"Рус теле атналыгы" кысаларында мәктәпкә әзерлек төркеме балалары рус халык кәсебе таварлары, аларга төшерелгән бизәкләр турында белемнәрен тулыландырдылар һәм камилләштерделәр. Рус теле тәрбиячесе Городец һәм Гжель бизәкләре турында мәгълүматны  бик тулы һәм бай эчтәлекле презентация аша җиткерде. Соңыннан балалар әзер өлгеләрне  милли бизәкләргә хас төсләргә буядылар. Әлеге эшләрдән барыбызның да күнелләрне сөендереп тора торган  күргәзмә ясалды. 

Бүген мәктәпкә әзерлек 2 төркеме балалары күршедә генә урнашкан "Балтач 1 нче номерлы балалар бакчасы" да кунакта булдылар. Кунакка буш кул белән генә барып булмый. Күчтәнәчкә "Куян өе" әкиятенең  рус телендә сәхнәләштерелгән күренешен алып бардылар. Нәни артистларның уены  тамашачылар күңеленә хуш килде.

Бүген зурлар төркеме балалары рус халык әкияте "Шалкан" ны рольләргә бүлеп башкардылар.  Нәни артистлар театраль  күренешне тамашачы-дусларына  рус телендә җиткерделәр. Балаларда дуслык, тырышлык, ярдәмчеллек кебек сыйфатларны формалаштыруда әкиятләрнең роле бик зур. 

13.03-17.03 көннәрендә МББУ дә "Рус теле атналыгы" уздырыла.Программа кысаларында балалар белән күп кенә мавыктыргыч, кызыклы, интеллектуаль чаралар, театраль күренешләр планнаштырыла.

Бүген мәктәпкә әзерлек 1төркемендә әти-әниләр җыелышы узды. Әти-әниләр белән очрашуда Балтач социаль бүлегеннән психолог катнашты. Җыелышның көн тәртибендәге караласы сораудан чыгып баланың мәктәп алды өлгерешен билгели торган сыйфатлар турында сөйләштеләр. Шулау ук, әти-әни үзе баласын 1 класска укырга бирергә әзерме? шул сорауга да бергәләп җавап эзләделәр. Практик өлештә уздырылган тестлар, биремнәр дә җыелыш темасыннан чыгып уңышлы сайланган иде.

2017 ел -  Россиядә экология елы дип билгеләнде. Мәктәпкә әзерлек 1 төркеме балалары рус телендә "Кошларны саклыйк!"  дип исемләнгән театраль күренеш өйрәнделәр. Рус теле атналыгы кысаларында әлеге күренешне әти-әниләргә һәм урта, өлкән мәктәпкәчә яшьтәге төркем балалары хозурлыгына тәкъдим иттеләр.

8 март - әни бәйрәме, 

Бүләк итәмен чәчәк бәйләме.

Зурлар төркеме балалары 8 март бәйрәменә театраль күренеш әзерләделәр. Бик матур итеп "Шалкан" әкиятен әниләр хозурлыгына тәкъдим иттеләр.

Зурлар төркемендә "Гаилә бәйрәме" үтте.

Җир йөзендә бар гаилә дә

Яшәсен иде тату.

Шул чагында булмас иде

Ятимлек ачысын тату.

Безнең бүген бер теләк –

Гаилә бердәмлеге.

Бердәм гаилә, тату гаилә –

Милләтнең күркәмлеге.