Экскурсияләр - туган як табигате белән танышу, саф һавада хәрәкәт активлыгын камилләштерү һәм дә ял итү, матур мизгелләр белән кәефне күтәрү өчен бик уңай чара. Әлеге фото-сүрәттә шул күңелле мизгелләрнең чагылышы. Киң болында, йомшак чирәм өстеннән балалар рәхәтләнеп футбол тубы артыннан йөгерделәр.

Нәни генә булсак та чәчәкләргә су сибәргә без бик яратабыз. Беләсезме, ни өчен?

Безнең уен мәйданчыгын

Бизи матур чәчкәләр.

Су сипкәч, рәхмәт әйтеп

Селкетәләр чукларын.

Елмаеп каршы алалар

Көн саен иртән безне,

Иртәгә көтәбез диеп - 

Озаталар кичләрен.

Бүген балалар "Балтач ял паркында"  "Татарстан командасы" проекты кысаларында "Бердәм Россия" партиясенең "Яшь гвардиячеләр"  активистлары оештырган  чарада катнаштылар, күңелле уеннар уйнадылар. 

Сәламәтлек сукмагыннан

Көндә сәфәр чыгабыз.

Аяк табаннарын шулай

Бераз "борчып" алабыз.

Зурлар-2 төркеме балалары утырткан уңыш

Яшел чирәм эчендә яши  торган безнең нәни дуслар - камка, чикерткә һәм башка бик күп төрле бөҗәкләр тормышы безгә бик кызык. Алар белән танышуны дәвам иткән саен балаларда табигатьтәге тереклек ияләренә карата сак караш, кызыксынучанлык һәм күзәтүчәнлек күнекмәләре формалашу  арта, сүзлек запаслары да үсә.

Яшел күлмәкле чикерткә

Яшел чирәм эчендә.

Безнең янга чык әйдә

Нәни дустым бул әйдә.

Тәҗрибәләр үткәрү аша  балаларның логик фикер йөртү күнекмәләрен үстерәбез. Бүген 2 нче кечкенәләр төркеме балалары белән суда нәрсәләр бата, ә нәрсәләр калкып кире су өстенә күтәрелә дигән сорауга җаваплар эзләдек. Әйе, таш суда бата, ә агач суда йөзә икән.

Кечкенә генә булсалар да 1 нче кечкенәләр төркеме балалары  борчакның ничек үскәне белән гел кызыксынып торалар. Менә бүген борчак шау чәчәктә утыра, тиздән яшел кузаклары барлыкка килер. Бу бит табигать могҗизасы!

Бу атналыкны без "Күңелле уеннар" атналыгы дип атадык. Уеннарның нинди төрләре генә юк - кагыйдәле уеннар, спорт уеннары, өстәл уеннары һ.б.  Күп төрле уеннар арасында безнең иң яраткан спорт уеннары - туп белән. Баскетбол, футбол, хәрәкәтле уеннар "Кем күбрәк туп тота?", "Кайсы команда туплардан тизрәк арына?" һ.б. Спорт белән мавыгу җинү генә китерми, ул кәефне күтәрә, сәламәтлекне ныгыта,төрле әхлакый сыйфатлар формалаштыра. Менә шуңа да без спортны бик яратабыз!

Кулыбызда ук һәм җәя

Төбибез нәкъ уртага.

Хәрәмзәли белмибез без

Угыбыз читкә китсә дә.

Бик тә төгәл атырбыз без

Зур булып үсик кенә.