Ел саен Татарстан Республикасының Архив эше буенча Дәүләт комитеты «Без тарихта эзлебез»-«Эхо веков» дип аталган шәҗәрә фестивале үткәрә. Ул буыннар дәвамчанлыгын саклап калырга, милли традицияләр нигезендә гаилә-туганлык бәйләнешләрен ныгытырга, Татарстан халыкларының милли традицияләрен, гореф-гадәтләрен торгызырга, гаилә иҗаты традицияләрен үстерергә һәм үсеп килүче буынга эстетик, әхлакый һәм рухи тәрбия бирүгә юнәлдерелгән. 11 ноябрьдә мәктәбебезнең тарих һәм җәмгыять белеме укытучысы Бәшәрова Рәмзия Вәккас кызы гаиләсе белән берлектә әлеге фестивальның муниципаль этабында катнаштылар. Бәйге берничә өлештән торды. Һәр өлешендә дә матур чыгышлар күрсәтеп, Бәшәровлар гаиләсе фестивальдә 2 нче урынны яулады. Афәрин! Чын күңелдән котлыйбыз һәм киләчәчктә дә зур уңышлар, яңа җиңүләр телибез!