Эшләмәсәң җәй көне, ни ашарсың кыш көне, ди халык. Шуңа күрә хезмәт һәм ял лагерена йөрүчеләр вакытны әрәмгә үткәрмиләр.  Июль аеның яхшы яуган яңгыры астында  укроп та быел мул уңыш бирде. Кызлар аны җыеп юдылар һәм кыш өчен әзерләп куйдылар. Бу хуш исле тәмләткеч кыш буе кайнар ашка җәй тәме биреп торачак!

Һәркем елның иң ямьле вакытын – җәйне өзелеп көтә. Җәйге кояш астында рәхәтләнеп су керергә дә, кызынырга да, ял итәргә дә була. Ә хезмәт һәм ял лагере өчен җәй - тырыш хезмәт вакыты да. Хезмәт һәм ял лагеренда эш аралаштырып барыла. Бүген дә иртәнге болыт “Очкын”лыларны бераз куркытып торды да юкка чыкты. Укучылар мәктәп алдындагы чәчәк түтәлләрен чүптән арындырдылар; төпләрен йомшарттылар; үсентеләрне күчереп утырттылар. Атналап яуган яңгырда үсеп өлгергән чүп үләннәреннән арынгач, чәчәкләр “үсеп” киттеләр. Вакыт та файдалы үтте, балалар да шат!

“Очкын” хезмәт һәм ял лагерының җәе күңелле һәм файдалы үтә. Бүген дә укучылар, иртән инструктаж үтү белән, төркемнәргә бүленеп эшкә тотындылар. Беренче төркем теплицадагы кыяр һәм помидорларга су сипте; икенчесе кабинеттагы тәрәзәләрне юды; өченче төркем бакчада җиләк җыйды. Мәктәп яны бакчасындагы җиләккә һәркем сокланырлык: тиз арада бер чиләк тулды. Кызлар аны, юып, кыш өчен туңдырырга әзерләделәр. Көчле яңгырдан соң бакчада эшләү авыр булса да, кышын җиләк белән чәй эчү тәмле булачак!

«Кояш» лагерында көн иртәдән үк күңелле! Иртэнге аштан соң юл кагыйдәләрен һәм юл билгеләрен искә төшердек. Берничә төр транспорт исемнәрен инглиз һәм татар телләрендә өйрәндек. Шәһәребезнең «Ял үзәгенә» барып мультфильмнар карадык, аннан соң «Мультфильмнар иленә сәяхәт» дигән викторина узды. Төшке аштансын өстәл уеннары уйнадык. Көнебез биктә кызыклы узды!

Бүген  “Кояш”  мәктәп яны ял  сәламәтләндерү  лагерында көнебез “Дуслыкның  кадерен  бел!”  девизы  астында  үтте. Әлеге  темага балалар  рәсемнәр  ясадылар, дуслар  турында  инглиз һәм татар телендә мәкаллэр өйрәнделәр. Көн барышында  шәһәребезнең  “Дельфин” бассейнында  су  коендык. Бүгенге  көнебез дә бик күңелле  һәм  кызыклы  үтте!

Тамчы гөлем, яран гөлем,         

 Өебез бакча төсле. 

 Үзем үстерәм иркәләп,   

Чәчәкләре хуш исле.      

    Кыш буе гимназияне бизәп торсын өчен,  бүлмә гөлләрен җәйдән үк тәрбияләргә кирәк. Бүген хезмәт һәм ял лагерына йөрүче укучылар яңа үсентеләрне күчереп утыртты.  Коридордагы фикус, роза гөлләренең төпләрен йомшартты, тузаннарын сөртте. 

Көне буе яуган яңгыр ике лагерьны берләштерде.”Очкын”лылар мәктәп яны ял лагерына йөрүчеләр белән “Сәламәт бул! Бие!” акциясе үткәрде. Башлангыч сыйныф укучыларын бию серләренә өйрәтте, флешмоб уңышлы килеп чыкты.