Бүген бездә балаларыбызның иң яраткан бәйрәмнәренең берсе Карга боткасы! Алар бу бәйрәмне түземсезлек белән көтеп алдылар.  Ярышлар, җырлар, биюләр белән уралып барган бәйрәм бик күңелле узды. Саф һавада төрле-төрле ярмалардан пешкән Карга боткасыннан авыз итү генә ни тора! 

Бездә буген Сәламәтлек көне булып узды.  Тәрбиячеләр балаларга сәламәтлек турында әңгәмәләр үткәрделәр, презентацияләр карадылар. Эшчеләр белән өлкән шәфкать туташы Халиуллина Лилия Мөнир кызы уку - семинар уткәрде. Ул беренче ярдәм күрсәтү буенча практик шөгыль буларак узды. Сәламәтлек көне бик файдалы һәм мавыктыргыч узды.

Сегодня в нашем детском саду была организована выставка посвященной к Дню Космонавтики. На выставки были представлены  совместные работы детей с родителями. Спасибо родителям за активное участие!

Бүген  балалар бакчасында планнан тыш ата-аналар җыелышы узды. Җыелыш "Спайс куллануның нәтиҗәсе" дигән темага багышланды. Ата-аналарга шул темага багышланган мультфильм күрсәтелде. Ата-аналарның уй-фикерләре тынланылды. 

Менә без көткән яз да килеп җитте. Безнең балаларыбыз Нәүрүз бәйрәмен бик озак көттеләр. Бу көнне алар кышны озатып Кыш бабай белән соңгы тапкыр көч сынаштылар. Соңыннан бик тәмләп коймак ашадылар. Бәйрәмдә җырладылар, уйнадылар, биеделәр. Нәүрүзбикәне каршы алдылар. Бүген бездә чын мәгънәсендә Яз бәйрәме булды.

Бүген безнең балалар бакчасында Зур Кукмара кусты методик берләшмәсенең утырышы булды. Берләшмәдә Янсыбы, Сазтамак, Байлангар, Зур Кукмара№2, Каенсар  балалар бакчасының тәрбиячеләре һәм Кукмара районы мәктәпкәчә белем бирү учрежденияләренең белгече Файзутдинова Рушания Салимулловна катнашты.  Семинарны куст методик берләшмә җитәкчесе Зур Кукмара балалар бакчасы мөдире Фазылова Гөлфия Равиловна ачып җибәрде. Ул бугенге утырыш  "Мәктәпкәчә яшьтәге балаларда танып белү үсешендә инновацион технологияләр куллану" дигән темасы буенча булачагын һәм утырышның  программасы белән таныштырды.

Нәниләр төркемендә куст тәрбиячеләре өчен сөйләм үсеше белем бирү эшчәнлеге күрсәтелде. Нәниләр бик актив булдылар. Белем бирү эшчәлеген тәрбияче Файзрахманова Рәфидә Рәфәгатовна  үткәрде.

Тәрбияче Хабибрахманова Эльмира  Рауфовна уртанчылар төркемендә эстетик-сәнгать үсеш (рәсем) белем бирү эшчәнлеге күрсәтте. Балаларыбыз бик матур итеп балкый торган кояш ясадылар.

Куст  методик берләшмә утырышы тәҗрибә уртаклашу белән дәвам итте. 1 кечкенәләр төркеме тәрбиячесе Рәфидә Рәфәгатовна эш тәҗрибәсеннән чыгып "Минем балалар белән эшләвемдә уеннар  төп булышчылар" дигән темага чыгыш-презентация тәгъдим итте. Һәр тәрбияче  уз фикерен җиткерде.

Өлкән тәрбияче Нурия Усмановна "Балалар бакчасында интерактив алымнар белән өйрәтү" дигән темага практикум уздырды. Практикум бик мавыктыргыч, күңелле узды. 

Утырышны йомгаклап Гөлфия Равиловна барлык тәрбиячеләргә рәхмәт сүзләре җиткерде. Эшләрендә сабырлык, сәламәтлек һәм уңышлар теләде.