“Бөек Җиңүнең 71 еллыгын каршылап”

     Мәрхәмәтле булыйк олыларга,

      Миһербанлы булыйк кечегә.

      Яхшы сүзебезне кызганмыйк без,

      Дөньядагы һәрбер кешегә.

  Лицей филиалы Биктәш башлангыч мәктәбе укучылары,  Бөек Җиңүнең 71 еллыгын   каршылап, авылның иң  өлкән  кешесе - 8 бала анасы, күпьяклап сыналган, әмма сыгылмаган, тол калган тыл ветераны Михайлова Анна апада кунакта булып, гыйбрәтле, мәгънәле чыгышын тыңлап, аны Җиңү бәйрәме белән котлап кайтты.

 9 нчы май бәйрәме ул 4 ел буена сугыш газаплары кичергән илебезнең беренче тынычлык көне. Ел саен без бу көнне шатланып, моңаеп һәм зур дулкынлану белән бәйрәм итәбез. Бөек Ватан сугышының дәһшәтле еллары ерагая барса да кешеләр күңелендәге җәрәхәтләр, яралар һаман да төзәлми. Шуңа да бу бәйрәм сагышлы, моңсу бәйрәм. Без- яшь буын, үсеп баручы буын батырларыбызны онытырга тиеш түгел. Лицей филиалы Сәрдегән башлангыч мәктәбе укучылары Гарифуллин Файзулла абыйны бәйрәм белән котладылар.

«Үлемсез полк» акциясеннән читтә калмадык

Җиӊү парады

Бүген лицейда JuniorSkills һөнәри ярышлары үткәрелде. Укучыларга 13 төрле һөнәр ияләре белән мастер класслар уздырылды.

Башлангыч сыйныфлар укытучысы Габделхакова Һиндия Мансуровна башлангыч сыйныфлар өчен бердәм эшмәкәрлек дәресе уздырды.

"Парклар маршы - 2016" акциясендә 10 нчы сыйныфтан Гарипова Рената, 8 нче сыйныфтан Латыйпов Рәйхан, 4 нче сыйныфтан Ханнанов Ислам җиӊүчеләр булдылар.

Лицей волонтерлары язгы кыр эшләрендә катнашучы авылыбыз хезмәтчәннәре янында булып Георгий ленталары тактылар.

Иммунизация атналыгы кысаларында лицейда «Иммунитет» темасына рәсемнәр күргәзмәсе оештырылды.

Һәр сыйныф Габдулла Тукай иҗатын чагылдырган газеталар чыгарды