Конкурс «Пионеры новой эры» 

Бүген 7 нче сыйныф укучылары катнашында инглиз телендә «Звёздный час» уены үткәрелде.

         Мәктәптә инглиз теле атналыгы бара. Фән укытучылары төрле класслар өчен инглиз телендә кичәләр, уеннар үткәрсә, укучылар исә инглиз телендә газеталар чыгара.

 Бүген 2 нче класс укучылары «Аулак өй» дип исемләнгән әдәби-музыкаль кичә күрсәттеләр. Кичәгә барлык укучыларныӊ әниләре һәм әбиләре килде. Алар үзләренеӊ яшь вакытларын искә төшереп, рәхәтләнеп ял иттеләр, олы рәхмәтләрен җиткерделәр.

Яз үзенең серлелеге, табигатькә яңа сулыш өрүе белән куңелне били. Язның иң тәүге бәйрәме-8 Март –Халыкара хатын-кызлар көне. Бу дөньяның бөтен матурлыгын, яшәү мәгънәсен хатын-кыз үзендә туплый алган һәм шул нурлы, сөйкемле карашы, җан җылысы белән ул җиһанны ямьгә күмә.

Сезне ихлас күңелдән онытылмас мизгелләргә бай булган яз бәйрәме белән тәбрик итәбез. Сезгә корычтай нык тазалык, кояштай озын гомер, мул тыныч тормыш, кайгы-хәсрәт күрмичә яшәвегезне, гаилә бәхете теләп калабыз. Мәңге шулай яз кояшыдай балкып, көләч булып яшәгез. Гүзәл туташларга яз сулышы саф сөюләр алып килсен! Дөньялар имин булсын, татулыкта, тигезлектә яшәргә язсын!

Бүген мәктәп күләмендә «Озын толым – 2012» конкурсы үткәрелде. Озын толымлы укучылар һәр бәйгедә уӊышлы чыгыш ясап, төрле номинацияләрдә җиӊү яуладылар. Ә конкурсныӊ төп җиӊүче итеп 9 нчы сыйныф укучысы Шакирҗанова Айгөл танылды.

         Бүген мәктәбебезнең хоккей мәйданчыгында авыл яшьләре арасында Сәйфетдинов Фанил истәлегенә хоккей ярышы үткәрелде. Авылыбызның яшьләр җыелма командасын җиңүләре белән котлыйбыз.

Бүген спорт һәм хәрби – патриотик айлыгына нәтиҗә ясалды. Бер ай дәвам иткән спорт ярышларында һәр бала бик теләп һәм актив катнашып, үзенеӊ сәләтен күрсәтеп калырга тырышты.

            I урынга 11 нче сыйныф, II урынга 9 нчы сыйныф һәм III урынга 5 нче сыйныф укучылары лаек булды.

Бүген мәктәптә хәрби-патриотик айлыкныӊ чираттагы күркәм чарасы – әтиләр бәйрәме үткәрелде. Башлангыч сыйныфларда укучы малайлар һәм әтиләр катнашында үткәрелгән ярышлар концерт номерлары белән үрелеп алып барылды. Бу чара – нәни укучыларыбыз өчен зур бәйрәм булды. 

Медиатека бүлегеннән кызыклы мизгелләрнеӊ фоторәсемнәрен карый аласыз.