөйләшенде. Укытучылар сынап карау имтиханнарының нәтиҗәләре белән таныштырды. Класс җитәкчесе Бәдретдинова Г.М. чыгыш ясады. Мәктәп директоры Мөбәрәков И.М. ныклап әзерләнергә кирәклеген искәртте.

Физик һәм психологик яктан ял итү өчен,  тәнәфес вакытын дөрес итеп файдалану зарур. Шул максаттан, укучылар өчен  халкыбызның милли уеннары үткәрелә, музыка астында төрле биюләр башкарыла. 

Кышкы каникул чорында укучылар  үз куллары белән кошларга махсус җимлекләр ясадылар, ә соңыннан аларга кошлар ашый торган җимнәр салып, җимлекләрне агачларга урнаштырдылар. Хәзер исә башлангыч класс укучылары  җимлекләрне төрле орлыклар, ипи валчыклары  белән тәэмин итеп тора. "Әлеге игелекле эшкә күбрәк кеше кушылсын иде. Яхшылыкны бергә эшлик! Җимлекне бит пластик шешәдән, кәгазь тартмадан да ясап була. Кошларга бераз гына көнбагыш, тары ярмасы, ак ипи салсаң - шул җитә», - диләр алар.

"Мөслим егете.Мөслим кызы" проекты кысаларында 7 нче сыйныф укучысы Нуриева Аделина "Олимпия уеннары тарихы" темасына чара үткәрде. Укучылар олимпия уеннарының килеп чыгу тарихы белән танышты, тест биремнәре эшләде, олимпия символын ясадылар, Класс җитәкчесе Хамматуллина Р.М.

Мәктәбебезнең "Импульс" командасы мәктәптән тыш эшләр үзәгендә үткәрелгән "Брейн-ринг" интеллектуаль уенында катнашып, уңышлы чыгыш ясады. Насыбуллин Азат "Иң актив тамашачы" буларак җиңүче булды һәм "Дуслар-клаб" кинотеатрына билет белән бүләкләнде. Котлыйбыз! Җитәкчесе Мөбәрәкова Д.Ф.

5-6 сыйныф укучылары Харисова Рәмилә апага шефлыкка бардылар. Җитәкчесе Фаррахова Р.Г.

"Мөслим егете.Мөслим кызы" проекты кысаларында 6 нчы класста "Без бергә" дип исемләнгән тренинг үтте. Тренинг коллективны берләштерү, үзара дуслык һәм бер-береңне хөрмәт итү сыйфатларын үстерүгә юнәлдерелгән иде. Тренинг ахырында һәр укучы сыйныфташларына "бүләк" бирде: көн дәвамына җитәрлек матур теләкләр теләде. Класс җитәкчесе Мөбәрәкова Д.Ф.