29 -апрель көнне безнең мәктәп  балаларны яклау көнен үткәрде. Бу көн кысаларында "Кеше һәм табигать" дип аталган, китаплар күргәзмәмсе оештырылды. "Мин-Ватан сакчысы" исеме астында хәрби-спорт эстафетасы үтте. 

 Россия күләмендә, Бөек Җиңүнең 71 еллыгын бәйрәм итүгә багышланган, "Үлемсез Полк" акциясе игълан ителгән иде. Бу чарада безнең мәктәптә читтә калмады. Барлык укучылар һәм укытучылар Бөек Ватан сугышында,  туган иле өчен башларын салган туганнарының фото сурәтләрен, я исемнәре язылган плакатлар  күтәреп авыл уртасында урнашкан обелиск янына бардык. Укучылар 9-май бәйрәменә карата  концерт номерлары күрсәттеләр.  Сугышта катнашкан авылдашларны бер минут тынлык белән искә алдык.

 Бөгелмә шәһәренең 14 нче гимназиясендә, Габдулла Тукайның тууына 130 ел тулуга багышланган муниципаль фестиваль үтте. Безнең мәктәп укучылары бу чарада бик актив катнаштылар һәм призлы урыннар яуладылар.Рәсем бәйгесендә 1нче сыйныф укучысы Мирзаянова Айгөл-1 урын,  7 нче сыйныф укучысы Журавлев Роман-2 урын алдылар.Нәфис сүз бәйгесендә 4 нче сыйныф укучысы Сибгатуллин Раиль-1 нче урын, Вакульчик Виктория -3 нче урынга ия булдылар. Биючеләр арасында  2 нче сыйныф укучысы Файзуллина Ләйлә 1-урын, җыр башкаручылар арасында 6 нчы сыйныф укучысы Исаева Александрия 3-урынга лаек булдырлар. 8 нче сыйныф укучылары Закиров Леназ һәм Ахметов Рунар  гамәли сәнгать бәйгесендә 1-урын алып кайттылар. Барлык фестивальдә катнашкан укучыларыбызны уңышлары белән котлыйбыз, исәнлек,укуда һәм тормышларында тагын да зур уңышлар телибез. Рәхмәт сезгә!

Габдулла Тукайның тууына 130 ел тулуга багышланган  муниципаль фәнни-гамәли конференциядә, безнең мәктәпнең 6 сыйныф укучысы Гилязова Алина катнашты. Ул үзенең "Тукайның дингә карашы" дип аталган эше белән   2 урын алды. Без Алинаны һәм аның фәнни җитәкчесе, татар теле һәм әдәбияты  укытучысы Галлямова Сәрия Мөкәтдис кызын чын күңелдән котлыйбыз.

 Бөгелмәдә  үткән, Габдулла Тукай шигырьләрен дүрт телдә укучылар бәйгесендә, безнең мәктәптән ике укучы катнашты. 7 нче сыйныф укучылары Вәлиәхмәтова Динара һәм Нәбиуллина Флорида. Алар Тукайыбызның "Туган тел" һәм  "Туган Авылым" шигырьләрен  инглиз телендә укыдылар. Кызларны бәйгегә әзерләүче инглиз теле  укытучысы Дарменко Г.С.. Укучылар әлегә зур уңышларга ирешә алмасаларда, без аларга рәхмәтебезне белдерәбез һәм киләчәктә уңышлар телибез.