Безнең мәктәп укучылары өчен 27 нче декабрь көнне авыл мәдәният йортында Чыршы Бәйрәме үткәрелде. 1-8 сыйныф укучылары яңа елны каршыларга бик тырышып әзерләнгәннәр. Барысыда  әкият геройлары булып киенгәннәр, рәсемнәр һәм чыршы уенчыклары ясаганнар. Җыр, бию һәм сәхнә күренешләре нәфис сүз белән үрелеп барды. Балалар чын күңелдән  уеннарда катнашып төрле призлар алдылар.Яңа ел бәйрәме  бик күңелле үтте. Киләсе 2016 ел бары шатлык, бәхет,уңышлар һәм тынычлык алып килсен!

Бөтенроссия олимпиадаларының муниципаль этабы төгәлләнеп килә. Татар теленнән олимпиада  безнең мәктәп өчен  бик уңышлы узды, чөнки 7 сыйныф укучысы Валиахметова Динара  1нче урынны яулады. Динара һәм аны әзерләгән укытучысы Галлямова С.М.  җиңүләре белән котлыйбыз һәм тагын да зур уңышлар телибез! 

11 нче декабрь көнне, Чаллы  шәһәренең "Гали Акыш исемендәге 84 нче номерлы лицей- интернат"ында Республикакүләм фәнни - гамәли конференция булып узды.  Ул Россиядә  Әдәбият елына  багышланган һәм "Яшьләр фәнни эзләнүдә"  дип аталган иде. Бу  зур чарада безнең мәктәптән 8 нче сыйныф укучысы Закиров Леназ катнашты. Үзенең эше белән чыгыш ясап,  лауреат  исеменә лаек булды.  Без аны чын күңелдән котлыйбыз һәм җиңүләрнең олысын теләп калабыз.  

Бүген безнең мәктәптә Халыклар Бердәмлеге Көненә багышланган чара үткәрелде. Мәктәпнең оештыручы укытучы-Миннекаева Л.Н.  һәм укыту эше буенча директор урынбасары  Субханова И.А. 5 -7 сыйныф укучылары белән әзерләнгән бәйрәм тарихына багышланган  чыгышларын күрсәттеләр. Призентация һәм чыгышлар балаларга  бик кызыклы һәм анлаешлы булды.

21 нче октябрьдә, безнең мәктәптә Мәдәният  Көнен ачу тантанасы булды.  Авыл китапхәнәсе мөдире Камалиева З.Ө. һәм мәктәп директоры Ибраева  И.Ә.  кереш сүзләреннән соң, башлангыч сыйныф укучылары катнашында концерт күрсәтелде. Соңыннан барлык башлангыч сыйныф  укучыларына Мәдәни көндәлекләр тапшырылды.

4нче сыйныф укучысы Сибгатуллин Раильне Республика күләмендә үткәрелгән Сара Садыйкова исемендәге "Калфаклы сандугач -2015" бәйгесенең муниципаль турында 1нче урын алуы белән котлыйбыз. Афәрин Раиль!

"Куркынычсызлык айлыгы" кысаларында мәктәп күләмендә уздырылган рәсемнәр конкурсы җиңүчеләрен котлыйбыз!