Шушы көннәрдә Яңа Кәкерле  авылында яшәүче  Камалова Шәмшинур  апага 90 яшь тулды. Аның  балачагы авыр сугыш чорына туры килә. Ул тормышның авырлыгын да, матурлыгын да күрә. Шәмшинур апа тормыштан ямь табып, тәм алып,  улы һәм килене тәрбиясендә яши. Юбилярны  котларга мәктәп укучылары да барды. Алар аның белән чын күңелдән сөйләшеп, теләкләр теләп кайттылар. Без дә Шәмшинур апага  исәнлек- саулык, рух ныклыгы, кайгы- хәсрәтсез имин көннәр, хәерле гомер, якыннарының- туганнарының, балаларының игелеген күреп, хөрмәтен тоеп яшәвен телибез.