Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 161 162 ( 163 ) 164 165 166 167 168 169 170 >>
-
Язгы мәрхәмәтлелек атналыгы бара
11.03.2015
Мәктәптә язгы мәрхәмәтлелек атналыгы бара. Бүген сыйныфларда сәламәт яшәү рәвеше турында әңгәмәләр узды. Физкультура укытучылары Гатауллин Д.Р. һәм Насретдинов А.Л. мәктәпнең барлык балалары арасында дартс буенча ярыш үткәрделәр.
-
Яге әле, кызлар!
07.03.2015
7 нче март көнне мәктәптә тә “Ягез әле, кызлар!” исеме астында ярыш үткәрелде. Монда 6-7 сыйныф укучы кызлары көч сынашты. Кызларыбызны аш-суга осталыкларын һәм башка өлкәләрдә дә булган белемнәрен Сабирова Гөлшаһидә Харис кызы тикшерде. Ә бәйгене гадел жюри бәяләп барды. Сынаулар арасында егетләрдән мәктәптәге укучы кызларга, укытучыларга, техник хезмәткәрләгә котлау сүзләре яңгырады. Нәтиҗәдә, 32 : 29 исәбе белән 1 нче команда җиңүче дип танылды. Аларга бүләкләр дә бирелде.
-
Батырларны барлар чак
06.03.2015
Сугыш... Нинди һәм кайчан булуына карамастан, ул гел кайгы-хәсрәт, күз яше һәм югалтулар гына китерә.Илебезне фашист Германиясеннән азат итүгә дә 70 елга якын вакыт узып киткән. Безгә тынычлык яулаган хөрмәтле ветераннарыбыз сафы да елдан-ел сирәгәя бара.
6 нчы февраль көнне Кошман төп мәктәбендә. авыл җирлеге белән белән бергә оештырылган, сугыш һәм тыл ветераннарына Бөек Ватан сугышының 70 еллыгы уңаена багышлап чыгарылган юбилей медальләрен тапшыру тантанасы узды. Бу чарада муниципаль район башлыгы Рәхмәтуллин Альберт Илгизәр улы да катнашты.
Медаль тапшырганда башлангыч сыйныф укытучысы Хәмидуллина Мәдинә Сәлимхан кызы җитәкчелегендәге “Кул эшләре” түгәрәгенә йөрүче балалар бүләкләнүчеләргә үз куллары белән ясалган чәчәк букеты тараттылар. Димәк, “Ветераннарга - бүләк” акциясеннән дә читтә калмадык. Ә “Җыр сәнгате” түгәрәгенә йөрүчеләр үзләренең җырлары белән кичәне ямьләндерделәр.
Альберт Илгизәр улы килгән кунакларыбызга иң изге теләкләрен җиткерде. “Без тыныч тормышта яшибез. Сез ачысын да,төчесен дә күргән буын. Без сезгә бурычлы!” - диде ул үз чыгышында.
-
Без инде хәзер зурлар
05.03.2015
5 март көнне 1 сыйныф укучылары үзләренең беренче җиңүләрен билгеләп үтү өчен әниләре белән бергәләп Әлифба бәйрәменә җыедылар. Бәйрәм матур һәм кызыклы оештырылган иде. Бернче сыйныфлар үзләренең осталыкларын, тапкыр икәнлекләрен күрсәтте. Шүрәле алып килгән биремнәрне үтәделәр. Азбука, математика, язу дәресләре калдырган сынауларны да җиңеп чыктылар. Ә үзләре янында калырга теләгән “2” ле не кабул итмәделәр. Соңыннан бәйрәм чәй табыны артында дәвам итте.
-
Яз бәйрәме
05.03.2015
Җиһанда - яз! Димәк, язның иң беренче күркәм, матур, ягымлы бәйрәме – 8 март та җитә дигән сүз.
Мәктәптә әниләребезне котлап күп төрле чаралар үтә. 5 нчы март көнне 2,3,4,5,8,9 нчы сыйныфлар әниләренә концерт куйдылар. Кичәне башлангыч сыйныф укытучысы Хәмидуллина Мәдинә һәм математика укытучысы Насретдинова Алия бик җанлы алып бардылар. Укучы балалар үз куллары белән ясаган бүләкләр таратты, матур итеп җырлады, шигырьләр сөйләде.
Кичәнең икенче өлешендә әниләребезне сынап та алдык. Әниләребез төрле сорауларга җавап бирделәр, киңәшләре белән уртаклаштылар, театр күрсәттеләр.
Чыннан да, әниләребез матур да, тыйнак та, акыллы да, җитез дә һәм чын артист та икән,дигән фикердә калдык.
-
Аҗаган-батырлар уены
04.03.2015
Безнең мәктәптә ел саен “Аҗаган” уены уздырыла. Быел ул 3 мартта булды.
Ул гражданлык-патриотик тәрбия айлыгының йомгаклау этабы булып тора. Уенда барлык сыйныфлар да катнашты. Укучылар ике командага – “аклар” һәм “кызыллар”га алдан ук бүленделәр.
Уенның бөтен барышы дәвамында балалар төрле ярышларда чын күңелдән һәм бирелеп катнаштылар. Үз командирлары җитәкчелегендә командалар саф әзерлеге, “мина кырын зарарсызландыру”да, төз атуда, һәм башка конкурсларда ярыштылар. Команда санитарлары беренче медицина ярдәме күрсәтү буенча сорауларга җавап бирделәр, шулай ук гамәли биремнәрне үтәделәр. Моннан тыш, командирлар үз конкурсларында кирәкле әйберләрнең минималь запасы белән учак ягып җибәрергә тиешләр иде, һәм, әйтергә кирәк, бу гади булмаган биремне яхшы үтәделәр.
<span times="" new="" roman',="" serif;="" font-size:="" 16px;"="">“Аҗаган” – бер-береңә ярдәм итәргә, булышырга өйрәтүче уен, ул команда рухын тәрбияли.
Уенда 1, 5,7,9 нчы сыйныф укучыларыннан төзелгән “аклар” командасы җиңде. Афәрин!
-
02.03.2015
Укучылар ГТО нормаларын хәзерләнмичә тапшыра алмаулары барыбызга да билгеле. Шуңа да тренировкалар һәр дәрестә була. Бүген укучылар физкультура дәресләрендә бармаклар һәм уч табаннарына төшеп алга таба иелү буенча күнегүләр ясадылар.
-
“Созвездие-Йолдызлык” фестивале
27.02.2015
26 нчы февральдә Колангы күп функцияле үзәгендә “Созвездие-Йолдызлык” фестиваленең зона туры уздырылды. “Вокаль –Соло” номинациясендә Хикматуллин Камил, Хәйретдинова Ләйлә, Насретдинов Алмаз, Хикматуллина Кадрияләр II турда чыгыш ясау мөмкинчелеге алдылар. Уңышлар сезгә,укучылар.
-
23 нче февраль-Ватанны саклаучылар көне
22.02.2015
23 нче февраль… Бу бәйрәмгә инде 85 елдан артык. 85 елдан артык инде кешелекнең иң көчле яртысы көч, түземлелек, патриотизм һәм мәрхәмәтлелек бәйрәмен билгеләп үтә. Нарва һәм Псков янында немец басып алучыларын җинү хөрмәтенә 1918 елның 23 февралендә Кызыл Армия көне бәйрәмен билгеләп үтү турында декрет чыгарыла. Соңыннан бу бәйрәм Совет Армиясе һәм хәрби диңгез Флоты көне итеп үзгәртелә. Ә хәзер берничә ел инде Ватанны саклаучылар көне буларак билгеләп үтелә. Россиядә элек-электән үк Ватанны саклаучы иң хөрмәтле һәм изге профессия булып саналган. Ватанга хезмәт итү – ул халыкның тыныч тормышын саклау, үз илеңнең намусын саклау.
21 февраль көнне мәктәбебездә физкультура һәм тормыш иминлеге нигезләре укытучысы Гатауллин Динар Рамил улы оештырган“Солдат тормышыннан 1 көн” дип аталган кичә булды. Кичәгә барлык сыйныфларның әтиләре, армия сафларында хезмәт итеп кайткан кичәге солдатлар һәм авыл яшьләре чакырылган иде. Чарада 5-9 сыйныф егетләре 2 командага бүленеп солдат тормышының 1 көне буенча төрле биремнәр үтәделәр. Беренче команданы 8 нче сыйныф укучысы Әхмәтшин Илнур, ә икенче команданы 9 нчы сыйныф укучысы Насретдинов Динар җитәкчелегендә ярышты. Ярыш солдатларның кичке буш вакытта яка тегүдән башланды һәм икенче көнне кичке аш белән тәмамланды. “Солдатлар”ыбызның буш вакытында “Җыр сәнгате” түгәрәгенә йөручеләр аларга үзләренең җырларын бүләк иттеләр. Ярышның иң кульминацион ноктасы, әлбәттә, чын солдат паёгы белән сыйлану булды.
-
21 февраль-Халыкара Туган тел көне.
21.02.2015
21 нче февраль-Халыкара Туган тел көне. Бу көн, 2000 нче елдан башлап, ЮНЕСКО карары нигезендә билгеләп үтелә башлады. Дөньяда 6000 нән артык телдә сөйләшәләр. Халыкара Туган тел көнендә барлык телләр дә тигез дәрәҗәдә таныла, чөнки һәр тел кеше халәтенә бердәнбер җавап һәм без сакларга тиеш тере мирас булып тора.
Һәр милләтнең милли теле-бу милләт вәкилләре өчен туган тел.Без, татарлар өчен, туган тел-татар теле.
Бүген мәктәбебездә,Туган тел көненә багышлап, “Туган телем-иркә гөлем”дигән темага әдәби-музыкаль кичә уздырылды.Кичәдә укучылар туган тел турында шигырьләр сөйләделәр,җырлар җырладылар.