3 сентябрь – терроризм корбаннарын искә алу көне темасына сыйныф сәгатьләре узды.

Лицеебыз яны тигәнәктән ясаган сыннар белән әкият дөньясын хәтерләтә.

Чакыра, тагын чакыра

Кыңгырау классларга

Бүгеннән – Белем көненнән

Уку елын башларга

Математика фәненнән укучыларының белем сыйфаты буенча Балтач районы мәгарифе   данын республиканың инновацион  уку йортлары  арасында  югары баскычка күтәрә алган, укытучылар коллективы белән  заманча укыту технологияләрен гамәлгә кертүдә әйдәп баручы математика укытучысы  Закирова Люция Харисовна - «Наш лучший учитель»

Сәләтле укучылар белән нәтиҗәле эш алып баруда, үзенең шәхси методик эшчәнлегендә   югары нәтиҗәләргә ирешкән  тормыш иминлеге нигезләре фәнен укытучы Гилязов  Ранил  Фәритович - «Наш лучший учитель»

 Лицейда хезмәт юлларын матур күрсәткечләр белән башлаган яшь  белгечләр – тарих, җәмгыять белеме укытучысы Нигаматуллина Алсу Мөдәрисовна, физика, информатика укытучысы Хөрмәтуллин Ришат Рашитович - «Наш новый учитель» 

Салавычым! Мәктәбең дә

Бүген ялт итеп тора,

Белем, тәрбия алырга

Бар баланы чакыра.

Мәктәптәге кабинетлар

Бар да чиста, яңарган.

Төзүче абый-апалар

Бик тә, бик тә тырышкан.

Лицей бинасында эчке ремонт эшләре тәмамланды.  Яңартылган керү алды, коридор, сыйныф бүлмәләре, спортзал, санузелда  башкарылган эшләр сыйфатлы һәм зәвыклы булуы белән сокландыра.

1-7 август көннәрендә лицей директоры Закирова Люция Харисовна  ТР Мәгариф һәм фән министрлыгы тарафыннан   “Educare” Сингапур компаниясе белән берлектә әзерләнгән “Татарстан Республикасында белем бирү сыйфатын камилләштерү» проекты кысаларында ерак Сингапур дәүләтендә белем күтәрү курсларында булды.

Бүген 11 нче сыйныф укучыларының чыгарылыш кичәсе үтте. Бәйрәмне лицей директоры Л.Х.Закирова ачып җибәрде, чыгарылыш сыйныфы укучыларына иң изге теләкләрен җиткерде, өлгергәнлек турында аттестатлар тапшырды. Укучылар концерт номерлары аша лицей дирекциясенә, укытучыларга, хезмәткәрләргә, әти-әниләргә рәхмәт хисләрен белдерде. Беренче укытучылар, сыйныф житәкчеләре, тәрбия һәм укыту эшләре буенча директор урынбасарлары балаларга хәерле юллар теләп, күңел түрендәге олы хисләрен җиткерде. Әти-әниләр шулай ук укытучы-тәрбиячеләргә рәхмәт белдереп, унышлар теләде.

Бүген 18 укучыбыз олы тормыш юлына беренче адымнарын ясый. Аларга армый-талмый алга барырга, куйган максатларын тормышка ашырырга язсын дигән изге теләктә калабыз. Кая гына барсагыз да, кем генә булсагыз да, лицеебызның горурлыклары булып калыгыз! Уңышлар юлдаш булсын сезгә!

Бүген 9 нчы сыйныф укучыларының чыгарылыш кичәсе үтте. Тантана күңелле концерт программасы белән үрелеп барды. Бәйрәм барышында лицей директоры Л.Х.Закирова барлык укучыларга матур теләкләр теләп, өлгергәнлек турында аттестатлар тапшырды. Шулай ук әти – әниләр, укучылар лицей дирекциясенә, укытучыларга рәхмәтләрен җиткерделәр. 
         Кадерле чыгарылыш сыйныфы укучылары! 
Алда сезне мавыктыргыч яңа дөнья көтә. Ул бераз куркыта да, үзенә дәшеп кызыктыра да. Барыгызга да алдагы тормышыгызда бары тик уңышлар юлдаш булсын! Хәерле Юл сезгә!

Бүген 11 нче сыйныф укучылары химиядән һәм җәмгыять белеменнән соӊгы бердәм дәүләт имтиханнарын тапшырдылар.