Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 161 162 163 164 ( 165 ) 166 167 168 169 170 >>
-
Яшь антифашистлар көне
10.02.2015
Мәктәбебездә гражданлык-патриотик айлык дәвам итә. Бүген Мансур Миңнуллин исемендәге дружинада Яшь антифашистлар көненә багышланган тантанлы линейка булды. Һәрбер отряд рапорт биргәннән соң педагог-оештыручы Кадырова А.С. укучыларны бу көннең тарихы белән таныштырды, яшь антифашистлар турында презентация күрсәтте. Соңыннан укучылар патриотик темага җырлар башкардылар.
-
Мәктәпкә дип килдек без тагын
08.02.2015
7 нче февральнең салкын киче мәктәпне төрле елларда тәмамлаган укучыларны тагын туган мәктәбенә җыйды. Студентлар белән бергә быел мәктәпне моннан 20 ел элек тәмамлаган укучыларыбыз килде. Кичәдә һәрбер кунак үзенең истәлекләре белән уртаклашты, укучыларга киңәшләрен бирде, укытучыларга хөрмәт хисләрен белдерде. Кичәнең икенче өлешендә кыңгырау кунакларны дәрескә чакырды. Дәресләр исә тәнәфесләр белән аралашып барды шуңа да “укучыларыбызны” ялыктырмады. Бию, җыр, уен-көлкедән мәктәп гөрләп торды.
-
“Татарстан чаңгы юллары-2015”
07.02.2015
Традициягә әйләнгән “Татарстан чаңгы юллары” акциясе быел бездә 7 нче февральдә булды. Шимбә дәресләрдән соң барлык укучылар чаңгы юлына басты. Физкультура укытучысы Гатауллин Динар җитәкчелегендә әзерләнгән чаңгы юлыннан башта башлангыч сыйныф укучылары, ә аннан соң өлкән сыйныф укучылары старт алды. Ярышны исә өлкәннәр тәмамлады.
Нәтиҗәләр түбәндәгечә:
Башлангыч сыйныф егетләре арасында 1 нче урында Сабиров Сәйдәш (4 кл ), 2 нче урында Хәйретдинов Айназ (4 кл), 3 нче урында Миңнуллин Ислам (4 кл). Башлангыч сыйныф кызлары арасында 1 нче урында Хәйретдинова Ләйлә (3 кл), 2 нче урында Хикмәтуллина Кадрия (4 кл), 3 нче урында Борһанова Талия (3 кл).
Өлкән сыйныф егетләре арасында 1 нче урында Әхмәтшин Илнур (8 кл ), 2 нче урында Садриев Салават (6 кл), 3 нче урында Фәйзуллин Шәфкать (9 кл). Өлкән сыйныф кызлары арасында 1 нче урында Хәйруллина Айзилә (6 кл), 2 нче урында Сәгъдиева Ләйсән (6 кл), Салаватуллина Айзилә (6кл).
-
Эзтабарлар иленә сәяхәт
06.02.2015
Бүген 2 нче сыйныф укучылары эзтабар булдылар. Эзтабар булу өчен аларга күп тырышырга туры килде. Педагог-оештыручы Кадырова А.С. аларны төрле яклап сынады. Икенчеләребез табышмакларга җавап таптылар, мәкальләрнең дә ахырын уйладылар, шигырьләр дә сөйләделәр, эзтабар кагыйдәләрен дә әйттеләр һәм үзләрен эзтабар булырга лаеклы булуларын күрсәттеләр. Бәйрәм ахырында аларга значоклар тагылды, бүләкләр бирелде.
-
Рус теле һәм әдәбияты атналыгы тәмамланды
05.02.2015
Рус теле һәм әдәбияты атналыгы кысаларында 3 нче февральдә М.М.Пришвинның “Кладовая солнца” әсәре буенча “Кем миллионер булырга тели?” интеллектуаль уены узды. Уенда 6 нчы сыйныф укучысы Сәгъдиева Ләйсән җиңеп чыкты.
4 нче февральдә исә укучылар төрле картиналарны сүратләделәр, ә озын тәнәфестә “Переведи” уены тамашачыларны үзенә җәлеп итте. Бу уенда укытучы һәм укучылардан торган команда катнашты. Уенда укытучы Насретдинов И.Р.җиңеп чыкты.
-
1,2,3...безнең кулда көч!
03.02.2015
ГТО нормаларын тапшыру һәркемгә кирәк! Мәктәбебездәге укучылар бу гыйбәрәне бик яхшы аңлый. Шуңа да хәзерлек эшләре, нормалар тапшыру атна дәвамында туктамый.
-
"Кем миллионер булырга тели?"
03.02.2015
Рус теле һәм әдәбияты атналыгы кысаларында бүген М.М.Пришвинның “Кладовая солнца” әсәре буенча “Кем миллионер булырга тели?” интеллектуаль уены узды. Уенда 6 нчы сыйныф укучысы Сәгъдиева Ләйсән җиңеп чыкты.
-
Котлыйбыз!
02.02.2015
Бүген “ЭКО” мәктәптән тыш эшләр үзәгендә өстәмә белем бирү педагогларының район конкурсы булды. Конкурста безнең мәктәптә эшләүче “Көмеш каләм” түгәрәге җитәкчесе Сайранова Р.Т. катнашты, уңышлы чыгыш ясап 2 нче урынны алды һәм зона турында катнашу хокукын яулады. Чыннан да, бу түгәрәк мәктәбебезнең өстәмә белем бирү системасында аерым урын алып тора. Һәр ай саен “Көмеш каләм” газетасы чыга. Укучыларның иҗат җимешләре “Кайбыч таңнары” газетасында еш дөнья күрә, “Сабантуй” журналында басыла. Болар барысы да - түгәрәк җитәкчесенең тырыш хезмәте нәтиҗәсе. Чүпрәледә узачак зона турында да коллегабызга зур уңышлар телибез.
-
Ярышабыз!
31.01.2015
Рус теле һәм рус әдәбияты атналыгы дәвам итә. Бүген рус теле укытучысы Садриева Р.З. 5 нче һәм 6 нчы сыйныф укучылары арасында “Әкият иленә сәяхәт” дип аталган турнир уздырды. Күп төрле, кызыклы биремнәрне үтәгәннән соң, нәтиҗәдә ике команданың очколары тигез булып чыкты. Димәк, дуслык җиңде.
Ә 7, 8. 9 нчы сыйныфлар арасында рус теле буенча “Кем миллионер булырга тели?” уен-конкурсы бик мавыктыргыч булды. Җиңүчеләр-7 нче сыйныф укучылары.
-
"Сыйныф җитәкчесе-2015"
31.01.2015
30 январьда Олы Кайбыч урта мәктәбендә “Сыйныф җитәкчесе-2015” конкурсының зона-муниципаль туры булды. Бу конкурста безнең мәктәпнең данын 5 нче сыйныф җитәкчесе Насретдинова А.Ә. яклады һәм 3 нче урынны алды. Конкурсантлар үз-үзләрен презентацияләделәр, төрле стандарт булмаган педагогик ситуацияләрне чиштеләр, сыйныфтан тыш чара күрсәттеләр. Алия Әүхадулла кызы конкурска Ленинград блокадасына багышланган тәрбия сәгате тәкъдим итте. Бу дәрес тетрәндергеч, бик күңелгә үтеп керә торган булды һәм Алия Әүхадулла кызының үз эшенең остасы булуын, белемгә, яңалыкка омтылучан, рухи яктан бай педагог икәнлеген күрсәтте.