Бүген, ягъни 2 февраль көнне, мәктәптә студентлар белән  очрашу кичәсе булды. Очрашуга төрле уку йортларында белем алучы кызлар һәм егетләр килде. Алар 9 нчы һәм 11 сыйныф укучыларына  үзләренең уку йортлары турында сөйләделәр, белем алганда булган авырлыкларны ничек җиңәргә кирәклеге турында  киңәшләрен бирделәр. Укучылар да үзләрен кызыксын-дырган  сорауларына җавап таптылар. 

24 гыйнвар көнне Татар Кандызы урта мәктәбендә 8, 11 сыйныф укучылары белән авыл китаханәсе мөдире Насибуллина Гөлнур Нурсәет кызы һәм татар әдәбияты укытучысы Гыйззәтуллина Зөһрә Миннехан кызы Г.Әпсәләмовның тууына 106 яшь тулуга багышланган «Сүнмәс утлар кабызган әдип» дигән әдәби кичә үткәрделәр.

Бүген безнең Татар Кандызы мәктэбенең актлар залында авылдашыбыз генерал-майор Салыев Фраиз Фазлыйәхмәт улы белән кызыклы очрашу булды. Очрашуда Баулы һәм Ютазы районы хәрби комиссары подполковник Халитов Ильшат Нәзип улы да катнашты. Фраиз Фазлыахметович укучыларга үзенең уку еллары, хәрби хезмәте, гаиләсе турында сөйләде. Бүгенге көндә укуның, белем алуның бик кирәклегенә басым ясады, югары сыйныф укучыларына хәрби профессия сайларга кинәш итте. "Юнармия" хәрәкәтендә катнашучы малайларга - кызларга, мәктәпкә бүләк итеп алып килгән автомат (макет) һәм мылтыкны тапшырды, укуларында уңышлар теләде. Кунаклар мәктәпнен Икмәк музеен, картиналар галереясын, уку бүлмәләрен, балалар бакчасын карадылар. 

Безнең укучыларыбыз,  Хөснетдинова Регинаны (8 кл.) һәм Әхмәтҗанова Кадрияне (9 кл.) татар теленнән үткәрелгән Республика олимпиадасының муницпальэтабында призлы урын алулары белән котлыйбыз. Аларны әзерләгән татар теле укытучыларына З.М. Гыйззәтуллинага  һәм Р.Н. Хәлиуллинага рәхмәтебезне белдерәбез. Уңышлар теләп калабыз.

16 декабрь Баулы шәһәре спорткомплексында авыл мәктәпләре арасында «Юнармия» хәрәкәтенең эстафета ярышлары булып узды. Безнең мәктәп командасы 3 нче урынны яулап алды. Ярышта катнашкан Гиззатуллин Рәфисләр гаиләсенә, Идрисов Рамиль абыйга, Галимзянов Ильмирга зур рәхмәт. Укучыларыбыз Гиззатуллина Лиана (4 кл) , Самигуллин Альмир (5кл), Ахметзянов Ильнар (5кл) бик нык тырыштылар. Барыгызга да исәнлек-саулык, гаилә бәхете, укуларыгызда һәм эшләрегездә зур уңышлар телибез. МОЛОДЦЫ !!!