2014-2015 нче уку елы әле генә башланган кебек булса да инде беренче яртыеллыгы узып та китте. Алда чыгарылыш сыйныф укучыларын бердәм дәүләт имтиханнары көтә.

2015 нче елда бердәм дәүләт имтиханнарында хәйран гына үзгәрешләр дә бар.

Бердәм дәүләт имтиханнары апрель, май, июнь айларында үткәреләчәк. Башка еллардан аермалы буларак, быел декабрь аенда барлык чыгарылыш сыйныф укучылары рус әдәбиятыннан сочинение, ә кайбер мөмкинлекләре чикләнгән балалар изложение яздылар. Сочинениенең (изложениеның) нәтиҗәсе “зачет” һәм “незачет” дип бәяләнде. Сочинение нәтиҗәсе “зачет” булган очракта гына укучы бердәм дәүләт имтиханнарына кертелә, әгәр дә “незачет” икән бу очракта укучы февраль аенда, ул вакытта да булмаса, апрель аенда кабат сочинение язарга тиеш була. Бу мәктәпне алдагы елларны бетергән укучыларга да кагыла. Алар мәгариф идарәсенә яки үзләре тәмамлаган мәктәпкә мөрәҗәгать итәргә тиеш булалар. Димәк, бердәм дәүләт имтиханнарына керү өчен һәр кеше дә мәҗбүри сочинение язарга тиеш була.

2015 нче елда кертелә торган үзгәрешләрнең тагын берсе - математика фәненнән бердәм дәүләт имтиханын база һәм профиль дәрәҗәдә тапшыру. Математикадан имтихан ике көндә уздырылачак. Профиль дәрәҗәсе имтиханы югары уку йортына керү өчен бирелә. Ул 100 балл белән бәяләнәчәк. Минималь балл булып 27 балл тора. База дәрәҗәсеннән имтихан биш балл белән бәяләнәчәк. Бу имтиханны укучы аттестат алу өчен һәм югары уку йортында ала торган белгечлеге математик хәзерлек таләп итми торган бүлекләргә укырга керү өчен сайлый. Быел чыгарылыш сыйныф укучысы математикадан база һәм профиль дәрәҗәсендәге имтиханнарның икесен дә яки икесенең берсен тапшыра ала. Кабат бирәсе булган очракта укучы имтиханның база дәрәҗәсен генә бирә алачак.

Укучы үзе сайлап ала торган фәннәрдән чит телдән бердәм дәүләт имтиханы, шулай ук, үз эченә язма һәм телдән өлешләрне алачак. Телдән өлеше чыгарылыш сыйныф укучысының гаризасы нигезендә үз теләге буенча уздырыла. Моның өстенлеге шунда, имтихан бирүче телдән өлешкә катнашып уңышлы чыгыш ясаса, аңа өстәмә 20 балл биреләчәк. Димәк, язу өлешендә – максималь балл - 80 балл, телдән өлешкә – 20 балл. Чит телдән имтиханның минималь баллы – 22.

Укучы сайлап алу фәннәреннән минималь баллны җыя алмаса, сентябрь аеннан соң кабат бирә ала. Ләкин елга бер тапкыр гына.

Быел бердәм дәүләт имтиханнарына гариза бирү вакыты 1 февральгә кадәр. Гариза биргән укучыларның Россия күләмендә бердәм базасы булдырыла. 1 февральдән соң бу базага үзгәрешләр кертеп булмаячак.

Хөрмәтле әти-әниләр, чыгарылыш сыйныф укучылары, алдагы елларны мәктәпне тәмамлаган укучылар! Шушы вакытка кадәр өйдә дә, мәктәптә дә уртага салып сөйләшеп, сез керәсе уку йортына нинди имтиханнар кирәк булачагын ачыклап, кирәкле фәннәрне сайлавыгызны көтеп калабыз. Имтиханнарга әзерләнүдә, аларны тапшырганда Сезгә уңышлар телибез.

Гарипова Э.Р. район мәгариф идарәсе методисты

Бүген чыгарылыш сыйныфы укучылары рус теленнән сынап карау имтиханы тапшырдылар.

Бүген 9 һәм 11 нче сыйныф укучылары математика фәненнән сынап карау имтиханы тапшырдылар.

Ир-ат укытучыларыбыз Салавыч авыл җирлеге спортзалында үткәрелгән волейбол ярышында катнаштылар.

Бүген башлангыч һәм 5 – 8 нче сыйныфлар өчен күӊелле Яӊа ел бәйрәмнәре узды.

Югары сыйныфларда яӊа ел кичәсе.

Хокук саклау органнары белән элемтәбез дәвам итә. Бүген лицейда өлкән участок вәкиле Гыйлемҗанов Ф.Ш. булды. Ул укучыларга каникул чоры өчен барлык төр куркынычсызлык кагыйдәләрен аӊлатты, Яӊа елда укучыларга булган таләпләр белән таныштырды.

Татарстан Республикасыныӊ Мәгариф һәм фән министрлыгы Россия Федерациясе субъектларындагы һәм чит илләрдәге укучылар өчен татар теле һәм әдәбиятыннан III халыкара олимпиада уздырды. Олимпиадада 8 нче сыйныфтан Александрова А., 9 нчы сыйныфтан Гарифуллина З., Гасанова Л., Хөсәенова З., Латыйпова З., 10 нчы сыйныфтан Иванова Л., Александрова О., 11 нче сыйныфтан Габдрахманова Р., Мөхәммәдиев Р., Рафикова Л. катнашты.

Бу көннәрдә лицей укучылары һәм укытучылар яӊа ел рухы белән яши. Бүген укучылар сыйныф җитәкчеләре белән бергәләп кар сыннары ясарга кереште.

Фән олимпиадалары  муниципаль турында яӊа уӊышларыбыз бар.

Информатика  фәне буенча –  8 нче сыйныф укучысы Хабибрахманов  Илнар  - призер;

Физкультура фәне буенча - 11 нчы сыйныф укучысы Габдрахманова Рузия -  призер ;

Технология фәне буенча -  8 нче сыйныф укучысы Бариев Риназ  - 

җиӊүче ;

Технология фәне буенча -  8 нче сыйныф укучысы Бәдегетдинова Эльвина – призер.

Укучыларныӊ нәтиҗәләре белән сайтныӊ «Предметные олимпиады» бүлегендә таныша аласыз.