Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ
Визитная карточка
Адрес: | 422328, РТ, Кайбицкий район, с. Кушманы, ул. Школьная, д. 31 |
Телефон: | +7(843)-703-26-35 |
E-Mail: | sch736k@rambler.ru, Sku.Kbc@tatar.ru |
Министерство: | Министерство образования и науки Республики Татарстан |
Короткое название: | МБОУ "Кушманская ООШ" |
Руководитель: | Гафарова Равиля Рахимулловна |
Год основания учреждения: | 1997 |
У нас учатся: | 87 учащихся / укучы |
У нас учат: | 16 учителей / укытучы |
Муниципальное бюджетное общеобразовательное учреждение «Кушманская основная общеобразовательная школа имени Абрара Сагиди Кайбицкого муниципального района Республики Татарстан» ***«Татарстан Республикасы Кайбыч муниципаль районы Әбрар Сәгыйди исемендәге Кошман төп гомуми белем бирү учреждениесе» МБГББУ - новости
Страницы: << 131 132 133 134 ( 135 ) 136 137 138 139 140 >>
-
Казаныбыз өчен бердәм тавыш бирдек
21.09.2016
200 һәм 2000 сумлык акчалар тышлыгында нәрсә сурәтләнер? Бу сорауга җавап табарга теләгән Россия халкының һәрберсе тышлыкта үз төбәгенең пәйда булуын тели. Әлбәттә, бу бәйгедә катнашуда татарстанлылар да читтә калмый. Казан, ике этапны уңышны үтеп, инде финалга килеп җитте. Күп калмады, әмма көрәшнең дә иң кызу өлешенә чыктык. Хәзер конкурсның соңгы, өченче этабы бара. 7 октябрьгә кадәр твоя-россия.рф сайтында тавыш бирү барачак, ул 12.00 сәгатьтә төгәлләнә. Әлеге бәйгедә бүген Кошман мәктәбе укучылары, укытучылар, мәктәп хезмәткәрләре һәм әти-әниләр дә бердәм актив катнаштык. Бәйгедә Россиянең ике шәһәре һәм алардагы дүрт символ җиңүче дип табылачак. 200 һәм 2000 сумлык купюралар исә 2017 елда әйләнешкә керергә тиеш. Казан Кремле һәм Казан Федераль Университеты өчен Сез дә тавыш бирсәгез иде!
-
Россиякүләм фән олимпиадаларына старт бирелде
20.09.2016
Бүген мәктәпләрдә 2016-2017 уку елында укучылар арасында үткәрелүче росииякүләм фән олимпиадаларының мәктәп этабы башланып китте. Мәктәбебезнең 5-9 сыйныф укучылары тарих фәненнән олимпиада эшен башкардылар.
-
Тимер юлда куркынычсызлык кагыйдәләре
17.09.2016
22 август - 22 сентябрь вакыт аралыгында Татарстанда "Куркынычсыз тимер юл" айлыгы бара. Тимер юл һәм вокзаллардан ерак яшәсәк тә куркынычсызлык кагыйдәлерен белеп тору һәм төгәл үтәү үзебез һәм балалар өчен бик мөһим, чөнки яшүсмерләр арасында тимер юл объектларында тән җәрәхәтләре алу һәм үлем очраклары елдан-ел арта бара. Шушы уңайдан бүген укучыларга әлеге мәсьәлә буенча аңлату эшләре алып барылды, сыйныфларга куркынычсызлык кагыйдәләре язылган памяткалар таратылды. Үзебезнең һәм якыннарыбызның сәламәтлегенә, тормышына игътибарлы булсак иде!
-
Россиякүләм экологик өмә
17.09.2016
Сентябрьнең беренче көненнән үк көз чын-чынлап үз мәнфәгатьләрен күрсәтә башлады: яңгырлар туфракны дымга баета. Шулай да, соңгы көннәрдә җылы кояш та яңгыр болытлары арасыннан күренә башлады. Бүген мәктәп яны территориясендә көзге өмә эшләре башланып китте. Укучылар чәчәклекләрдә чистарту эшләрен башкардылар, тирә-якны чүпләрдән арындырдылар. Әлеге Бөтенроссия экологик өмә авыл җирлекләрендә дә үтте.
-
Мәдәни көндәлек аша мәдәният дөньясына
16.09.2016
Бүген Республикабызның һәр мәктәбендә укучы башлангыч сыйныф укучылары кулларына "Укучының мәдәни көндәлеге" исемле гаять кызыклы һәм эчтәлекле китапчыклар алды. Укучыларны Татарстанның гасырлар дәвамында оешкан күпмилләтле мәдәнияте белән таныштыру максатыннан алып барылучы әлеге чара 2014 нче елдан бирле эшләп килә. "Укучының мәдәни көндәлеге" ярдәмендә балалар сәнгатьнең төрле өлкәләрендә ясаган ачышлары, ирешкән уңышлары, концерт-театрдан алган тәэсирләре, музейга барулары һәм мәдәни чараларда катнашулары турында башкаларга да җиткерә алачак. Безнең мәктәптә бүген 24 укучыга әлеге көндәлекләр өләшенде. Бу чарада Кошман авылы китапханәчесе Сафиуллина Гөлия дә катнашты. Ул укучыларны көндәлекнең эчтәлеге белән таныштырды, үткәрелүче бәйгеләрдә актив катнашырга чакырды.
-
Җир - уртак йортыбыз.
16.09.2016
Җир - анда яшәүче барлык тереклекнең уртак йорты, яшәү чыганагы. Шуңа күрә әйләнә-тирәбезне саклап, чистартып тору, яшелләндерү, килеп туган төрле экологик мәсьәләләрне чишү юлларын табу - безнең бурычыбыз. Бүген мәктәптә Мәрхәмәтлелек атналыгы кысаларында "Бергәләп эшлик!" девизы астында сыйныфларда әңгәмәләр үткәрелде, биология укытучысы Сабирова Г.Х. 7 нче сыйныфта "Җир - безнең уртак йорт" исемле дәрес күрсәтте. Әлеге чараларның максаты: укучыларда табигатькә һәм анда яшәүче барлык тереклек ияләренә карата аңлы, сакчыл караш формалаштыру, экологик культура тәрбияләү.
-
Без наркотикларга каршы!
15.09.2016
Балалар һәм яшүсмерләр арасында эчкечелек, наркомания, урлашу, җинаять кылу кебек күренешләр арта барган хәзерге заманда укучылар арасында начар гадәтләргә каршы пропаганда эше алып бару бикрәк тә актуаль күренеш. Бүген мәктәптә "Без наркотикларга каршы!" исемле чара үткәрелде. Әлеге чараның максаты - начар гадәтләргә карата тискәре мөнәсәбәт формалаштыру, наркомания авыруының асылын ачыклау, укучыларны әлеге куркыныч чирдән кисәтү һәм аларда сәламәт яшәү рәвеше формалаштыру. Чараны үткәрүдә тәрбия эшләре буенча директор урынбасары, педагог-оештыручы, "ИСКРА" отряды членнары һәм "ПОЗИТИВ" агитбригадасы катнашты.
-
Тимурчылар ярдәмгә һәрчак әзер!
15.09.2016
Мәктәп укучыларыбыз укуда да, хезмәттә дә, төрле чараларда да үзләрен сынатмый, тормышның һәр өлкәсендә дә тырышлык күрсәтә. Мәктәптә белем алудан тыш, аларга башка күп төрле вазыйфалар да йөкләнгән. Шуларның берсе - тимурчылык эше. Әлеге вазыйфаны алар бик теләп һәм чын күңелдән башкара. Бүген 7 һәм 8 нче сыйныф укучылары ялгыз яшәүче Фәймә һәм Факия апаларга барып, хуҗалык буенча булышлык иттеләр. Олыларның җылы сүздән генә дә күңелләре була, ә ярдәм кабул итү - алар өчен икеләтә шатлык. Һәрчак өлкәннәргә игътибарлы булып, ярдәм кулы сузып яшәсәк идек!
-
Өлкәннәргә ярдәмләшү
14.09.2016
Авылыбызда яшәүче ярдәмгә мохтаҗ булган өлкән яшьтәге әби-бабайларыбызга безнең мәктәп укучылары һәрдаим ярдәм итеп тора, барып хәлләрен белешә, хуҗалык буенча төрле эшләрен башкара. Бүген 9 нчы сыйныф укучылары Югары Кошманда яшәүче Миннихан апага барып, бакча эшләрендә булышлык итеп кайттылар. Кылган изгелекләрегез үзегезгз меңе белән әйләнеп кайтсын, укучылар!
-
Музейда кунакта
13.09.2016
"Көзге мәрхәмәтлелек атналыгы" кысаларында районыбызның күп кенә укучылары музейларга экскурсиягә барды. Безнең мәктәп укучылары да әлеге чарадан читтә калмады. Кошман мәктәбендә "Туган якны өйрәнү" исеме астында эшләүче музей бар. Бүген музей җитәкчесе Вилданова Л.Х. беренче һәм дүртенче сыйныф укучыларына бу музейга экскурсия оештырды, авылның тарихына, танылган кешеләренә бәйле булган мәгълүматлар сөйләде, Кошман авылында чыккан кирпеч, сугыш чорына караган төрле экспонатлар белән таныштырды. Балалар әлеге чарадан бик канәгать калдылар.