Иске Чәчкаб мәктәбендә уздырылган укучыларның Бөтенруссия спорт ярышларының районкүләм этабы “Президент ярышлары” мәктәбебезнең 9 нчы сыйныф укучысы Хәйретдинова Ләйсән Рәмис кызына ике җиңү алып  килде. Ул урыннан озынлыкка 2 метр 23 см сикереп,беренче урынны алды, грамота һәм медаль белән бүләкләнде.Шулай ук гәүдәне 50 тапкыр күтәреп, 2 нче урынны алып, медаль һәм Грамота белән бүләкләнде.

Тар сукмаклар олы юлга үсеп,

Алып киткән кала ягына...

Әле һаман синдә укып йөргән

Ул елларны күңел сагына..

     Алдагы елларда мәктәпне тәмамлап,хәзерге вакытта төрле югары һәм махсус  урта уку йортларында, Кайбыч гомуми урта белем мәктәбендә  белем алучы , соңгы вакытта төрле уку елларын тәмамлап,бүгенге көндә туган авылыбызда  һәм районда яшәүче һәм эшләүче мәктәбебезнең  укучыларын

2 нче февральдә узачак “Кыңгыраулы мәктәп еллары” исемле очрашу кичәсенә  чакырабыз.Очрашуның башлану вакыты 17 сәгать ,Кошман төп белем бирү мәктәбе. Сезнең килүне көтеп калабыз. Әлеге белдерүне сыйныфташларыңа да тапшырсаң иде.

Январь ае төрле чаралар белән сизелмичә узып та китте. 24 нче гыйнвардан мәктәптә һәрбер сыйныфта ата-аналар өчен “Ачык ишекләр көне” уздырылды.1, 2,3,4  нче сыйныф укытучылары Хамидуллина Мәдинә Сәлимхан кызы, Садриева Энҗе Рөстәм кызы,Саттарова Гүзәл Фәрит кызы һәм Сайранова Резеда Тавис кызы математикадан,татар  һәм рус телләреннән ачык дәресләр күрсәтте.Ата-аналар балаларының дәресләрдә ничек катнашуларын күзәтте,яңа федераль стандартлар буенча укыту үзенчәлекләрен карады,үзләренә кирәкле күп кенә мәгълүмат алды һәм нәтиҗә ясады.

“Ачык ишекләр көне” урта сыйныф укучылары өчен Дәүләт йомгаклау аттестациясенә әзерлек дәресләрен истә тотып оештырылды. 5 нче сыйныфта рус теле дәресен Багавиева Нәфисә Фәнил кызы, 7 нче сыйныфта  математика дәресен Хамидуллин Ильмас Илдар улы, география дәресен Насрутдинов Илсур Риза улы, 8 нче сыйныфта физика дәресен Камалиев Ринат Әгъләм улы, математика дәресен Насрутдинова Алия Әүхәдулла кызы, 9 нчы сыйныфта математика дәресен Насрутдинова Алия Әүхәдулла кызы, рус теле дәресләрен Садриева Розалия Зөфәр кызлары күрсәтте.Әлеге дәресләрдә ата-аналар имтиханнарга әзерлек эшләренең тәртибе белән танышты,үзләрен борчыган сорауларга җавап тапты.

2013 нче елның беренче ае мәктәпкә яңа уңышлар алып килде.Мәктәбебезнең иҗат төркеме Татарстан Республикасының халыклары “Барысы да уйный” республика конкурсының район  турында  “Иң күңелле уен” номинациясендә җиңү яуладылар һәм район мәгариф бүлегенең Грамотасы белән бүләкләнделәр.Уенны педагог-оештыручы Сабирова Г.Х. хәзерләде.

23 нче гыйнварда Кайбыч мәктәптән тыш эшләр үзәге “ЭКО” да “Я-Гражданин России”  XII нче Бөтенроссия акциясенең район этабы булды. Бу акция кысаларында укучылар актуаль темаларга проектлар якладылар. Безнең мәктәптән педагог-оештыручы Сабирова Г.Х. җитәкчелегендәге укучылар командасы (Гарифуллина Ч., Нәфыйкова А., Хәйретдинова Л.) кызыксындыру призына лаек булды.

26  нчы гыйнварда Кошман мәктәбендә   "Аграр яшьләр берләшмәсе"  призына  "Без сәламәт милләт өчен!" дигән девиз астында татар милли көрәше буенча ярыш була.Турнирда 30,40. 50  һәм 50 кг нан югары үлчәү категориясендә көч сынашачаклар. Барлык көрәш сөючеләр ярышка рәхим итегез! 

Бүген балаларның йөзләрендә бераз моңсулык сизелә. Ник дигәндә, бүген лагерьның соңгы көне. Аларның бер  дә лагерь белән хушлашасылары килми. Бүген бик тә кызыксынып лоторея билетлары уйнатылды. Һәрбер бала  төрле бүләк отып, бик канәгать  калдылар. “Кояшкай” ял лагерен ябу линейкасында лагерь  дәвамында төрле уеннарда, ярышларда, бәйгеләрдә актив катнашкан , урыннар алган укучылар билгеләнеп үтте. Аларга грамоталар һәм  бүләкләр тапшырылды. Өйләренә һәрбер бала бүләк алып, уңай фикерләр белән таралыштылар. 3 нче чирек башларга һәрбер бала үзендә күп көч туплады, сәламәтлеген ныгытты. Уңышлар юлдаш булсын барыгызга да, укучылар!

Бүген бездә сәламәт яшәү рәвешен пропагандалау максатыннан  “Без универсиадага әзерләнәбез” дигән чара астында төрле спрот ярышлары уздырылды. Балалар саф һавада рәхәтләнеп ярышларда катнаштылар, универсиадага бәйле викторина сорауларына җавап эзләделәр, кыскасы бик күңелле ял иттеләр.

Бүген төп максат китап йортында булу. Балаларга авылыбыз китапханәсенә экскурсия оештырылды. Китапханәче Гөлия апалары аларга бик эчтәлекле, мавыктыргыч очрашу уздырды. Китапханәгә йөреп иң күп китап укучы укчыларны билгеләп үтте. Шуннан соң сәяхәтебез “Аныстауда”  чана шуу, төрле кызыклы уеннар уйнау булды.

Таудан выжылдап төшеп китәбез ,

Нәкъ апа торган җиргә җитәбез.