10 апрель көнне Баулының 4 нче санлы балалар бакчасында “Мин татар кызы – 2018” дигән бәйге үткәрелде. Татар телебезгә мәхәббәт тәрбияләү, яшь талантларны ачу максатыннан уздырылган бу бәйгедә Татар Кандызы урта мәктәбенең мәктәпкәчә тәрбия бирү төркемендә тәрбияләнүче кызыбыз каташты. Ул “Милли традицияләрдә тәрбияләнгән кыз – 2018” номинацияседә җиңеп мактау грамотасы белән бүләкләнде. Төркемнең тәрбиячесе Т.М.Закирзяновага “Ак калфак” татар хатын-кызларының  иҗтимагый оешмасының кучмә тасмасы тапшырылды.

6 апрель  көнне кошлар көне уңаеннан  1 – 4 сыйныфларда “Кошлар-безнең дусларыбыз” дип исемләнгән бәйрәм үткәрелде. Укучылар бу бәйрәмдә үзләренең белемнәрен тагын да тирәнәйттеләр: табышмакларга җаваплар эзләделәр, күп кенә кошларны танып белергә өйрәнделәр, кроссвордлар чиштеләр. 

1 апрель – Халыкара кошлар көне. Шул уңайдан башлангыч сыйныфларда  рәсем конкурсы үткәрелде, нәтиҗәләр ясалды.

Бүген 1 нче сыйныфта кабатланмас балачак иленең иң шәп бәйрәмнәренең берсе Әлифба бәйрәме.1 сыйныф укучылары  укырга, язарга, матур итеп сөйләргә, хикәяләр төзергә, шигырьләр сөйләргә өйрәнделәр. Әлифба бәйрәме алар өчен  зур тантана. Бәйрәмнәре котлы булсын!

12 нче март көнне башлангыч сыйныфларда рус теле, математика, әйләнә-тирә дөнья фәннәреннән олимпиада үткәрелде. 

22 нче февраль мәктәптә «Ватанны саклаучылар» көненә багышланган «А ну-ка, парни!» конкурсы булып узды. Ярышта 5-11 нче сыйныф егетләреннән торган «Бодрячки» һәм «Орлы» командалары катнашты. Ике команда да ярышка яхшы әзерләнгән иде. Бәйге 37:37 исәбе белән тәмамланды. Егетләргә исәнлек-саулык, укуларында уңышлар телибез. 

22 февраль мәктәптә "Әти, әни һәм мин - спорт сөюче гаилә " дип аталган ярыш - кичә үткәрелде. Аның максаты булып: балалар һәм әти-әниләр арасында сәламәт тормыш рәвешен пропагандалау тора. Ярышта башлангыч сыйныф укучылары һәм әти-әниләре катнашты. Бу бәйгедә катнашкан гайләләргә зур рәхмәт.