24 август Баулынын Муса Җәлил мәдәният йортында булып узган укытучыларның традицион август киңәшмәсенең тантаналы өлешендә сәхнәгә озак еллар мәгариф өлкәсендә хезмәт куеп, 55 ен тутырган мөгаллимәләр күтәрелде. Алар арасыда безнен Кандыз мәктәбендә күп еллар намуслы хезмәтләре белән дан һәм хөрмәт казанган, безнен кадерле укытучыларыбыз, хөрмәтле хезмәттәшләребез инглиз теле Идрисова Гөлүзә Наиловна һәм Тахаутдинова Гадилә Галимулловна да бар иде. Район башкарма комитеты җитәкчесе Гузаиров Ильяс Исмагилович аларга район башкарма комитетының рәхмәт хатларын тапшырды. Гөлүзә Наиловна 30 елдан артык, Гадилә Галимулловна 25 елдан артык гомерләрен Кандыз авылы балаларына белем һәм тәрбия бирүгә багышладылар.Татар Кандызы мәктәбенең данын күтәрергә керткән өлешләре бик зур. Матур гайләләр корып, йортлар төзеп,тәрбияле уллар үстереп бүгенге көндә Кандыз авылында башкаларга үрнәк гайлә булып торалар. Кызганыч быел эштән туктадылар, авыр тырыш хезмәт белән эшләп алган лаеклы ялга киттеләр. Гөлүзә Наиловна, Гадилә Галимулловна  алдагы көннәрегездә Сезгә чын күңелдән тыныч тормыш, аяз күк йөзе телибез. Исән-сау булып авылдашларның ихтирамын тоеп, балаларыгызның, оныкларыгызның кадер хөрмәтен күреп яшәргә язсын иде Сезгә. Иң изге теләкләр белән ата-аналар, укучылар һәм укытучылар коллективы исеменнән мәктәп директоры Халиуллин И.Ш. 

25 май мәктәптә “Соңгы кыңгырау” бәйрәме үткәрелде. Быел 11 нче сыйныфны 5 укучы, 9 нчы сыйныфны 4 укучы тәмамлый. Алар өчен кыңгырау соңгы тапкыр яңгырады. Бәйрәмдә ата-аналар, ветеран укытучылар, авыл җирлеге идарәсе башлыгы Насибуллин М.Ш катнашты. Баулы районы Башкарма комитетының эшләре белән идарә итүче Хаким Сагитович укучыларны бәйрәм белән котлады, район хакимияте башлыгы Рамиль Хакимулловичның тәбрикләү сүзләрен җиткерде. 11 сыйныф укучылары матур итеп чыгыш ясадылар. Бәйрәмне әзерләгән укытучыларга, әти-әниләргә зур рәхмәт! 9,11 сыйныф укучыларына дәүләт имтиханнарын уңышлы бирүләрен теләп калабыз!

Районыбызның 4 нче сыйныф укучылары арасында “Ел укучысы -2017” конкурсы үткәрелде. Безнең мәктәпнең 4 нче сыйныф укучысы Нуретдинов Рифат шушы бәйгедә катнашып 2 нче урынга лаек булды. Аны әзерләүче класс җитәкчесе Нургалиева Раушания апага бик зур рәхмәт. Аңа сәламәтлек, иҗади уңышлар теләп калабыз.

7 нче сыйныф укучылары технология укытучысы Лилия Марсовна белән ветеран укытучы Фаррахова Голшат Гимаевнага язгы бакча эшләрендә ярдәм иттеләр. 

Буген 8 май Бөек Ватан сугышында һәлак булган авылдашларыбыз истәлегенә куелган һәйкәл янында Җиңу көненә багышланган митинг булып узды. Хезмәт һәм тыл ветераннарын авылыбызның җирле узидарә башлыгы Мәхмут Шәйхулла улы, ветераннар советы рәисе Сирина апа Вагизова, район вәкиле Фаил Фарваз улы бәйрәм белән котладылар. Мәктәп һәм мәдәният йорты хезмәткәрләре бәйрәм концерты куйды. Бәйрәмне оештырган һәм анда катнашкан барлык авылдашларыбызга зур рәхмәт. Барыгызны да Җиңу бәйрәме белән котлыйбыз! Исәнлек-саулык, тыныч күк йөзе телибез. Мәктәп коллективы исеменнән мәктәп директоры И.Ш Халиуллин.