16 нчы декабрь көнне мәктәбебездә Укытучы һәм остазлар елына багышланган "Рәхмәт сиңа, Укытучым!" дип исемләнгән бик матур бәйрәм чарасы үткәрелде. Бу кичәгә Ядегәр авылы гомуми урта белем бирү мәктәбендә эшләп, лаеклы ялга киткән һәм хезмәт юлына тәүге адымнарын мәктәбебездә башлап, соңыннан башка мәктәпләрдә белем һәм тәрбия биргән хөрмәтле остазларыбыз чакырылды. Укытучылар һам укучыларыбыз аларны колач җәеп каршы алдылар. Иң элек кунакларыбыз капиталь ремонттан соң балкып торган, заманча җиһазландырылган мәктәбебез белән танышып чыктылар, үзләре эшләгән чорларны искә төшерделәр, озак еллар күрешмәгән хезмәттәшләре белән рәхәтләнеп аралаштылар. Шулай ук кунакларыбыз өчен мәктәп музеена экскурсия оештырылды. Бәйрәм актлар залында дәвам итте. Кукмара муниципаль районы Мәгариф идарәсе башлыгы Әхмәдуллин Илфат Ильяс улы ветеран остазларыбызны бәйрәм белән котлагач, истәлекле бүләкләр тапшырды. Мәктәбебездә директор булып эшләгән Галимов Фаиз Нәфыйк улына, Хайруллин Әнәс Абдулла улына, математика укытучысы Хәсәнова Сәвия Госсәм кызына, башлангыч сыйныфлар укытучысы Хамзина Рәмлә Ибраһим кызына "Кукмара районы каршындагы казанышлары өчен" дигән Күкрәк билгесе бирелде.
Укыту эшләре буенча директор урынбасары Шакирова Роза Мәкъсүт кызына, тәрбия эшләре буенча директор урынбасары Хайруллина Асия Габделбәр кызына, рус теле укытучысы Сәгъдиева Фәридә Гәрәфетдин кызына, башлангыч сыйныфлар һәм рус теле укытучысы Мостафина Райхана Габделбар кызына, башлангыч сыйныфлар һәм география, биология укытучысы Газизова Альфинур Хөсәен кызына һәм башлангыч сыйныфлар укытучысы Рәхимҗанова Рәмзия Габделхәй кызына Кукмара районы Мәгариф идарәсенең Мактау Грамотасы тапшырылды. Татар теле һәм әдәбияты укытучылары Тимофеева Людмила Габделбәр кызына, Галәветдинова Ольга Габделбәр кызына, башлангыч сыйныфлар укытучысы Сабитова Миңнур Гыйльман кызына, рус теле укытучылары Мингазова Фәния Ризван кызына, Платонова Дамира Даниял кызына, тарих укытучысы Вафин Миннехан Кадыйр улына һәм технология укытучысы Галимова Минзифа Мөгыйн кызына Рәхмәт хатлары тапшырылды. Ветеран укытучыларыбыз өчен иң куанычлысы элекке укучыларының аларны котлап, изге теләкларен житкерүе, бүләклар тапшыруы булгандыр. Бәйрәм кичәсе матур жырлар, дәртле биюләр белән үрелеп барды. Кунакларыбыз өчен оештырылган бәйрәм чәй өстәле янында тәмамланды. Алар үзләренең чын күңелдән чыккан рәхмәт хисләрен белдерделәр, эшебездә уңышлар теләделәр. Бу жылы бәйрәм киче аларның хәтерендә бик озак сакланыр әле..