Бүген укучылар һәм укытучылар тырышлыгы белән мәктәбебез  бәрәңгесе җыеп алынды. Бәрәнге уңышы елына күрә канәгатьләнерлек.

Мәктәп яны тәҗрибә участогында көзге эшләр тулы көченә дәвам итә. Бакчабызда уңышның мул булуы һәммәбезне куандыра. Бу муллык – укытучыларыбызның һәм укучыларыбызның тырыш хезмәт нәтиҗәсе.

Мәктәбебездә Белем бәйрәме күтәренке рухта узды. Быел мәктәбебезнең 1 сыйныфына 13 укучы тәүге адымнарын атлады. Бәйрәмдә район кунаклары, җирле җитәкчеләр, әти-әниләр һәм нәкъ 50 ел элек мәктәбебезнеӊ 1 нче сыйныфына аяк баскан укучылар  катнашты. Үзләренең изге теләкләре белән алар бәйрәмгә ямь өстәделәр.

             1 сентябрь - Белем бәйрәме белән барыгызны да котлыйбыз, эшегездә зур уңышлар телибез!

Сезне 1 нче сентябрь көнне мәктәп бинасы ачылуныӊ 50 еллыгына багышланган Белем бәйрәменә чакырабыз. Башлана 9.00 дә.

            Ихтирам белән Салавыч урта мәктәбе коллективы.

Мәктәп базасында технология укытучыларының август киңәшмәсе секция утырышы булып узды.

Мәктәп базасында рус һәм татар теле укытучыларыныӊ август киӊәшмәсе секция утырышы булып узды. Секция утырышында Волкова О.В.  (доцент ЦПКПР и ПРО при КФУ) һәм Нәҗметдинова Г.М. (ПЦПКПРИПРО белгече) катнаштылар.

Салавыч урта мәктәбе базасында башлангыч сыйныф укытучылары август конференциясе утырышларын башлап җибәрде. 160 укытучы җыйналып «Преемственность в работе ДОУ и школы в рамках введения ФГОС НОО в начальной школе» исеме астында эшлекле чыгышлар, фикер алышулар; түгәрәк өстәл артында рус теле, математика, татар теле, әйләнә-тирә дөнья, инглиз теле, физкультура фәннәрен укытуда үзгәрешләр турында сөйләшүләр оештырылды. Яӊа уку елына эш планы кабул ителде.

Бу көннәрдә мәктәбебездә август конференциясенеӊ секция утырышларына әзерлек эшләре бара.

Укучыларыбыз җәйге каникулда тик ятмыйлар. Һәр укучы үзенә билгеләнгән вакытта мәктәп бакчасында төрле эшләр башкара. Чүп утыйлар, су сибәләр, өлгергән яшелчә, җиләк-җимешләрне бик тырышып җыялар.