Лицей волонтёрлары социаль үзәк хезмәткәрләре белән берлектә Бөек Ватан сугышында һәлак булып, авылга алып кайтып җирләнгән Саттаров Билал каберенә чәчәкләр куйдылар.

25 – 30 апрель көннәрендә бердәм иммунизация атналыгы уӊаеннан биология укытучысы Бариева Резеда Габдулхаковна лицеебызныӊ барлык укучылары һәм укытучылары өчен иммунология дәресе уздырды.

Лицеебыз волонтерлары Бөек Ватан сугышында катнашкан ветераннар һәм тыл ветераннарын котлауда катнашты.

Габдулла Тукайныӊ 130 еллыгын каршылап Туган тел айлыгы чараларыныӊ чираттагысы – Габдулла Тукай туган көнгә багышланган радиотапшыру үткәрелде.

«Спортивный Татарстан» республикакүләм акциясе кысаларында 16 – 23 нче апрель көннәрендә лицейда төрле спорт уеннары, конкурслар оештырылды.

"Охрана труда глазами детей" темасына үткәрелгән рәсемнәр конкурсында III урынга лаек булган 8 нче сыйныф укучысы Латыйпов Рәйхәнне котлыйбыз, җитәкчесе Латыйпова Гөлсинә Габделфәртовнага зур рәхмәтебезне белдерәбез!

Балтач районы мәктәпләренең яшь инспекторлары арасында уздырылган “Иминлек тәгәрмәче” конкурсында  лицеебызның яшь инспекторлары I урынны яулады. Укучыларны, аларныӊ җитәкчеләре Гыйләҗев Ранил Фәритовичны чын күӊелдән олы җиӊүләре белән котлыйбыз! 

21 нче апрель көнне лицеебыз коллективыныӊ «Талантларны барлар чак» дип исемләнгән иҗат – отчёт концерты булып үтте. Концерт уку елы буена эшләнгән эшләргә нәтиҗә ясау, барлык эшләнгән эшләребезнең уңышлары белән якыннан таныштыру белән үрелеп барылды.

Габдулла Тукайныӊ 130 еллыгын каршылап, лицейда бердәм Тукай дәресләре үткәрелде.

16 апрель көнне  Норма урта мәктәбендә  район мәктәпләренең  2003-2004 нче елгы кызлары  арасында баскетбол ярышы булды. Әлеге бәйгедә кызларыбыз I урынны яулады. Афәрин, кызлар! Киләчәктә дә зур үрләр яуларга язсын! Команданың тренеры Латыйпов Рәсим Кадим улына чиксез рәхмәтебезне белдерәбез!