Нәүрүз сүзенең  мәгънәсе фарсыча “яңа көн” (нәү – яңа, рүз – көн) дигәнне аңлата. Кайбер  илләрдә бик борынгыдан килгән Яңа елны каршылау бәйрәме ул. Нәүрүз көн белән төн тигезләшкән чорга – 21–22 мартка туры килә. Көнчыгыш календаре буенча әлеге  язны каршылау язгы чәчү эшләре алдыннан үткәрелә торган халык бәйрәменнән гыйбарәт.
Халкыбызның гореф – гадәтләрен, йолаларын өйрәнүгә игътибарны арттыру,гореф-гадәтләребезне онытмау максатыннан, мәктәбебезнең 5-9 сыйныф укчылары Мәдәният йорты белән берлектә шәһәр күләмендә үткәрелгән Нәүрүз бәйрәмендә катнаштылар. Бәйрәм матур җырлар, дәртле биюләр белән үрелеп барды.Нәүрүзгә Кыш бабай да килгән. Аның тиз генә үз биләмәләрен бирәсе килмәде,әмма ярышларда Яз кызы Нәүрүзбикә җиңеп чыкты.Бәйрәмдә тамашачы балалар да актив катнашты.