Муниципальное бюджетное общеобразовательное учреждение «Татарская гимназия №2 имени Шигабутдина Марджани при Казанском Федеральном Университете» Московского района г.Казани Базового учреждения Центра национального образования
Визитная карточка
Адрес: | 420095, г. Казань, ул. Шамиля Усманова, д. 11 |
Телефон: | +7(843)-554-25-14 |
E-Mail: | g2.kzn@tatar.ru |
Министерство: | Министерство образования и науки Республики Татарстан |
Короткое название: | МБОУ "Татарская гимназия №2 при КФУ" |
Руководитель: | Гайнуллин Рамиль Рашитович |
Год основания учреждения: | 1990 |
У нас учатся: | 893 ученика, 150 воспитанников |
У нас учат: | 66 учителей, 14 воспитателей |
Муниципальное бюджетное общеобразовательное учреждение «Татарская гимназия №2 имени Шигабутдина Марджани при Казанском Федеральном Университете» Московского района г.Казани Базового учреждения Центра национального образования - новости
Страницы: << 11 12 13 14 15 16 ( 17 ) 18 19 20 >>
-
Хәтер һәм Кайгы көне 22.06.2022
Бүген 22 июнь - Хәтер һәм Кайгы көне. 1941 нче елда фашист илбасарлары илебезгә каршы сугыш башлаган, канкойгыч бәрелешләрдә миллионлаган халкыбызны югалтырга мәҗбүр иткән көн. "Кече Сәләт" мәктәп яны лагеренда ял итүче балаларыбыз бүген шул уңайдан Җиңү паркында булдылар, хәрби техника белән таныштылар, сугыш турында шигырьләр сөйләделәр. Яуларда һәлак булучыларны бер минут тынлык белән искә алдылар.
Ветераннарыбызга, сугышта үзен аямыйча көрәшкән бабаларыбызга, тылда хезмәт куйган әбиләребезгә бөек Җиңү өчен зур рәхмәт әйтәбез! Яшь буын тарихыбызны, бабаларыбызның батырлыгын онытырга тиеш түгел. Алар даны мәңгелек!
-
"Мин спорт сайлыйм" 09.06.2022
Укучыларның җәйге ялы дәвам итә. Бүген алар "Мин спорт сайлыйм" дигән сәламәтлек акциясенә кушылды. Спорт уеннары, ярышлар балаларны тагын да җитезрәк итә, күтәренке рух өсти! Ялларыгыз күңелле үтсен!
-
"Апушның тылсымлы төшләре" 07.06.2022
6 июньдә Казан шәһәре мэриясе каршында оешкан "Апуш" балалар татар театр студиясенең премьерасы узды! "Апушның тылсымлы төшләре" дип исемләнгән әсәрләрен "Сәйдәш" мәдәният йортында сәхнәләштерде алар. Гимназиябезнең 10 укучысы кичә бәйрәмдә төрле рольләрне башкарды. Укучыларыбызны һәм яңа "Апуш" театр студиясен беренче спектакльләре белән тәбриклибез! Бу матур башлангычның дәвамлы булуын һәм киләчәктәге эшчәнлегегезнең дә зур уңышлар белән баруын телибез!
-
Международная олимпиада по русскому языку для учащихся школ с нерусским языком обучения 06.06.2022
Cегодня, 6 июня - в Пушкинский день в России и День русского языка, в Международном информационном центре Деревни Универсиады с участием министра образования и науки РТ И.Г. Хадиуллина состоялась торжественная церемония чествования победителей и призеров Международной олимпиады по русскому языку для учащихся школ с нерусским языком обучения. В олимпиаде приняло участие 209 школьников из 14 субъектов Российской Федерации и Республики Казахстан. Среди них были и наши гимназисты. Ученица 10Б класса Камалиева Камилла стала сегодня победителем, а Менибаев Алмаз, ученик 8Б класса, - призёром. Искренне поздравляем вас, ребята, и желаем, чтобы ваши знания помогали вам и дальше достигать еще больших и высоких результатов!
-
Мәктәп яны лагеренда 03.06.2022
Мәктәп яны лагеренда бүген балалар ярыша-ярыша "Шырпы тартмасы"нда катнашты. Командалар бер-бер артлы биремнәрне үтәп, турнирның барлык бәйгеләрен уңышлы үтәп чыктылар. "Шырпы тартмасы"на җыелган шырпычыклар саны буенча җиңүче команда ачыкланды.
Балаларның җәйге яллары һәркөн төрле чаралар белән үрелеп бара. Җитезлек, тапкырлык, белем таләп иткән уеннарда укучылар рәхәтләнеп ял итәләр, үзләрен сынап карыйлар. "Кече сәләт"тә сәләтеңне тагын да үстер, укучым, актив бул!
-
"Укучының мәдәни көндәлеге" 01.06.2022
2014 нче елдан мәктәпләрдә башлангыч сыйныф укучылары өчен "Укучының мәдәни көндәлеге" дип аталган яңа проект старт алган иде. Әлеге проектның аудиториясе елдан-ел киңәя бара. Көндәлек укучыларга республикабызның тарихи-истәлекле урыннары, музей-күргәзмәләре белән якынрак танышырга ярдәм итә. Алар сыйныфташлары, әти-әниләре, әби-бабайлары белән музей, театр, китапханә, концерт залларына йөриләр, тарихи урыннарга сәяхәт итәләр.
Гимназиябезнең 1 нче В сыйныфы укучысы Шакирова Камилә "Укучының мәдәни көндәлеге" проектында җиңүче булып танылды. 1 июнь - Халыкара балаларны яклау көнендә - ул укытучысы Касыймова Зөһрә Илсур кызы белән "Әкият" курчак театрында бүләкләү тантанасында катнашты.
Тәбриклибез, Камилә! Җиңүләрең дәвамлы булсын!
-
Халыкара балаларны яклау көне 01.06.2022
1 июнь - Халыкара балаларны яклау көне. Бу көннең максаты – бәхетле балачакның һәр сабыйда булырга тиешлеген әти-әниләрнең, өлкәннәрнең исенә төшерү.
Сезне җәйнең беренче бәйрәме белән котлыйбыз, укучылар! Балалар уйнасын, укысын, буш вакытын файдалы үткәрсен, үзенең сәләтен ачсын өчен дәүләт тарафыннан күп мөмкинлекләр тудырылган. Һәрберегез шуны дөрес файдаланып, алга, югарыга омтылыгыз! Барыгызга да күңелле балачак, сәламәтлек, җәмгыятькә лаеклы шәхесләр булып үсүегезне телибез!
-
"Соңгы кыңгырау- 2022" 25.05.2022
Бүген гимназиябезнең чыгарылыш 25 укучысы өчен кыңгырау соңгы тапкыр шалтырады. Шатлыклы да, бер үк вакытта моңсу да бәйрәм укучыларны, барлык укытучыларны, әти- әниләрне бергә җыйды.
Барасы юлларыгыз киң булсын, укучылар! Ул юлларда үтеп булмаслык сикәлтәләр булмасын, булса да, алар сезне тагын да көчлерәк, тагын да тәҗрибәлерәк итсен! Әйләнә- тирәгездә ярдәм кулын сузарлык кешеләр булсын, йөзегездәге елмаюлар бүгенгедәй самими булып калсын! Бәхетле булыгыз, сәламәт булыгыз! Уңышлы якты киләчәк сезгә, балалар!
-
Төп дәүләт имтиханнары 19.05.2022
Бүген гимназиябезнең 9 нчы сыйныф укучылары беренче имтиханнарын тапшырачак: Төп дәүләт имтиханнары башланып китте.
Барлык 42 укучыбызга да алдагы имтиханнарны уңышлы тапшыруларын телибез! Гимназиядә алган белемнәрегез һәрвакыт дөрес юлдан атларга ярдәм итсен һәм яңа үсеш мөмкинлекләрен ачсын!
-
Юбилеең белән, Пионерия! 18.05.2022
19 май - Пионерия туган көн! Галстуклы еллар, өлкән буынның күңел түрендә мәктәп елларының якты хатирәсе булып сакланган пионер оешмасы төзелүгә 100 ел! Пионерларның 20 нче гасырда гөрләп узган еллары пионер отрядлары, тимурчылар, пионер-геройларның батырлыклары, гүзәл һәм көчле Ватаныбыз, пионерлар дуслыгы, балаларның киләчәк омтылышлары һәм хыяллары турында сөйлиләр.
Әлеге истәлекле көн уңаеннан сыйныфларда элекке пионервожатыйлар һәм пионер булучы әти - әниләр белән очрашу, әңгәмәләр оештырылды, пионер җырлары өйрәнелде. Пионер атрибутлары булган быргы, байрак, барабан, пионер формасы һәм шул чордагы көндәлек - дәфтәрләр, уку әсбаплары, мактау грамоталары, пионер тормышы турындагы мәкаләләр һәм фоторәсемнәр чемодан-музейларга тупланды. Бүген укучыларыбыз Пионериянең 100 еллыгына багышланган фестивальдә катнашты.