Бүген  9 нчы сыйныф укучылары өчен математикадан ГИА биреп карау сынаулары үткәрелә. Уңышлар сезгә!

Менә кабат ел ахыры килеп җитте. Табигать ап-ак юрганга күмелгән. Алда безне Яңа ел бәйрәме, кышкы каникул көтә.

Атлап барганда аяк астына гына түгел, әзрәк ян-якка да караштыргалый торган вакыт җитте. Урамнарда – Яңа ел алдыннан гына була торган матурлык. Игътибарны аеруча кар сыннары җәлеп итә – кем куллары белән тудырылган матурлык икән бу? Һәм шунда ук үзеңә җавап та бирәсең: кемнеке белән булсын инде, укучылар һәм укытучылар кулы белән!

9 нчы декабрь - Халыкара коррупциягә каршы көрәш уңаеннан мәктәбебездә "Без коррупциягә каршы!" дип исемләнгән рәсем, стенгазета, плакатлар бәйгесе үткәрелде. "Бәхетле яшәү ул - гадел яшәү" темасына багышланган түгәрәк өстәл Шубан авыл җирлеге башлыгы- Раиф Рависович катнашында узды. Ул укучыларыбызга кррупциягә каршы көрәш – һәммәбезнең уртак бурычы икәнлеген искәртте.

Мәктәбебез укучылары "Һәрвакыт булсын әни!" бәйгесендә катнашып зур җиңүгә лаек булдылар. 1 нче сыйныф укучылары Габделхакова Ләйсән, Мөхәмәтҗанов Рәйхан, 3 нче сыйныфтан Кадыйрова Назилә, Шәрипова Алисә, Фәсхетдинов Динислам, 6 нчы сыйныф укучысы Мөхәмәтҗанова Язилә II - III дәрәҗәле диплом белән бүләкләнделәр. Шулар арасында 6нчы сыйныф укучысы Гыйлметдинова Ләлә I дәрәҗәле дипломга лаек булды. Җиңүегез белән котлыйбыз сезне, укучылар!

Салкын ноябрьнең соңгы атнасында мәктәбебездә "Иң якты кояшым - әнием" дип исемләнгән бәйрәм кичәсе узды. Укучыларыбыз яраткан әниләрен матур җыр-биюләре, ялкынлы шигырьләре белән котладылар, күңелле ял кичәсе бүләк иттеләр. Кадерле әниләребез өчен елның һәрбер көне бәйрәмгә тиң булсын иде!

2000 нче елгы һәм яшьрәкләр арасында уздырылган волейбол ярышында укучыларыбыз II урын яуладылар!

Ноябрь ае бәйрәмнәргә бай. Шуның берсе – Бердәмлек көне. Безнең халыкта бик мәртәбәле бер әйтем бар: бердәмлектә – көч. Әйе, бердәм булсак, бер-беребезгә авыр чакта ярдәм кулы сузсак, җәмгыятебездәге вакыйгаларга битарафлык күрсәтмәсәк, төрле дин, милләт халкына, аларның гореф-гадәтләренә хөрмәт белән карасак, шул чагында без – көчле халык. Иң әһәмиятлесе – кыйблабыз ачык, туры булсын.

"Тылсымлы куллар" түгәрәге үз эшчәнлеген дәвам итә. Балаларга аны кызыклы итеп оештыруда түгәрәк җитәкчесе Гөлүсә Ураловнаның хезмәте бик зур.

 Барлык укучыларны I чирекне  әйбәт кенә тәмамлаулары белән котлыйбыз. Каникул 30 октябрьдән 6 ноябрьгә кадәр. 7 ноябрьдә барыгызныда кабаттан мәктәбебездә көтеп калабыз.