Бүген безнең мәктәп укучылары боз сараенда булдылар

21 нче март көнне мәктәбебездә Нәүрүз бәйрәме булып узды. Безнең укучыларыбыз бу бәйрәмгә алдан ук  әзерләнделәр: җырлар,  шигырьләр, биюләр  өйрәнделәр.  "Карга боткасына" күчтәнәчләр дә җыелды, Нәүрүзбикә һәм Кыш бабай да очрашып көч сынашып алдылар. Нәүрүзбикәбез әлеге ярышларда үзенең булдыклылыгы, җитезлеге, яшьлеге белән җиңеп чыкты. Кыш бабай акрынлап салкын якларга китәргә җыена башларга сүз бирде. Аннары барлык явызлыклар һәм начарлыкларны үз иткән карачкы яндырылды. Бәйрәм "карга боткасы", коймак, кайнар чәй белән дәвам итте...

Бүген 9 нчы сыйныф укучылары катнашында информатикадан интерактив викторина булды. Укучылар "Хакерлар" һәм "Антивирус" командаларына бүленеп ярыштылар. Нәтиҗәдә дуслык җиңде

Бүген Казан шәһәренең 170 нче мәктәбендә Ф. Әмирханга багышланган фәнни-гамәли конференция үткәрелде. Анда 9 нчы сыйныф укучысы Гамирова Рамилә Рамил кызы "Фатых Әмирхан әсәрләрендә матурлыкка омтылыш" дип исемләнгән темага чыгыш ясады һәм II нче дәрәҗә диплом һәм сертификат белән бүләкләнде.

Җитәкчесе: татар теле һәм әдәбияты укытучысы Латыпова Ф.Р.

Физика һәм информатика атналыгы кысаларында башлангыч сыйныфлар алдында "Әйләнә-тирәбездә физика" дип аталган чыгыш ясалды. 

Кабатланмас балачак иленең иң зур бәйрәмнәренең берсе - Әлифба бәйрәме. Җир йөзендә кем генә булмасын, кайда гына эшләмәсен, ул зур дулкынлану белән үзенең нәни кулларына тәүге тапкыр Әлифба алганын искә төшерә. Чөнки һәркемнең дә белем дөньясына беренче адымы Әлифбадан башлана.

      Бүген безнең мәктәптә 1 нче сыйныф укучылары Әлифба китабы белән саубуллашу кичәсен уздырдылар. Күптән түгел генә укырга керүләренә карамастан, нәни дусларыбыз инде бик күп төрле һөнәрләр үзләштергәннәр.

  Кичәне зур дулкынлану белән әти-әниләр, укытучылар, башка сыйныф укучылары карап утырды. Сыйныф җитәкчесе Вәлиуллина Фәнзилә Фиргать кызының  йөзендә үз укучылары өчен горурлык хисен тоеп утырды алар.

Бүген башлангыч сыйныф укучылары "Дүрт дус" дип аталган татар халык әкиятен сәхнәләштерделәр. 

Башлангыч сыйныфлар атналыгы дәвам итә. Бүген 1-4 нче сыйныф укучылары 2 командага бүленеп "Йолдыз сәгате" уенында ярыштылар

11 март көнне Башлангыч сыйныфлар атналыгында "Китап киңәшчең синең, дустың ярдәмчең синең" дип исемләнгән кичә үткәрелде. Кичәдә укучылыр китапның роле, дәрәҗәсе, белем бирүе турында һәм аны ничек сакларга икәнен сөйләделәр.

Кичәне башлангыч сыйныф укытучылары оештырды