Бүген 10 нчы сыйныфлар җитәкчелегендә укытучылар көненә багышланган кичә булып узды. Кичә җыр - биюләр һәм укучылар башкаруында төрле дәресләргә пародияләр күрсәтү белән үрелеп барды.

1 нче октябрь -  Өлкәннәр көне. Шушы уӊайдан укучылар һәм укытучылар тарафыннан өлкәннәрне котлап открыткалар таратылды.

            Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен  татыган кешеләр. Аларны өлкән булган өчен генә түгел, ә әти-әниләребез, әби-бабайларыбыз булган өчен дә хөрмәт итәргә тиешбез.

Мәктәп күләмендә үткәрелгән «Көзнеӊ матурлыгы – чәчәкләрдә» дип исемләнгән чәчәк букетлары күргәзмәсендә укучыларыбыз актив катнашты.

            Чәчәк букетларын медиатека бүлегеннән карый аласыз.

Иртәгә, ягъни 27 нче сентябрь көнне кичке 19.00 сәгатьтә ата – аналар җыелышы була. Көн тәртибе:

            1. 2011 – 12 нче уку елындагы эшчәнлеккә анализ.

            2. Мәктәп, гаилә һәм җәмәгать эшчәнлегенеӊ бердәмлеге.

                                 Спорт- сәламәтлек нигезе.

                                 Кеше сәламәтлеге ул һәрчак кеше

                                 тормышының иң кыйммәтле хәзинәсе.

Бүген мәктәбебездә «Кросс Наций – 2012» йөгереше үткәрелде.

Мэктэп яны тэжрибэ участогында устерелгэн кишер, чогендер унышын жыю бара. Унышлар мулдан!

Бүген укучылар һәм укытучылар тырышлыгы белән мәктәбебез  бәрәңгесе җыеп алынды. Бәрәнге уңышы елына күрә канәгатьләнерлек.

Мәктәп яны тәҗрибә участогында көзге эшләр тулы көченә дәвам итә. Бакчабызда уңышның мул булуы һәммәбезне куандыра. Бу муллык – укытучыларыбызның һәм укучыларыбызның тырыш хезмәт нәтиҗәсе.

Мәктәбебездә Белем бәйрәме күтәренке рухта узды. Быел мәктәбебезнең 1 сыйныфына 13 укучы тәүге адымнарын атлады. Бәйрәмдә район кунаклары, җирле җитәкчеләр, әти-әниләр һәм нәкъ 50 ел элек мәктәбебезнеӊ 1 нче сыйныфына аяк баскан укучылар  катнашты. Үзләренең изге теләкләре белән алар бәйрәмгә ямь өстәделәр.

             1 сентябрь - Белем бәйрәме белән барыгызны да котлыйбыз, эшегездә зур уңышлар телибез!

Сезне 1 нче сентябрь көнне мәктәп бинасы ачылуныӊ 50 еллыгына багышланган Белем бәйрәменә чакырабыз. Башлана 9.00 дә.

            Ихтирам белән Салавыч урта мәктәбе коллективы.