Кадерле, яраткан әниләр һәм дәү әниләр! Сезне чын күңелдән «Әниләр көне» белән тәбрик итәбез һәм рухи көч, тормыш зирәклеге, фәрештә сабырлыгы, хатын-кыз бәхете, үзара мәхәббәт, өйләрегез нурлы булуын телибез. Рәхмәт сезгә җылылык, наз һәм кайгыртучанлык өчен. Сезгә, кадерлеләребез, һәрвакыт һәм һәркайда үзегезне кирәкле һәм сөекле кеше итеп хис итүегезне телибез.
Әлеге матур бәйрәм хөрмәтенә мәктәбебезгә укучыларыбызның әбиләрен, дәү әниләрен һәм әниләрен  «Әнкәй - җирдә иң зур кеше» дип исемләнгән бәйрәм кичәсенә чакырдык. Педагог-оештыручы Рамилә Нургаяновна, музыка укытучысы Гөлия Рафисовна, тәрбия эшләре буенча директор урынбасары Айгөл Илгизәровна, "Ядкәр" бию төркеме җитәкчесе Гөлнара Рамазановна җитәкчелегендә 1-11 нче сыйныф укучылары һәм аларның сыйныф җитәкчеләре көче белән әзерләнгән концерт программасы дәртле җыр-биюләр, сәхнә әсәрләре, матур шигырь юллары белән үрелеп барды. Кадерле кунакларыбызның очрашу кичәсе чәй табыны артында дәвам итте.