2011-2012 нче уку елында мәктәбебездә 9 нчы сыйныфны 24 укучы тәмамлады.Алар барысы да дәүләт йомгаклау аттестациясен уңышлы тәмамлап, кулларына аттестат алдылар. 25 нче июнь көнне чыгарылыш кичәсе үткәрелде, бәйрәмгә әти-әниләр дә килде.

Кадерле укучылар! Сезне мәктәпне тәмамлау турында аттестат алуыгыз белән котлыйбыз.  Сезгә алга таба да зур уңышлар телибез.

Мәктәбебездә «Дуслык» хезмәт һәм ял лагеры дәвам итә. Нәни укучыларыбыз табигатьнең гүзәл почмакларына экскурсияләргә барып ял итсә, өлкән сыйныф укучылары мәктәп бакчасында җәйге эшләр белән мәшгуль.  

Сабантуйлар котлы булсын!

Бүген 11 нче класс укучылары зур сынауда: рус теленнән бердәм дәүләт имтиханы тапшыралар. Аларга белем ачкычлары юлдаш булсын.

Бүген мәктәбебезнеӊ иӊ җитез укучылары Кара күл буенда уздырыла торган туризм ярышына киттеләр. Аларныӊ авыр сынауларны үтеп зур җиӊүләргә ирешүләрен теләп калабыз.

28 нче майдан «Дуслык» мәктәп яны ял һәм сәламәтләндерү лагере эшли башлады.

Соңгы кыңгырау! Аның чыңлавы мәктәпне тәмамлаучылар өчен тантаналы да,моңсу да. Бүген мәктәбебезнең 9 нчы һәм 11 нче сыйныфны тәмамлаган укучыларыбыз өчен ул соңгы тапкыр яңгырады.

11 ел буе шундый якын, шундый кадерлегә әверелгән сыйныф бүлмәләре, мөгаллим-тәрбиячеләр, сыйныфташлар, көн саен ашыгып атлаган мәктәп сукмагы, хушыгыз!

Сезне Соңгы кыңгырау бәйрәме белән тәбрик итәбез һәм  алда торган иң җитди сынаулар – бердәм дәүләт имтиханнарын унышлы тапшырып чыгуыгызны телибез. 

Малмыж шәһәрендә 47 нче тапкыр уздырыла торган «Дуслык учагы» балалар фестивалендә 7 сыйныф укучысы Хәбибуллин Рүзәл, 8 нче сыйныфтан Мөхәрләмов Илгизәр һәм Габдрахманова Рүзия катнаштылар.