Менә ямьле, җылы яз җитте. Тиздән, бик тиздән туган якларын сагынып кошлар кайтырлар. Алар хөрмәтенә "Карга боткасы" дип исемләнгән борынгы татар халкының милли бәйрәмен уздырдык.

Өйдәме түтәй, җәтрәк бир күкәй,

Бирсәң безгә өч күкәй,

Тавыгың салыр 100 күкәй.

Май кирәк, ярма кирәк

Карга туена бар да кирәк! 

17 март көнне уртанчылар төркемендә "Мин һәм минем сәламәтлегем" темасына әти-әниләр җыелышы узды. Җыелышта район мәгариф идарәсеннән психолог Закирова Г.Н. катнашты, Ул әти-әниләргә балалар сәламәтлегенә кагылышлы файдалы киңәшләр әйтте, тест-уеннар үткәрде. Балалар бакчасы шәфкать туташы Низмутдинова А.М. "Баланың сәламәтлеге безнең кулларда!" темасына тулы чыгыш ясады. Очрашу  "түгәрәк өстәл"  артында ике як өчен дә файдалы узды. 

"Рус теле атналыгы" дәвам итә. 16 март көнне яраткан  әкият геройлары балаларны "Әкияттә -кунакта" дип исемләнгән уен-викторинага чакырды. Уен-викторинада капма-каршы командаларны 2 мәктәпкә әзерлек төркеме төзеде,  убырлы карчык алып барды, Хөкемдарлар ролен әкият геройлары - җен, су анасы, үлемсез кощей башкарды. Әдәби чарада балалар үзләренең әкиятләр турында белемнәрен күрсәтте. Уен -викторина да дуслык җиңде.

Бик бай эчтәлекле һәм күңелле мизгелләр белән истә калырлык булып рус теле атналыгы узды.  Бүген йомгаклау чарасы,  фольлор бәйрәм – “Русская ярморка” гөрләп узды.  Табигать тә безне бәйрәм белән котлады, кояш нурларын җылырак, яктырак сипте.   Бәйрәмнең иң матур бизәкләренең берсе  – алып баручылар, борынгы Русьтагы сәйяр җырчы-музыкантлар (скоморохи) булды.   Бәйрәм балалар башкаруындагы рус халык авыз иҗаты әсәрләре, уеннары белән урелеп барды. Кыскасы,  уен-көлкегә, шаяруга  бай әлеге чара барыбызга да күтәренке кәеф бирде.  

"Рус теле атналыгы" кысаларында мәктәпкә әзерлек төркеме балалары рус халык кәсебе таварлары, аларга төшерелгән бизәкләр турында белемнәрен тулыландырдылар һәм камилләштерделәр. Рус теле тәрбиячесе Городец һәм Гжель бизәкләре турында мәгълүматны  бик тулы һәм бай эчтәлекле презентация аша җиткерде. Соңыннан балалар әзер өлгеләрне  милли бизәкләргә хас төсләргә буядылар. Әлеге эшләрдән барыбызның да күнелләрне сөендереп тора торган  күргәзмә ясалды. 

Бүген мәктәпкә әзерлек 2 төркеме балалары күршедә генә урнашкан "Балтач 1 нче номерлы балалар бакчасы" да кунакта булдылар. Кунакка буш кул белән генә барып булмый. Күчтәнәчкә "Куян өе" әкиятенең  рус телендә сәхнәләштерелгән күренешен алып бардылар. Нәни артистларның уены  тамашачылар күңеленә хуш килде.

Бүген зурлар төркеме балалары рус халык әкияте "Шалкан" ны рольләргә бүлеп башкардылар.  Нәни артистлар театраль  күренешне тамашачы-дусларына  рус телендә җиткерделәр. Балаларда дуслык, тырышлык, ярдәмчеллек кебек сыйфатларны формалаштыруда әкиятләрнең роле бик зур. 

13.03-17.03 көннәрендә МББУ дә "Рус теле атналыгы" уздырыла.Программа кысаларында балалар белән күп кенә мавыктыргыч, кызыклы, интеллектуаль чаралар, театраль күренешләр планнаштырыла.

Бүген мәктәпкә әзерлек 1төркемендә әти-әниләр җыелышы узды. Әти-әниләр белән очрашуда Балтач социаль бүлегеннән психолог катнашты. Җыелышның көн тәртибендәге караласы сораудан чыгып баланың мәктәп алды өлгерешен билгели торган сыйфатлар турында сөйләштеләр. Шулау ук, әти-әни үзе баласын 1 класска укырга бирергә әзерме? шул сорауга да бергәләп җавап эзләделәр. Практик өлештә уздырылган тестлар, биремнәр дә җыелыш темасыннан чыгып уңышлы сайланган иде.

2017 ел -  Россиядә экология елы дип билгеләнде. Мәктәпкә әзерлек 1 төркеме балалары рус телендә "Кошларны саклыйк!"  дип исемләнгән театраль күренеш өйрәнделәр. Рус теле атналыгы кысаларында әлеге күренешне әти-әниләргә һәм урта, өлкән мәктәпкәчә яшьтәге төркем балалары хозурлыгына тәкъдим иттеләр.