"Кояшкай" мәктәп яны лагеренең икенче атнасы да башланып китте. Бүгенге көн гаилә белән бәйле иде, "Энекәш һәм сеңлекәш көне" дип аталды ул. Иртәнге зарядка ясап, тәмле иртәнге ашны ашаганнан соң, балаларга "Йолдызлы коктейль" дип исемләнгән кызыклы уен үткәрелде. Уен барышында балалар ике командага бүленеп, үзара көч сынаштылар. Иртән "Өйдәге гигиена" темасына әңгәмә уздырылды. Әңгәмәдән соң, Ядегәр авылында урнашкан "Восток" агрофирмасының машина-трактор паркына экскурсия оештырылды. Балалар анда авыл хуҗалыгында кулланыла торган төрле техника белән таныштылар, Исхак абыйларына үзләрен кызыксындырган күпсанлы сорауларын да бирделәр. Экскурсия бик мавыктыргыч үтте. Шулай ук, көн дәвамында әйдаманнар саф һавада хәрәкәтле уеннар һәм эстафеталар уздырдылар. Төшке аштан соң балалар "Минем гаиләм", "Минем энем һәм сеңлем" темаларына рәсемнәр ясап, күргәзмә оештырдылар. Сегодняшний день в лагере прошел под темой "День братика и сестрички". В течение дня были организованы следующие мероприятия: минутка здоровья "Гигиена в доме", развлекательная программа "Звездный коктейль", конкурс рисунков "Мой брат, моя сестра", спортивные игры на воздухе, экскурсия в машинно-тракторный парк агрофирмы "Восток".