Җир йөзенең бөтен матурлыгын 
Килә сезгә бүләк итәсе. 
Дөньядагы матур сүзләрнең дә 
Иң җылысын килә әйтәсе. 

Илгә һәрчак көч – дәрт иңеп торыр 
Өлкән затлар ихлас елмайса… 
Картайдым дип һич тә кайгырмыйк без. 
Безнең гомер байлык ләбаса.

      4 октябрь көнне, сәгать 10.00да район мәдәният үзәгендә “Бишек туе” дип исемләнгән “Ак калфак” район хатын-кызлар оешмасы белән район мәгариф идарәсе тарафыннан әзерләнгән күркәм бәйрәм узды. Безнең балалар бакчасы коллективы да әлеге чарада катнашты - мәдәният үзәгендә бишекләрдән күргәзмә оештыруда үзебезнең өлешне керттек, балалар белән күркәм генә чыгыш ясадык. Бишек җырлары гел яңгырасын, буыннар чылбыры өзелмәсен иде.

Балаларның юлларда исән-имин йөрүен булдыру-өлкәннәрнең уртак бурычы. Балалар бакчасы коллективы ЮХИДИнең Балтач бүлекчәсе белән тыгыз элемтәдә эшли. Полиция хезмәткәрләре бездә кунакта булдылар. Алар бу юлы балаларга яктылыкны кире кайтара торган значоклар бүләк иттеләр. 

Көзнең матур бер көнендә

Табигать кочагында.

Рәхәтләнеп  уйнадык без,

Балтачның ял паркында.

Хозурландык агачларга,

Гөмбә һэм күркәләргә.

Сикерсәк тә, йөгерсәк тә, 

Аруны без белмәдек. 

Кадерле апалар! Сезне һөнәри бәйрәмегез белән чын күңелдән тәбрик итәбез. Сезгә сәламәтлек, иҗат һәм һөнәр уңышлары телибез. Бүгенге бәйрәмегездә сезгә нинди теләкләр, сүзләр генә теләсәк тә аз шикелле тоелыр.  Шуңа күрә бүгенге көндә сезгә карата эчкерсез, ихтирамлы, рәхмәтле хисләребезне бер нинди дә бүләк алыштыра алмас рәхмәт сүзе аша җиткерәбез.

Безнең нәни бармаклар

Тик торырга яратмый.

Тиз арада җыеп куйдык

Төсле автомобильне.

17 сентябрь көнне Балтач үзәк ял паркы балалар тавышына күмелде. Балтач балалар бакчасы коллективлары парклар көне уңаеннан җыелып, рәхәтләнеп уйнадылар, үзләрен җитезлектә сынадылар, төрле ярышларда катнаштылар. Әти-әнилэр дэ читтә калмады, алар өчен дэ уеннар оештырылды. Кыскасы, саф һавада ял итү күңелләргә бик хуш килде!

Җәйге җылы көннәр артта калды. Табигатьтә беренче көзге үзгәрешләр чагыла башлады. Соңгы чәчәкләр безне үзләренең гүзәллекләре белән сөендерәләр. Көз килгәнгә без бик шат!

Бүген бездә зур бәйрәм - 

Белем бәйрәме көне.

Чәчәкләр тотып кулга

Килдек без бакчабызга.

Котлыйбз бәйрәм белән

Апаларны, дусларны.

Хәерле сәгатъләрдә

Башлансын уку елы!

Яшел чирәм эчендә нинди генә бөҗәкләр юк - чикерткә, энә карагы, шөпшә, төклетура....2 кечкенәләр төркеме балалары шуларны бик кызыксынып күзәтәләр. "Аларның өйләре кая икән? Нәрсә белән тукланалар? Кыш көне суыклардан кая качала?" - кебек сорауларга тәрбияче апалары белән бергәләп җаваплар эзлиләр. Әйе шул, җәй әлеге сорауларга җавап табу өчен бик кулай чор.