Бүген 11 нче класс укучылары зур сынауда: рус теленнән бердәм дәүләт имтиханы тапшыралар. Аларга белем ачкычлары юлдаш булсын.

Бүген мәктәбебезнеӊ иӊ җитез укучылары Кара күл буенда уздырыла торган туризм ярышына киттеләр. Аларныӊ авыр сынауларны үтеп зур җиӊүләргә ирешүләрен теләп калабыз.

28 нче майдан «Дуслык» мәктәп яны ял һәм сәламәтләндерү лагере эшли башлады.

Соңгы кыңгырау! Аның чыңлавы мәктәпне тәмамлаучылар өчен тантаналы да,моңсу да. Бүген мәктәбебезнең 9 нчы һәм 11 нче сыйныфны тәмамлаган укучыларыбыз өчен ул соңгы тапкыр яңгырады.

11 ел буе шундый якын, шундый кадерлегә әверелгән сыйныф бүлмәләре, мөгаллим-тәрбиячеләр, сыйныфташлар, көн саен ашыгып атлаган мәктәп сукмагы, хушыгыз!

Сезне Соңгы кыңгырау бәйрәме белән тәбрик итәбез һәм  алда торган иң җитди сынаулар – бердәм дәүләт имтиханнарын унышлы тапшырып чыгуыгызны телибез. 

Малмыж шәһәрендә 47 нче тапкыр уздырыла торган «Дуслык учагы» балалар фестивалендә 7 сыйныф укучысы Хәбибуллин Рүзәл, 8 нче сыйныфтан Мөхәрләмов Илгизәр һәм Габдрахманова Рүзия катнаштылар.

Латыйпова Гөлсинә Габделфәртовна укучылар белән берлектә мәктәбебез яны тәҗрибә участогын бизәү эшләрен дәвам итә.

Бүген табигатьнеӊ иӊ гүзәл почмагында Пионериянең 90 еллыгына багышланган юбилей тантанасы булып үтте. Тантана «Дуслык учагы» янында Сибагатуллина Җәмилә апа Абдулловнага кушылып җырлаган җырлар һәм укучылар уйнаган спорт ярышлары белән үрелеп барды.

7 нче сыйныф укучылары мәктәбебез урнашкан тау битенә, су буйларына агачлар утырттылар.