15-17 нче май көннәрендә Ядегәр урта гомуми белем бирү мәктәбе укытучылары, укучылар һәм аларның әти-әниләре Саратов шәһәренә сәяхәт кылдылар. Әлеге сәяхәт кысаларында Мубаракова Гөлнара Рамазан кызы җитәкләгән «Ядкәр» бию төркеме «Идел йолдызлары» дип исемләнгән Төбәкара татар балалары фестивалендә өч бию белән катнашып, «Татар биюе» номинациясендә Лауреат дәрәҗәсендәге диплом белән бүләкләнделәр. Шулай ук, Якупова Гөлия Рафис кызы җитәкчелегендә Нуриева Иделия «Вокал» номинациясендә Гран-при дәрәҗәсенә лаек булды. Афәрин! Чын күңелдән котлыйбыз! Әлеге фестивальгә Россиянең күп кенә регионнарыннан катнашучылар җыелган иде. Алар үзләренең дәртле җыр-биюләре, шигырьләре һәм сәхнә әсәрләре аша татар мәдәниятенең никадәр бай икәнлеген искәрттеләр. Әлеге сәяхәт һәм фестиваль барлык катнашучылар күңелендә истәлекле мизгелләр һәм җылы хисләр калдырды. Сәяхәтне оештыруга үз көчен керткән барлык катнашучаларга олы рәхмәтебезне җиткерәбез!