Лагерьның 6 көнендә чаралар 1 июнь - Балаларны халыкара яклау көненә багышланды. Советник Гарипова Л.Р. отрядларда уен формасында әңгәмәләр үткәрде."Без - бәхетле, шат, сау-сәламәт балалар!" дип сөенеп үсәргә язсын балаларыбызга.
Шулай ук бу бәйрәмгә багышлап мәдәният йорты тарафыннан Балалар сабантуе уздырылды

Лагерьның 5 көне - Сәламәтлек көне.

Лагерьның 4 көнендәге чаралар "Яңа китаплар иленә сәяхәт" исеме астында үткәрелде. Укучылар авыл китапханәсенә, мәчеткә бардылар, җырлы-биюле уеннар уйнадылар.

Лагерьның 3 нче көне: бүгенге көн күпчелек әти-әниләрнең эш урыны булган терлекчелек комплексына экскурсия белән истә калыр. Бик кызыксынып күзәтеп, ошатып, тәмле итеп чәйләр эчеп, үскәч шунда эшкә килергә булып кайттылар балалар.

Лагерьның 2 нче көне - Сәяхәтчеләр көне. Бүген укучылар "күршеләребездә" кунакта булдылар, Мари Арбор мәктәбе белән таныштылар.

Бүген мәктәптә "Гөлбакча" мәктәп яны лагеры үзенең эшен башлап җибәрде. Көндәлек эш режимы Дәүләт гимннары белән башлап җибәрелде.

19 май – Пионерия туган көн. В.И.Ленин исемендәге Бөтенсоюз пионер оешмасы 1922 елның 19 маенда төзелгән. Якты хәтирәләр белән тарихка кереп калган оешмага быел 102 ел тула.
Ялкынлан, учак, дөрлә югары,
Без – пионерлар, эшче уллары.
Киләчәк чорлар чакыра безне,
«Һәрвакыт әзер!» пионер сүзе.

Пионер, комсомол, коммунист… Пионер — беренче дигән сүз. Пионерлар — билгесезлеккә юл салучылар, курку белми алдан баручылар. Пионерия оешмасы яшь буынны тәрбияләүнең иң мөһим чарасы булып торды. Күпме гомер үткән, күпме сулар аккан. Кайчандыр шаулап-гөрләп яшәгән пионерия инде тарихта гына калды.
Советник Гарипова Л.Р. Пионерия туган көненә багышлап әңгәмә-уен үткәрде. Чараның махсус кунагы - күп еллар пинервожатый булып эшләгән, үзе дә октябрят, пионер, комсомол булган Фәләхов Г.Г.

3 нче сыйныфлар китапханәче Хадиева Рафилә апа белән берлектә Гаилә елы кысаларында Гаилә бәйрәме үткәрделәр.