Дидактик уеннар - балаларны уйланырга, эзләнергә, фикер тупларга, берләштерергә, күнекмәләрне, гадәтләрне тормышта кулланырга өйрәтүче һәм тәрбия бирүче көчле чараларның берсе. Шуны истә тотып тәрбиячеләребез тырышып дидактик уеннарны үзләре дә  ясап балалар белән эшләргә тырышалар. Уен вакытында бала предметларны чагыштырырга, охшаш һәм аерым якларын ачыкларга өйрәнә; предметларның үзенчәлекләре: төсе, зурлыгы, формасы, сыйфаты белән таныша. Соңыннан уенның эчтәлеге катлауландырыла.

    Балаларны кече яшьтән сау-сәламәт,чыныктырып үстерүгә бакчабызда зур игьтибар бирелә. Көн саен һәр иртә төркемнәрдә иртәнге гимнастика белән башлана. Икенче кечкенәләр - уртанчылар, зурлар - мәктәпкә әзерлек төркеме балалары белән музыкаль залда төркем тәрбиячеләре җитәкчелегендә иртәнге гимнастика уздырыла. Иртәнге гимнастика баланың иртәнге йокысыннан торганнан соң сулыш, кан әйләнешен, нерв системасының тонусын нормалләштерә, ашказанындагы һәм организмдагы матдәләр алмашын яхшырта. Көндәлек гимнастика, икенче төрле әйткәндә, зарядка, баланың физик активлыгын һәм уйлау-фикерләү сәлатен үстерә, баланың кәефен күтәрә, балаларны дициплинага, күнегүләрне бердәм эшләргә өйрәтә, оялчан баланы активрак булырга ярдәм итә.

Уртанчылар төркеме балалары  тәрбияче Илсояр Хазиевна белән бармак гимнастикасы аша  сөйләм телләрен  ныгытты.  Бармак уеннары балаларның хәрәкәт үсешенә йогынты ясый, алар балаларның игътибарлылыгын, күзәтүнчәлеген, хәтерен, дикъкатен арттырырга, тапкырлык, зиһенлелек үстерүгә, күрү, ишетү әгъзаларының камилләшүенә зур ярдәм итә. Әлеге уеннар ярдәмендә балаларда сабырлык, түземлелек, кыюлык, намуслылык кебек әхлакый сыйфатлар да тәрбияләнә. Кайвакыт бармак уеннары күп хәрәкәтле уеннардан соң балаларны тынычландыру, ял иттерү өчен дә кирәк була.

Сегодня в детском саду  с детьми второй младшей и средней   группы  была  проведена тематическая беседа «Огонь - друг, огонь враг».Дети  познакомились с функциями огня («огонь – друг; огонь - враг»), слушали рассказы ,смотрели и ознакомились с работой автоматизированной пожарной сигнализации детского сада. Также во время беседы  закрепили знания детей об опасных ситуациях, причинах возникновения пожара и правила поведения при пожаре. Такие беседы способствуют воспитанию чувства самосохранения и осознанного отношения к пожароопасным предметам. 

Зурлар төркеме балалары "Алтын көз" исеме астында үткәрелгән бәйрәм иртәсендә көзнең бар дөньяны сихри алтынсу төскә буяп, мул уңыш алып килүен, кошларның җылы якларга китүен, көннәрнең салкыная баруын, тере һәм тере булмаган табигатьнең салкын кышка әзерләнүен билгеләп үттеләр. Бәйрәм Нурия Усмановна куйган "Нәни курчакларым", Рәфидә Рәфәгатовна - Сөмбелә - алып килгән "Кәрзинеңдә ниләр бар?", "Тәменнән таны?", "Бу нәрсә?", "Кем өлгер?" уеннары, көзгә багышланган җыр, шигьри юллар белән аралашып барды.

Бүген бакчабызда  беренче кечкенәләр, уртанчылар төркемнәрендә татар халкының көзге байлыкта, муллыкта бәйрәм ителә торган бәйрәме - Сөмбелә бәйрәменә карата иртәләр үткәрелде. һәр төркемнең бәйрәм иртәсе үзенчәлекле, матур, көзнең табигатькә алып килгән үзгәрешләре, сихри күренешләрен чагылдырып алып барылды. Беренче кечкенәләр төркеме балалары  "Хуш киләсең, ямьле көз" исеме астында үткәрелгән чарада көзнең агач яфракларын алтын-сары төскә мануын, яңгырларның еш явыун, көннәр кыскарып, төннәр озыная баруын билгеләп үттеләр. Бәйрәм көз темасына багышланган шигырь, җыр, бию белән үрелеп барды. Көз кызы - Сөмбелә алып килгән уеннарында:  "Бу нәрсә?", "Кем тизрәк?" балалар актив катнаштылар һәм зирәклектә, җитезлектә үзара көч сынаштылар.