Лицей бинасында тәрәзәләр куела, бинага керү алды ясала, җылылык системасы, ишекләр алыштырыла. Капиталь ремонтныӊ кызу темплар белән баруы белән беррәттән дәресләр расписание нигезендә укытыла, кабинетларда, коридорда даими санитария таләпләре саклана.

Лицей яны тәҗрибә участогында язгы эшләр тәмамланып килә, җирләр эшкәртелде, күп кенә яшелчәләр утыртылды. 

Лицей филиалы Сәрдегән башлангыч мәктәбендә экология дәресе үткәрелде.

Бөек Ватан сугышы ветераннары, тыл ветераннары, сугыш чоры балалары өчен "Рәхмәт Сезгә, исән калганнар! Хәтердә Сез, һәлак булганнар!” бәйрәм кичәсе булды.

12 нче май -"Бердәм экология дәресе" республика акциясенә кушылып, лицей филиалы Биктәш башлангыч мәктәбендә файдалы һәм кызыклы экология дәресе үткәрелде. 

«Бөек җиӊүнеӊ 69 еллыгын каршылап» укучыларыбызныӊ иҗат-отчет концерты булып узды.

9 май-Җиңү бәйрәме уңаеннан авылыбызда Бөек Ватан сугышы каһарманнарына куелган һәйкәл янында митинг оештырылды. Бәйрәм мәдәният хезмәткәрләре тарафыннан алып барылып, укучыларның, авыл үзешчәннәренең чыгышлары белән үрелеп барды. 

Бүген лицейда, Башкортостанна килгән «Зеленые береты» легендар ансамбле белән берлектә, Чечняда хәрби хезмәтен үтәгәндә һәлак булган Насибуллин Илнур Нурзада улы истәлегенә мемориаль такта ачылу тантанасы булды. Тантанадан сон «Зеленые береты» ансамбле концерт номерларын тәкъдим итте.

Бүген лицейда иҗат концертыныӊ беренче туры үтте. Концертта түгәрәкләр эшчәнлеге ачык чагылды.

2 нче май көнне укытучыларны, техник хезмәткәрләрне «Татарстан Республикасының дәүләт һәм муниципаль хезмәтләренә» теркәлү һәм түләүләр буенча укыту уздырылды. Коммуналь хезмәтләр, штрафлар, телефонга, балалар бакчалары өчен түләүнең төрле ысулларының отышлы булуына инандык. Бүгенге укуда газ өчен түләү турында өйрәндек.