муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан»
Решаем вместе
Есть предложения по организации учебного процесса или знаете, как сделать школу лучше?
Визитная карточка
| Адрес: | 422410, РТ, Буинский район, с.Нижний Наратбаш, ул.Советская, 1А |
| Телефон: | +7(843)-744-22-54 |
| E-Mail: | sch669@list.ru,Snn.Bui@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Нижне-Наратбашская ООШ Буинского муниципального района РТ" |
| Руководитель: | Гарипов Раиф Рашатович |
| Год основания учреждения: | 1975 |
| У нас учатся: | 40 |
| У нас учат: | 18 |
муниципальное бюджетное общеобразовательное учреждение «Нижне-Наратбашская основная общеобразовательная школа Буинского муниципального района Республики Татарстан» - новости
Страницы: << 171 172 173 174 175 176 177 178 179 ( 180 ) >>
-
ГТО мәктәпләргә әле күптән түгел генә кире кайтты. Шуңа да карамастан аны дөрес оештыру үзенең нәтиҗәләрен бирә башлады. Укучыларыбыз бик тырышып аңың нигезләмәсе, нормативлары белән танышуны дәвам итәләр. Көзге, кышкы, язгы сессияләрдә актив катнашып киләләр. Узган уку елы йомгаклары буенча Республика ГТО АИС беркетмәләре нигезендә 3 укучыбыз Г.Альберт, Г.Фаил, Ч.Салават бронза дәрәҗә значоклар белән бүләкләнделәр. Аларның барсына да йомгаклау тантанасында таныклыклар тапшырылачак. Калган укучыларга бу матур һәм кирәкле үрнәк! 29.05.2017
-
Мәктәпнең спорт календаре нигезендә бүген 5-8 сыйныфлар өчен язгы кросс үткәрелде. Чарада катнашучылар ике төркемгә бүленеп ярыштылар: 5-6 һәм 7-8 сыйныфлар . Бәйге нәтиҗәләре буенча кызлардан 1 урынны А.Алия һәм А.Энҗе; малайлардан- Х.Илмаз һәм В.Әлфисләр яулады. Җиңүчеләр соңгы йомгаклау линейкасында үзләренең Мактау грамоталарын алачак. Бүгенге көндә барлык спорт ярышларындагы уңышлар барлана, иң нәтиҗәле спортсмен егет һәм кызларыбыз ачыклана. Йомгаклау тантанасында спорт календаре үтәлеше, уку йортының спорт буенча барлык нәтиҗәләре яктыртылачак. 29.05.2017
-
Уку елының иң зур тәрбия чараларының берсе булып саналган “Соңгы кыңгырау” бәйрәме гөрләп узды мәктәптә. Тантана 9 сәг. дулкынландыргыч шартларда башланып китте. Искиткеч матур, кояшлы көн моңа шатлык, дәрт өстәп торды. Бәйрәм түренә көчле алкышлар астында төп сәбәпчеләр - 9 сыйныф укучылары чакырылды. Аларны котларга бик күп кунак килде: әти-әниләр, ветеран укытучылар һәм тәрбиячеләр, авылдашлар, Пенсия фонды җитәкчесе Залялов Р.Г, мәгариф бүлеге начальнигының укыту- методик эш буенча урынбасары Бикчәнтәева А.Р, фермер Кадыров Ф-с . Ф, үзидарә башлыгы Вәлиева Ә.С, мәдәният йорты директоры Хасанов Н.З. Укучыларны котлауны мәктәп директоры Гарипов Р.Р. башлап җибәрде, ул махсус Мактау хатлары, сертификатлар тапшыру белән беррәттән чыгарылыш тасмалары да тапшырды. Бәйрәм дәвамында һәр кунак чыгарылышларга изге сүзләрен җиткерде, бүләкләрен тапшырды. Шаян шигырьләре белән учком чыгышы барысының да күңеленә хуш килде, ә 1-8 сыйныфларның котлавы аеруча матур булды. Әти-әниләр исеменнән Хәйретдинова Г.Н. балаларга иң изге теләкләрен җиткерде. Котлауларны шулай ук балалар бакчасы мөдире, беренче укытучы Әхмәтшина Л.С, сыйныф җитәкчеләре Җәгъфәрова Ф.Ф, Исланова Г.Г. бик матур итеп җиткерделәр. 9 сыйныфлар үзләре дә бик матур саубуллашу чыгышы әзерләгәннәр иде. Аларның җырлары- шигырьләре матур бию белән тәмамланды. Соңгы кыңгырауны быелгы 9 ларга узган еллар чыгарылышы вәкилләре Асадуллин А, Хәйретдинов Р, Храмов Д. тапшырды. Ә инде чын-чынлап соңгы кыңгырауны 1 сыйныфтан Рания белән 9 сыйныфтан Ранис чыңлатты. Һәркем тантанадан соң “Хәтерлим мин әле бүгенгедәй” дип аталган махсус сыйныф сәгатенә юнәлде. Аны сыйныф җитәкчесе Исланова Г.Г. әзерләде. Соңгы уку көне укучылар өчен истәлеккә фотога төшү, күңелле сөйләшү- очрашулар белән дәвам итте. Алда имтиханнар. Уңышлар Сезгә, тугызларыбыз! 26.05.2017
-
Мәктәптә традицион 4 сыйныф укучылары өчен “Сау бул, башлангычым!” дип аталган искиткеч матур тәрбия чарасы уздырылды. Чарага әти-әниләр, укучылар, мәктәп администрациясе, укытучылар чакырылды. Тантананы укучылар үзләре алып бардылар. Махсус шигырьләр, җырлар яраткан укытучыларга бүләк итеп җиткерелде . Балалар үз куллары белән әзерләгән бүләкләрне әниләргә тапшырдылар. Әниләр, килгән кунаклар һәрберсе 4 сыйныфларга бары тик матур теләкләр генә теләделәр, истәлеккә бүләкләр тапшырдылар. Чара башлангычларның күңелендә матур хатирәләр калдырлы. Бәйрәмне сыйныф җитәкчесе Әхмәтшина Л.С. әзерләде. 26.05.2017
-
Мәктәбебез укучылары 22-24 нче май көннәрендә 50 нче район турслётында катнаштылар. Юбилей елы уңаеннан быел ярыш тагын да катлаулырак иде. Укучылар үзләрен төрле бәйгеләрдә сынап карадылар, табигатьне сакларга өйрәнделәр. Безнең команда өчен аеруча уңышлы булып "Визитка" бәйгесе табылды: лаеклы 3 урын бездә! Туган як тарихы буенча сораулар бәйгесендә дә безнекеләр сынатмады. Раят, Илмаз, Булат, Г.Фаил, Гөлназ, Эльза, Әлфис , Энҗе мактауга лаек! Укытучы Хәйретдинов Р.Р.үзенең укучылары уңышлары белән горурлана! 23.05.2017
-
Казан шәһәрендә тәрбия буенча урынбасарларның республикакүләм семинары булып узды. Чара Ярминкәләр залында узды. Ул тулысынча “Без бергә” балалар фестивален йомгаклауга багышланды. Чарада РДШ, ЮНАРМИЯ балалар төркемнәренең иң активлары катнашты. Семинарның максаты : балалар оешмасы эшчәнлеген активлаштыру, аларның нәтиҗәлелеген күтәрү, илкүләм проектларда катнашырга өндәү. 23.05.2017
-
Түгәрәкләр иҗат отчётынла спорт һәм инглиз теле түгәрәкләренең эшчәнлек нәтиҗәләре. 23.05.2017
-
"Оста куллар" түгәрәге үзенең эшчәнлеген яклый. 23.05.2017
-
20 нче май көнне уку йортында Пионериянең 95 - еллыгы һәм Халыкара гаилә көннәре уңаеннан зур тәрбия чарасы оештырылды. Чара тантаналы линейкадан башланып китте. Барлык кунакларны, укытучыларны, балаларны бәйрәм уңаеннан укучылар үзидарәсе активистлары котлады. Котлау сүзләре бәйрәмгә чакырылган гаиләләргә : әни һәм әтиләргә дә җиткерелде. Шуннан соң чын – чынлап Гаилә сабантуе башланып китте. Балаларның шатлыклы авазлары астында ике төркемгә бүленгән әти-әниләр, балалар бик тырышып капчык киеп йөгерүдә, су ташуда, оста атучылар ярышында, велогонкада,өзлексез чылбыр уенында, “великан” , аркан тарту кебек бәйгеләрдә катнаштылар. Уеннар, ярыш төрләрен укытучы абый-апалар бик оста итеп оештырдылар; бер генә минут бушлык та булмады. Барлык уеннарда да көчләр бертигез диярлек булды. Ике төркемдә сынатырга теләмәде. Ярышлар барган арада гөжләп чәй кайнап чыкты, учакта уха өлгерде. Балыкларны да укучылар үзләре тотып, чистартып алып килделәр. Бер зур гаилә булып өстәл артында төшке аш оештырылды.Тамак ялгап, ял итеп алгач, бүләкләү тантанасы башланды.Бәйрәмдә актив катнашкан һәр укучы, әти-әни Мактау кәгазе белән бүләкләнде. Мәктәп администрациясе чарада актив катнашкан Ислановлар, Зәйнетдиновлар, Гатауллинннар, Галиуллиннар, Вәлиева Ә.С, Хәйретдинова Г.Н, Касымовлар, Ахмеровлар, Садыйковлар, Минкашевлар, Әхмәдуллиннар, Туктаровлар, Әхмәтшиннар, Вәлиева Л.Р, Шакуровлар, Шәрәфетдиновлар гаиләләренә Рәхмәтен белдерә, шатлык – бәхет теләп кала. Уздырылган чара һәркемнең күңеленә хуш килде. 23.05.2017
-
Менә ул безнең кулга - кул тотышып уңышлардан уңышларга баруда беренче ярдәмчеләребез- безнең уңган, булган, бердәм, актив гаиләләребез! Уку йорты үзенең һәр шундый гаиләсе белән горурлана, зур җиңүләргә өметләнә. 23.05.2017
